ايه رائيكم يا شباب في موبايل Sony Ericsson Xperia mini
انا ما استخدمتش اندرويد قبل كده
وكمان من ناحية هل في حاجة احسن في نفس السعر
وهل سوني اريكسون ماركة يعتمد عليها
عرض للطباعة
ايه رائيكم يا شباب في موبايل Sony Ericsson Xperia mini
انا ما استخدمتش اندرويد قبل كده
وكمان من ناحية هل في حاجة احسن في نفس السعر
وهل سوني اريكسون ماركة يعتمد عليها
انا معايا اكس 8 من حوالي شهر
الاندرويد ممل شويتين بالنسبة لي ( انا مستخدم اي فون لمده 3 سنين )
لسوني ممتاز اوي اوي اوي و عاملين تعديلات في الاندرويد مخلين شكله جبار
انا انصحك ب اكس 8 عن اكس 10 ميني او حتي برو
شاشتة 3 بوصة الاتنين 2.5 بوصة
الاتنين اندرويد ( لحد 2.1)
كلهم فيهم جي بي اس و راديو و بلوتووث و كام
بس فرق السعر
الاكس 8 ب 1075 ( من السراج من حوالي شهر )
الاكس 10 ميني ب 1500
!!!! بذمتك مين افضل
المينى عيبه الجوهرى حجمه لو صوابعك كبيرة زى حالاتى هتعانى الامرسن معاة خليك فى ال x8 او ال x10
السؤال يا جماعة عن Sony Ericsson Xperia mini
وليس عن Sony Ericsson Xperia x10 mini
المينى كلهم تقريبا حجم واحد علشان كدة رشحنالك موبايلين تانين ابهات المينى يعنى
الاكسبريا المينى شاشته 3"
الاكسبريا x10 مينى شاشته 2.55"
الاكسبريا x8 برضو 3" و لكن المينى الجديد يفرق عنه بروسيسور و رام و اندرويد 2.3 فمفيش وجه مقارنة بينهم ، المينى الجديد احسن بكتير
موبايل راااائع مسكته مرتين وعجبني بس أنا كمستخدم للأندرويد (galaxy s i9000) بارتاح للشاشات الأكبر شوية فالأندرويد
وعموما الــنظام فالاكسبيريا ميني مناسب لحجمه جدا و الموبايل عيبه الوحيد ان لو صوابعك تخينة شوية مش هيناسبك نهائيا اما لو انت صوابعك متوسطة - صغيرة هيعجبك ان شاء الله
معايا مينى برو ... صوابعى كبيره و معنديش اى مشاكل ... مشكلتين هيقابلوك
1- android 2.1 اخره فلو بتحب اللعب و التحديث يبقى هتعمل رووت
2- العربى فيه بعافيه ... هتقرا الكلام بالعربى بس لما تكتب على website سشاعات ميبانش ... بس الرسايل بتتقرى و تتكتب عادى
غير كده ممتاز و حجمه صغير و دى بالنسبالى ميزه
كاميرته عامله ايه ياباشا ؟؟؟
5 ميجا ... كويسه بالنسبه للتليفون (بس انا استخدام الكاميرا من التليفون مش كتير) ... ساعات الصوره بتطلع مهزوزه لأن حجمه صغير و مع دوسة الزرار بيتهز ...
اه كمان مفيهاش زوم و انت بتصور ... لما تنزل الصوره تعمل زوم بالسوفتوير او لو بتشوفها على الموبايل ممكن تكبر و تصغر براحتك بس و انت بتصور مفيش
هو اكيدحضرتك انا عارف موبايلى نوعه ايه...xperia x10 mini pro
من شويه على موقع سونى اريكسون كاتبين انه هينزله جينجربريد بس لسه معملتوش
يا افندم أكيد طبعا إنت عارف موبايلك نوعه إيه ومواصفاته إيه لكن كنت باتكلم عن ده
Sony Ericsson Xperia mini - Full phone specifications
وليس عن Sony Ericsson Xperia X10 mini pro - Full phone specifications
عموما أنا شخصيا استفدت من خبراتك مع موبايلك لإن الموبايل موضوع السؤال شاشته أكبر وطالما الشاشة الصغيرة مش مضايقة حضرتك يبقى ده معناه إن الشاشة الأكبر حتكون كويسة بإذن الله
اكيد الشاشه الاكبر ليها مميزاتها بس انا كنت عايز شاشه صغيره فبالنسبالى المينى ممتاز
يعتبر افضلهم "اكسبيريا ميني" ...... توكل واشتريه بدام بتحب الشاشات الصغيره ... وهو امكانياته كبيره
اولا سوري في التأخير في الرد علي الموضوع
بس دا مش لعدم اهتمامي لسمح الله
بس حصل خير
وفعلا انا قررت اشتريه بكره بإذن الله تعالي
هل في حد عنده تعليق عليه تاني ؟
باركولي بقي علشان امبارح اشتريت الموبايل Sony Ericsson Xperia mini
Sony Ericsson Xperia mini - Full phone specifications
لونه اسود
واشتريته بـ 1550 جنيه
اشتريته من محل ( زين ) مول رقم ( 1 ) في السراج اول ما تدخل من الباب الرئيسي هو في الوش علي طول
ضمان سنة واحدة من رزق الله
وهما موزع معتمد ليه ودا احسن سعر بصراحة لقيته
قبل ما ادخل في الموبايل برضه حاجة احب اقولها
الي خلاني اشتري من ( زين ) مش سعره قد ما الشاب الي واقف فيه فاهم كويس بيوصفلك الموبايل صح - ذوق جدا - غير كدا بما اني درست Marketing
فا دا Marketing هايل وربنا يوفقه
الموبايل بقي زي اللينك الي فوق بيوضح مواصفاته
والفيديو دا برضه بيوضحه
Sony Ericsson Xperia mini Review - YouTube
انا مش هعرف اكتب انطباعي عنه كويس
لاني اول مرة استخدم سمارت فون شخصي
يعني اول مرة امتلك موبايل فيه تاتش واندوريد
بس نيجي لنقطة جوهرية فيه وهي الحجم والتاتش
الحجم مش صغير اول والشاشة 3 بوصة
والتاتش عليها كويس ومش مضايقني قد ما انا مش متعود عليه
بس مقارنة طبعا بـ X10
الحجم اكبر واحسن كتير
X10 صعب اوي بالنسبالي
دا بالنسبالي حجمه شبه مثالي لاني مش بحب الحجم الكبير زي الايفون والـ HTC
وبالنسبة للـ pro هينزل بعد العيد وهيبقي بحوالي 1850 جنيه
والفرق الكي باد فقط
وبالنسبالي حسب استخدامي مش محتاجها
واي حاجة جديدة تظهر قدامي هكتبها علي طول
واي حد استخدم سوني اريكسون وتحديدا ميني اكسبريا
لو عنده نصيحة يفيدني بيها ياريت ما يبخلش
وعامة لو حد عنده نصيحة في الاندوريد ياريت برضه ما يبخلش
:)
ربنا يبارك لك فيه، وشكرا على مشاركتنا انطباعاتك عنه
البرو نزل في موبايل شوب وفعلا سعره 1850 وما يزدش عن الميني غير الكيبورد والكاميرا الأمامية، وطبعا وزنه أكتر بمقدار التلت تقريبا
والواحد لسه محتار بينهما بصراحة لإني برضه مش باحب الموبايل يكون تقيل أو كبير عشان يبقى سهل في الحمل
ربنا يبارك لك فيه وتسمع منه اخبار حلوه ....... معايا x10 جهاز زي كويس مش بطال