الكمال و العلم لله وحده و ربما لا اكون مهندس صوتيات و لكن عندي من العلم حبيت اساعد بيه الناس

1 - لا تستمع لكلام البائع .. فهو لا يريد مصلحتك بل يريد المكسب و ليس المكسب الأكتر في الأغلي دائما أيضا
2 - اعرف خرج الكاسيت بتاعك أولا و لازم تعرف ان الصوت النضيف يبدأ من Head Unit نضيفة
3 - اعرف القدرة الحقيقية لسماعتك الـ RMS و ليس الـ PMPO الأخيرة هي المكتوبة بوضوح و الأولي يا مكتوبة بخط صغير يا مش مكتوبة غير جوه
4 - اعرف الـ frequency response للموديل اللي نفسك فيه ( الأذن تسمع من 20-20000) و لازم السماعات تبقي مغطيه:
كينوود بتغطي Bass تحت ال 30 و treble فوق ال 20000
بيونير بتغطي Bass بين ال 30 و 40 و treble اعلي شوية
سوني بتغطي Bass بين ال 40-50 و treble t,r فوق ال 20000 بس بأقل نسبة تشويش distortion يعني نقاء أعلي
خرجت JBL-Infinity-Bose..بره المنافسه لعدم توافرهم و توافر موديلات كافية في السوق بس عموما هما مش مناسبين للسوق المصري قوي لأنهم بيركزو علي نقاء اعلي مش علي بيز و تريبلات و خرج اعلي
5 - ركز في الديسيبل لازم يكون 90 فما أعلي .. 94 بيبقي ضعف علو الصوت
6 - لو كاسيتك بدون امبليفير يبقي اختار اعلي PMPO بأقل RMS لأنه مش ممكن الكاسيت حيديك اكتر من 60 و بالتالي مش حتعرف تستفيد بكل قدرة سماعة RMS اعلي من 60
7 - ركز في المضروب .. و مش في الصناعة ( مش مهم صيني بس يبقي أصلي بس لو فيه صناعة تانية يبقي احسن برضه )
8 - حاول ماتزودش سماعات كتير من غير جي إم لأنك كده جتهدر طاقة الكاسيت المتواضعة اصلا
9 - حاول تركب السماعات متباعدين عن بعض بقدر الامكان مش جنب بعض
10 - أخيرا ...... انسي سؤال " الصوت مش جامد بره " انت بتكيف نفسك .. غير كده يبقي بتزعج الأخرين

[COLOR="rgb(65, 105, 225)"]اي معلومات منقوصة .. خد الموديل و ادخل عالنت و اعرف بنفسك و باكرر .. ماترميش ودانك للبايع

( تركيب الجي ام و الصب ووفر و السوبر تويتر ده حوار تاني )

تحياتي[/COLOR]