عرض للطباعة
:arghh:
:arghh:
:arghh:
يا جماعة انا لقيت مواضيع كتيرة مفتوحة فى المنتدى ومنفصلة عن الكماليات الى موجودة فى الانوس الكاملة والناس عاوزة تحطها فى الانوس الفاضية
ففكرت ان افتح موضوع كامل عشان الى عاوز يركبها مايلفش كتير ويدور على كل الكماليات دى وهى:
1- الفوجات
2- الساعة
3- لمبة الاستوب الخلفية
4- فرش بطانة الكابوت
5- المرايات الكهرباء
6-عداد rpm
7- السنتر والانذار
فياريت الى عارف ** الاسعار ** الماركة ** مكان الشراء والتركيب**
يفيد الجميع وشكرا:superman:
1- 150
2- 85
3- 100
4- 140
5- ???
6- 150
7- 280
MMamdouh
و الدريكسيون المتحرك ؟
هى لمبة الاشارة الخلفيه ( الاستوب ) الاصلية بتتباع ؟
ياريت المكان والسعر
الا اذا كان السعر 100 للاصلية كما ذكر الاخ MMamdouh
و الزجاج الكهرباء
و علبه البيئه
انا مش عارف اذا كان دة الاصلى ولا لااقتباس:
المشاركة الأصلية كتبت بواسطة magomago
MMamdouh
يا جماعة انا شايف ان عمليه تحويل لانوس Se إلى S ده موضوع كبير جدا وكمان هيكلف كتير يعنى ليه اصلا الى عاوزها كامله ميجبهاش كامله على طول ويريح دماغه والى عاوزها تكييف وباور بس وجابها كده يخليها على وضعها لآنه كل الحاجات الى بتركب عمرها ما بتبقى زي الى نازله اصلا فابريقة يعني مثلا الأزاز الكهربا عشان يركب محتاج تجيب فرش الأبواب بتاع اللانوس الكامله وده لوحده بمبلغ وقدره ده غير اللعب في الضفيره الى هيا اصلا مش مهزة لتركيب الأزاز كهرباء ثانيا تركيب السنتر لأن السنتر الى بيبقى نازل في العربية مختلف تماماً عن السنترلوك الى بيركب بره ابو 120 جنيه ده بتاع العربيع اصلا بتبقى الموتير راكبه على الكالون او بمعنى اصح بتبقى جزء من كالون الباب وصعب جدا تلاقي حد عنده السنتر بتاع الفبريقه يعطل انما السنتر الى بيركبوه في السوق ده بيبقى عباره عن موتور منفصل بيركب بوصله كده على الكالون وبيبوظ بسرعه جداً ده غير الأسلاك بتاعتهم الى عمرها ما بتمشى زي اسلاك المصنع بنظافه كمان المرايه الكهرباء حتيجى وتركب عادى بس هتحتاج تمدلها سلك من تحت التابلوه وتجيبلها المفتاح بتاعها الى بيشغلها الى بيبقو قافلين مكانه وبرضه هتحتاج تلعب في الضفيره وتركيب الفوجات وإلخ إلخ وكله هتلعب في الضفيره
نصيحه من واحد متمرمط في العربيات الضفيره طالما اتفتحت واتلعب فيها عمرها ما بترجع زى ماكانت والعربيه هتبدا تعمل اعطال كهربا زي فيوزات تضرب مثلا حتى لو كان شيخ الصنايعيه عو الى مركب الحاجات برضه اللعب فيها مش صح
1+اقتباس:
المشاركة الأصلية كتبت بواسطة Shiref_mohamed
MMamdouh
يا ا/ شريفاقتباس:
المشاركة الأصلية كتبت بواسطة Shiref_mohamed
اشكرك اولا على الرد
بس حبيت اوضح ان الى جاى مع العربية صحيح مش زى الى هايتركب برة
بس احنا بس عاوزين نساعد الى جاب SE عشان بتكاليف بسيطة يركب الكماليات الزيادة حتى لو كانت مش زى الاصلى بس على فكرة مش سيئة بالدرجة الى انت قلت عليها
عشان انا كان عندى عربية شاهين وركبتلها السنتر والانزار لمدة ثلاث سنوات وكانت شغالة زى الفل ومافيش اى شكوى منه وبتكاليف بسيطة
لكن الفرق بين الكاملة والفاضية 5000 جنيه لكن شوية التظبيط الى احنا بنقول عليهم دول مايتكلفوش 1000 جنيه
وبمقارنة المفاضلة بين فرق الجودة بين الاصلى والى بيتركب برة والفرق بين التكلفة فى الحالتين نلاقى فرق السعر كبير على فرق الجودة
هذا رائ الشخصى .....
