الموضوع: عربيتي الكروز بتبطل بعد التشغيل :(

بص يا باشا ...احناالكروز بتاعتنا كانت مانيوال ..كانت بتبطل و هى ماشية (العيب المشهور ) بس الحمد لله انتهى بعد اخر سوفت وير ...بس العربية من فترة كانت مش بتدور خالص و ببتاخر ف الدوار لحد ما مبقتش بتدور خالص ..وطلع العيب ان فيشة حساس حاجة كدة (مش فاكر ) مكنتش متركبة مظبوط

ممكن بطاريه مش عارف

ربنا يبارك فيكم جميعاً...بس هو ايه سينسيو الايدل ده؟

شوف حضرتك
انا كان حصل معايا الموضوع ده بس بشكل تانى يعنى انا معايا الكروز عاملة 35000 كيلو التوب لاين لكن ما كانتش بتبطل لكن فجأة من شهر عملت معايا حركة غريبة اجى ادورها ما تدورش (تلقط مارش لكن ما بتدورش ) وكان موقف سخيف جدا لانه حصل وانا فى حتة بعيدة والساعة 2 باليل -- المهم انها بعد نص ساعة سبتها وجيت ادورها دارت -- وبعدين بعدها باسبوع عملت نفس القصة
روحت التوكيل وقولتلهم على الموضوع وانا باعمل الصيانة لكن ولا عملوا حاجة -وعملتها معايا تانى
اتصلت بخدمة العملاء عملت شكوى فى التوكيل وقولتلهم على العيب وبصراحة من هنا الموقف اتغير -- لقيت ناس بتكلمنى من خدمة ما بعد البيع وخدوا منى التفاصيل كلها وادونى معاد اروح التوكيل يشوفو الوضع -- وبعدها بنص ساعة لقيت واحد بيكلمنى من ادراة الجودة اللى بتشرف على منصور -- وبرضوا خدوا منى التفاصيل -
المهم رحت التوكيل المهندس قالى والله السوفت وير الى عندى مش بتاع العربية التوب لاين ( lt ) وانا من خبرتى ( ده كلامه ) انها اكيد حساس الكرنك لان هو المتحكم فى كمية البنزين اللى رايحة للموتور يا اما طرمبة البنزين -- وجابولى حساس كرنك وغيره على حسابهم -- وحاليا بقالى اسبوع تقريبا ما حصلش معايا حاجة على وعد انى هاروح برضه للكشف بالكمبيوتر كاطمئنان لا اكثر -- فانا انصحك بانك تروح للتوكيل وتكشف واهم حاجة تكتب العيب فى امر الشغل وتخلى نسخة معاك