ازيكم يا باشمهندسين
انا عربيتي كيا سيفيا 2002 مانيوال ماشيه 140 الف كيلو
معدل استهلاك البنزين جوا البلد حوالي 160 كيلو في الصفيحة مع ان المفروض المعدل يكون في اسوأ الاحوال 200 كيلو
غيرت كل الفلاتر ومركبلها بوجيهات ارديوم بتتغير كل 100 الف ولسه عاملة 40 الف بس
روحت لمركز الصفا للكشف على الانجكشن والعوادم والمهندس صاحب المركز بنفسه بص على العربيه قالي ان العربيه ممتازة وكل القرايات بتاعتها تمام والحساسات كلها تمام وتحليل العادم زي الكتاب مبيقول ومش عارف يحدد سبب الاستهلاك العالي
بافكر اغير البوجيهات الاول وبعدين سلك البوجيهات وبعدين حساس الاكسجين اللي في الشكمان
بس يا ريت لو حد عندو سبب ممكن يكون غايب عني يقولي عليه
والف شكر