مشااااااااااااااااااكل عفشه السيارات و مشاااكل ضبط الزوايا و اتزان العجل

**تامر راغب** · 20-12-2014 11:39 PM

رصص واظبط زوايا واتزان
هتبقى زى الفل

**ramyashraf94** · 21-12-2014 02:31 PM

متشكر جدا لا اهتمامكوا و هو فعلا العربية فيها مشكلة فى الزوايا هيا بتحدف يمين بس مش بتحدف جامد يعنى و ربنا يطمنكوا و يسترها معكو و مع كل البيسوقوا فى البلد دى

**م أحمد** · 25-12-2014 01:54 PM

الكشف لمشاكل العفشة :

لو انت ماشى تمور العربية و تشوف الفرق مع وضع التعشيق

و لو انت واقف ترفع العجلة محل الشك بكوريك و تلففها بايدك يمين و شمال مع كسر الدركسيون و تدفعها لجوة و برة

**said marzouk** · 04-01-2015 05:53 PM

انا العربيه عندي كلت بيها كام مطب كده علي سرعات عاليه وبعدين لقيت المساعدين خفت خالص . رحت مغير طقم مساعدين بالسوست والبطاحات . العربيه ظبطت معايا في المطبات بس بسمع سوط تقطقه في المطبات الصغيره والمناطق المكسره وسعات في اول طلعه العربيه ولحظه الفرمله . وبعدين لاحظت الكاوتش اللي ورا مش عدل الفردتين حدفين في نفس الاتجاه يعني الفرده اليمين اللي ورا حدفه لجوه والشمال حدفه لبره . مع العلم ان العربيه عندي علي دنجل . ايه الحل لو سمحتو

**hassan777** · 26-01-2015 03:44 AM

اكشف على المقصات ... و على قواعد الموتور و الفتيس لو بتحس بنتشه كده فى الطلعه

**محاسب صعيدى** · 26-01-2015 11:42 AM

موضوع رائع بجد ومهم لكل مبتدى سواقة

**EslamEasa** · 26-01-2015 11:55 PM

احيانا بيكون فى خبطه ورا مع الفرامل يعنى لو ماشى و كبست فرامل و بتاع بحس انى راكب جمل زى ما يكون فيه كفيه بسيطه لقدام دا من ايه

و احيانا زى خبطه ورا كددا

**hassan777** · 27-01-2015 01:38 AM

الكفيه اللى قدام دى غالبا سوست ضعيفه .. لما بتدوس فرامل العربيه بتهبط جامد و بتتكفى لقدام . اما الخبطه اللى ورا دى ممكن تكون حاجات كتير ,, اكشف على العفشه امامى و خلفى عند مركز ضبط زوايا محترم