كل عام وانتم بخير بمناسبه حلول عيد الاضحي المبارك

**م/محمد** · 29-10-2011 04:12 PM

كل عام وانتم بخير بمناسبه حلول عيد الاضحي المبارك
وانا بعتذر لانقطاعي عن المنتدي لحوالي الشهر لمروري باكثر من ضائقه شخصيه في وقت واحد
اصلها بتقعد تجمع وتروح فاتحه في وشك مره واحده .........الحمد لله
وانا عارف اني مقصر في السؤال عن الناس اللي مشفتش منهم غير كل خير بس غصب عني
احمد مصطفي ......متزعلش مني الواحد مقصر معاك والله والف سلامه علي الحاجه بس نعوضها ان شاء الله ويلا بينا علي دهب في العيد ولا غيرت رايك ؟؟؟؟
حسين ........حبيب قلبي كده برده يا سونه يا خاين ؟ متسالش عني ؟ عامه علشان اسامحك لازم تقولي فاتني ايه في الايام اللي فاتت و ترجعني للتراك مره تانيه
وليد عادل ........اخبارك ايه ربنا يطمنا عليك انت من الناس الجدعان اللي متتعوضش
احمد اف بي اي .............سمعت انك كملت العلاج من الوسوسه وقلبت معاك بالعكس تماما خد بالك من الانتكاسه وابقي طمنا عليك
بيشوي ...........يا منفضلي ولا كاننا طلعنا اكتر من 3 مقابلات مع بعض عامه انا بهرج معاك ومقدر ان كل واحد في دوامته اللي مبتخلصش
وعلشان منساش حد
الي جميع اعضاء المنتدي المحترمين كل عام وانتم بخير واطمع في مقابله عن قريب ان شاء الله

**WalidAdel** · 29-10-2011 04:32 PM

المشاركة الأصلية كتبت بواسطة م/محمد

وليد عادل ........اخبارك ايه ربنا يطمنا عليك انت من الناس الجدعان اللي متتعوضش

ياباشا ربنا يخاليك علي سؤالك ده
و ان شاء الله نتقابل قريب

و كل سنه و انت طيب و بخير ان شاء الله

والله انا كان عندي اقتراح كده لو ينفع نعمله يبقي تمام
اننا نتقابل يوم الوقفه بليل علي الساعه 11-12 كده و نفضل قاعدين مع بعض و نتعشي سوا و بعدين نصلي الفجر ان اشاء الله مع بعض و بعدين صلاة العيد مع بعض بردوا لو حد يقدر يعمل الموضوع ده يبقي تمام اوي

**zeznia** · 29-10-2011 06:52 PM

welcome back
وكل سنه وجميع طيبيين

**Bishoy.Girgis** · 29-10-2011 07:26 PM

المشاركة الأصلية كتبت بواسطة م/محمد

بيشوي ...........يا منفضلي ولا كاننا طلعنا اكتر من 3 مقابلات مع بعض عامه انا بهرج معاك ومقدر ان كل واحد في دوامته اللي مبتخلصش

كل سنة و انت طيب يا جميل و ربنا يخلي كل حياتك في خير انت و اسرتك الكريمة
علي فكرة انا اتصلت بيك كتير جدا جدا ايام الحادثة بس انت مكنتش بترد علي الموبايل خالص و كنت عايز اطمئن عليك
كويس انك بخير و بجد انت وحشتنا كتير و اهلا بيك تاني و رجوعك الجميل

**SonaSteel** · 29-10-2011 07:38 PM

حبيبي يا هندسه... حقك عليا والله
انت عارف اللي فيها.... ربنا يعينك والف حمد لله علي سلامتك وربنا ييسرلك كل خير
وعود حميد ان شاء الله
وبالنسبه لاقتراح وليد شغااااااال يونيفرسال برده;)))

**WalidAdel** · 29-10-2011 07:46 PM

المشاركة الأصلية كتبت بواسطة م/محمد

انت عارف الاقتراحات دي ملهاش غير رد واحد عندي
شغااااااااااااااااااااااا ل..............يونيفرسال

احبك وانت مصدرلها الطارشه كده ايوا ياعم محدش واخد منها حاجه
نشوف بقيت الناس و لو تمام انا كده كده ببقي في الشارع اليوم ده اصلا

**Youssef.Awad** · 29-10-2011 09:01 PM

كل سنة وانتم جميعا طيبين وبخير
وبالنسبة لاقتراح يونيفرسال ده طبعا سارى على الاخوة العذاب

**Youssef.Awad** · 30-10-2011 01:38 AM

المشاركة الأصلية كتبت بواسطة م/محمد

ازي حضرتك يا دكتور
ان شاء الله تكون بخير
الاقتراح ساري للعذاب وغير العذاب يا دكتور لان ده يوم في السنه
امال لو طلبنا منك انك تسافر معانا هتعمل ايه!!!!!!!!

انا بقترح نقضي اليوم ده في القاهره الفاطميه - شارع المعز- بعد ما نعك من عند بابا عبده او زيزو نتانه

الحمد لله بخير يا باشمهندس
طبعا هو يوم فى السنة وعشان كده لازم التواجد فى محيط العيلة خاصة انه اول عيد بعد الجواز
وبعدين لو فيها سفر شغااااااااااااااااال انا باحب السفر وباتخنق من جو القاهرة
وبالنسبة للاكل من برة ماليش فيه اوى خاصة الاماكن المآسوية دى

الموضوع: كل عام وانتم بخير بمناسبه حلول عيد الاضحي المبارك

LinkBack

أدوات الموضوع

عرض

-

-

-

-

-

المواضيع المتشابهه

كل عام وانتم بخير بمناسبة عيد الفطر المبارك

كل عام وانتم بخير (امساكية شهر رمضان المبارك )

كل عام وانتم بخير بمناسبة عيد الاضحى المبارك

تهنئه بعيد الاضحي المبارك

تهنئة بمناسبة عيد الاضحي المبارك

الكلمات الدلالية لهذا الموضوع

المفضلات

المفضلات

ضوابط المشاركة