وشكرا:arghh:
بص يا باشا اولاً - حضرتك الفرق الـ5000 جنيه بين الكامله والفاضيه مش كتير ولا حاجه لأنك لو حبيت تعمل الفرق ده بنفس طريقة الفابريقة يعني هتتكلف اكتر من 5000 جنيه بكتير وبرضه عمره ما هيبقى زي الفابريقة
ثانياً - كلامك مظبوط في موضوع السنتر والإنذار بس عمر الى هيركبو اد ايه طبعاً هيبقى قليل وديه مساله حظوظ يعني ممكن تركب السنتر ويعيش معاك وممكن ميقعدش معاك حاجه
ثالثاً وهو الأزاز الكهربا ممكن فعلا تجيب المكن بتاع اللانوس عادى خالص بس هتحتاج حضرتك تغير فرش الـ 4 ابواب عشان تجيب الفرش الي فيه اماكن الزارير بتاعه الأزاز وده تمنه على لسان اعضاء معانا هنا سالو عليه في الحرفيين 1200 جنيه انا شفت ناس فاتحه فتحات في الفرش العادى ومركبه فيه مفاتيح من الى بتتباع بـ 10 جنيه بس شكلهم سيئ جداً وحرام تعمل حاجه زي ديه فى العربية المشكله بقى فى الأسلاك الى هتمشيها وتدخلها مع الضفيره ممكن تبهدلك الدنيا والله
رابعاً - بقى وده الأهم كل الى فات ده عادى ممكن يتعمل مفيش مشكله بس فيه للأسف ناس بتعمل نفسها ناصحه وتقولك اوفر فرق الـ 5000 جنيه وبعد كده اعمل انا الكماليات التانيه هما دول الى انا اقصدهم بكلامى لأنى عارف نظام الكهربائية وعارف بيشتغلو ازاي و99 منهم مش متعلمين وبيعكو وياما بوظو لناس ضفاير عربيات كامله
تسدقو بأيه انا لياو احد صاحبى معاه لنوس 2001 جايبها زيرو من 2001 وفي سنة 2005 باظت منه سماعه من الى في الباب راح لكهربائي وفكهالو وراح اشترى واحده زيها وركبها وقفل وكله تمام وروح وركن العربية وغطاها كمان وبعدها بثلاثه ساعات لاقى الناس بتنده عليه وبيقولوله الحق عربيتك بتدخن نزل والله لاقي فرش الباب كله سايح في بعضه والضفيره سايحه والعربية معباه دخان من جوه واضطر يغير ضفيره العربية كلها وكمان فرش باب والكاسيت كمان اتحرق مع انى لغايه دلوقتى مش لاقي تفسير علمى منطقى للحصل معاه بس والله هو ده الى حصل وعلى فكره هو عربيته برضه كانت نص كماليات وكان مركبلها سنتر وانزار وكانو على طول عطلانين لدرجه مبقاش يستخدمهم وبيفتح ويقفل بالمفاتيح
انا معاك ان التركيب لا يمكن يكون زي الأصل اللي من المصنع ,
لكن ده ميمنعش ان فيه ناس ركبت الحاجات دي و معندهاش مشاكل ,
يبقى الموضوع انك تركب حاجة بجودة كويسة عند صنيعية كويسة ,
و ده من مميزات المنتدى , ان هتلاقي الناس اللي حصل معاها مشاكل بتقولها علشان بقيت الناس تاخد بالها ,
و اللي ركب الحاجات دي و شغالة كويس من فترة برده بيقول علشان بقيت الناس تستفيد ,
و بالنسبة للإزاز الكهربائي فيه صنيعية كويسين زي هشام لهيطة في التوفيقية كل الناس بتشكر فيه و تركب الزرار الأصلي اللي بيركب جنب عصاية فرامل اليد ,
و برده الإنذار و السنتر عنده ..
