الموضوع: ايه رائيكم في موبايل Sony Ericsson Xperia mini

اولا سوري في التأخير في الرد علي الموضوع
بس دا مش لعدم اهتمامي لسمح الله

بس حصل خير

وفعلا انا قررت اشتريه بكره بإذن الله تعالي

هل في حد عنده تعليق عليه تاني ؟

المشاركة الأصلية كتبت بواسطة عزيز محمد

ربنا يبارك لك فيه مقدما

ولو سمحت إبقى شاركنا رأيك فيه وانطباعاتك عنه لإني فعلا مهتم بيه بشدة ومحتار أجيبه ولا أستني mini pro لما ينزل كمان شهر

اكيد اول ما اجيبه هكتب تقرير مفصل عن الجهاز ورائي فيه واستخدامه

باركولي بقي علشان امبارح اشتريت الموبايل Sony Ericsson Xperia mini
Sony Ericsson Xperia mini - Full phone specifications

لونه اسود
واشتريته بـ 1550 جنيه
اشتريته من محل ( زين ) مول رقم ( 1 ) في السراج اول ما تدخل من الباب الرئيسي هو في الوش علي طول
ضمان سنة واحدة من رزق الله
وهما موزع معتمد ليه ودا احسن سعر بصراحة لقيته
قبل ما ادخل في الموبايل برضه حاجة احب اقولها
الي خلاني اشتري من ( زين ) مش سعره قد ما الشاب الي واقف فيه فاهم كويس بيوصفلك الموبايل صح - ذوق جدا - غير كدا بما اني درست Marketing
فا دا Marketing هايل وربنا يوفقه

الموبايل بقي زي اللينك الي فوق بيوضح مواصفاته
والفيديو دا برضه بيوضحه
Sony Ericsson Xperia mini Review - YouTube

انا مش هعرف اكتب انطباعي عنه كويس
لاني اول مرة استخدم سمارت فون شخصي
يعني اول مرة امتلك موبايل فيه تاتش واندوريد

بس نيجي لنقطة جوهرية فيه وهي الحجم والتاتش
الحجم مش صغير اول والشاشة 3 بوصة
والتاتش عليها كويس ومش مضايقني قد ما انا مش متعود عليه
بس مقارنة طبعا بـ X10
الحجم اكبر واحسن كتير
X10 صعب اوي بالنسبالي
دا بالنسبالي حجمه شبه مثالي لاني مش بحب الحجم الكبير زي الايفون والـ HTC
وبالنسبة للـ pro هينزل بعد العيد وهيبقي بحوالي 1850 جنيه
والفرق الكي باد فقط
وبالنسبالي حسب استخدامي مش محتاجها

واي حاجة جديدة تظهر قدامي هكتبها علي طول

واي حد استخدم سوني اريكسون وتحديدا ميني اكسبريا
لو عنده نصيحة يفيدني بيها ياريت ما يبخلش

وعامة لو حد عنده نصيحة في الاندوريد ياريت برضه ما يبخلش
:)