الموضوع: فتح الشنطه بالريموت

المشاركة الأصلية كتبت بواسطة mmharoun

متابع
بس سؤال يعنى ايه { مفتاح بطال }

انا برده عايز اسأل نفس السؤال

المشاركة الأصلية كتبت بواسطة caboo_1

صاحبى مركبها من غير كتاوت وشغالة عادى بس فعلا لازم فيوز

الصح كتاوت وهو كله على بعضه ب 5 او 8 جنيه وتريح دماغك

هما الصنايعيه بيقولو عليه كده وده المفتاح العادى ابو سوسته اللى تضغط عليه يشتغل تشيل ايدك يفصل

هو اسمه كده بطال عشان لما بتشيل ايدك من عليه يبطل زى زرار الكلاكس كده

المشاركة الأصلية كتبت بواسطة misoalex

هما الصنايعيه بيقولو عليه كده وده المفتاح العادى ابو سوسته اللى تضغط عليه يشتغل تشيل ايدك يفصل

هو اسمه كده بطال عشان لما بتشيل ايدك من عليه يبطل زى زرار الكلاكس كده

بجد والله انت افدتنى قوى علشان انا كان هيتضحك عليا
بتاع السنتر قالى هعملهالك ب 150 جنيه
بس انا قلت لازم افهم من اهل الخبره

والف الف الف شكر من هنا لغايه بكره الصبح

المشاركة الأصلية كتبت بواسطة samooh2010

بجد والله انت افدتنى قوى علشان انا كان هيتضحك عليا
بتاع السنتر قالى هعملهالك ب 150 جنيه
بس انا قلت لازم افهم من اهل الخبره

والف الف الف شكر من هنا لغايه بكره الصبح

العفو يا باشا

الحمد لله انى قدرت افيدك لانى برضه استفادت المعلومات دى من هنا فى المنتدى ومع التجربه العمليه

والموضوع سهل وبسيط وانا عملته بنفسى مع الكهربائى بس روحت لبتاع الابواب عشان يخرم خرم فى الشنطه من جوه عشان يثبت السنتر جنب الطبله واخد 10 جنيه وركبلى السنتر كمان
والكهربائى اخد 10 جنيه وعملى التوصيلات
ممكن فى عربيتك انت تدفع مصنعيه 20 او 30جنيه تقريبا عشان يبقى كهربائى نضيف يعنى لو الموضوع كله اتكلف 75 جنيه يبقى انت كده صرفت كتير كمان مش 150 جنيه ده مفترى
والموضوع ده ممكن يفيدك بس الصور اتمسحت للاسف

http://www.nilemotors.net/Nile/96748-a.html

المشاركة الأصلية كتبت بواسطة elawany13

استفسار الله يكرمكم
حضراتكم بتقولوا الافضل تركب فيوز على قربة سنتر الشنطة
بنفس المنطق هنركب فيوز على قربة سنتر كل باب !!!
مش السنتر بيكون ليه فيوز اصلاً ؟؟؟

حضرتك رديت على سؤالك

السنتر بتاع الابواب مش متوصل مباشر لبطاريه العربيه لا ده متوصل الاول بجهاز والجهاز المفروض ليه فيوز مخصوص وجواه سويتش نفس فكره الكتاوت

لكن اللى حنعمله فى الشنطه ده حاجه تانيه انت حتجيب فرده سنتر لوحدها وتوصلها على بطاريه العربيه مباشره عن طريق مفتاح

وبعدين انت حتصرف كل ده وحتستخصر فيوز ب نص جنيه ؟؟؟؟؟؟؟؟ ده حمايه يا باشا لعربيتك

المشاركة الأصلية كتبت بواسطة elawany13

لا ياباشا مش استخصار ولا حاجه انا بتناقش معاك علشان أفهم بس
بالعكس أنا بحب ان الحاجه تتعمل صح وتكون آمنه
ثم انا بجيب الفيوز ابو جنيه ونص الايطالى
مش ابو نص جنيه الصينى
ههههههههههه

ياعنى افهم من سعادتك ان قربة السنتر بتاع الشنطه مش هيتوصل بالسنتر ؟
وهيكون مستقل بذاته
كده مش هيشتغل بالريموت
هيشتغل بزرار من جوه بس
صح كده ؟

مش هيشتغل مع السنتر بتاع الابواب
هيشتغل على الانذار على زرار فتح الشنطه
وبيبقى له سلك طالع من الانذار