اقتباس:
المشاركة الأصلية كتبت بواسطة Akram
طب دة فين عنوانة دة
دلنى نفسى فى ازاز كهربة
عايز اتنك على الناس
شارع ذكى بالتوفيقية
MMamdouh
على فكرة يا جماعة دي أو مشاركة لي في المنتدى الجميل
باختصار أنا دلوقتي في ألمانيا ونازل أجازة ومحتاج عربية كلفت أخوية والميكانبكي يشترولي عربية كويسة ، وفعلاً اشترولي عربية دايو لانوس 99 لونها نبيتي عاملها 70 ألف كم فابريقة برة وجوه، وسعرها 45,5 ألف جنيه وفيها الكماليات التالية :
- تكييف
- بور
- كاست
- زجاج أمامي كهربائي
- وحدات رفع
- بيقولوا اريال كهربائي ومش عارفين بيشتغل منين
- سنتر لوك
- رموت كنترول
بس المرايا عادة ، والبابين الخلفيين زجاج يدوي
المهم مش عارف دي S , أو SE ؟؟؟
والكماليات الباقية أعرف أركبها و لا هتسبب لي مشاكل خصوصاً دي أولى تجاربي مع السيارات؟؟
أقصد أنوار الضباب - تكملة الزجاج الكهربائي - وغطاء الموتور وغيرها لو حد عنده حاجة تانية
أرجو الإفادة
محمد يونس
انتوا كدة قلقتونى :confused4:, انا كنت ناوى اركب سنتر وانذار,, بس مش اكتر,,
اركبهم ولا لآ؟؟؟
ياريت اللى ركبوا سنتر وانذار فى اللانوس يقولولى تجاربهم فى الموضوع دة
محمد يونس تيجي بالسلامه إن شاء الله, سيادتك بتقول اتنين زجاج كهربائي امامي معني الكلام ده انها se و دي بتنزل تكييف بور سنتر و بس لاكن ال s بتكون تكييف بور سنتر 4 زجاج كهربائي و المرايه الجانبيه اليمين تحكم كهرباء و بطانه الكبوت و لو عايز معلومات اكتر تصفح قسم الدايو و هتلاقي اجابات وافيه و مرحبا بك في المنتدياقتباس:
المشاركة الأصلية كتبت بواسطة Mohammad_Younis
تعليق ظريف و متفهمنيش غلط اصل انا لسه واخد بالي من النيكنيم بتاعك , ازاي راسي و تقلق؟!!!اقتباس:
المشاركة الأصلية كتبت بواسطة elrasy
المهم الناس بتتكلم عن تركيب حاجات كتير اكتر من اللي انت عايزه لكن سنتر و انذار توكل علي الله اشتري حاجه نضيفه و متسترخصش و ركب عند واحد يكون بيركب كتير و بعدين دي لانوس مش مايبخ ولا لامبورجيني انزل شارع دمشق في محلات محترمه و يركبولك و بردو اسيبك مع تعليقات باقي الاعضاء اصحاب اللانوس اكيد عندهم معلومات اكتر ( و لو ان الموضوع مازال بسيط)
كلام عجيب غريب علشان سبب بسيط, توقيعك يدل علي التقوي يبقي منين الكلام ده؟!!!!!!!!!!!!!!!!!!!!!!!!اقتباس:
المشاركة الأصلية كتبت بواسطة ahm177
و بعدين مشكله الزجاج العادي هو صعوبه فتح او قفل الزجاج اليمين و انت سايق
و لو شايف ان الزجاج الكهربائي يتيح لمالكيه "التناكه" علي خلق الله يبقي الموضوع بسيط جدا و سهل بس المشكله الناس اللي عندها زجاج كهربائي هتعمل معاها ايه؟؟؟
دى لانوس 1 مش 2... الزجاج و السنتر متركبين فيها مش اصلييناقتباس:
المشاركة الأصلية كتبت بواسطة amir
MMamdouh
كدة زى الفل و متفكرش تركب حاجة تانىاقتباس:
المشاركة الأصلية كتبت بواسطة Mohammad_Younis
MMamdouh
شكراً يا جماعة على الإهتمام ، وإن شاء الله أعمل بنصيحتكم وأحاول ما أركبش حاجة تاني ولو أني فرحان بالعربية من قبل ما أشوفها ونفسي أعمل فيها كل حاجة كويسة ، لكن طالما إن أكتر من كده يعمل مشاكل بلاش وخليني أتفرغ لنقل الملكية والترخيص
جزاكم الله خيراً