الفرق بين مشكلة الموبينة و الموتور الخفيف

**karimhasson** · 31-08-2016 12:36 AM

السلام عليكم
معايا عربيه ابيزا 2001
دايما بتلت من الاسطوانه الاولي
يعني في ظرف اربع شهور تلتت بتاع 3 مرات . اطلع البوجيه الاقيه عرقان زيت . اغيره و امشي عادي مفيش مشكله .
من اسبوع حصلت نفس التتليته بس ف البوجيه بتاع الاسطوانه الرابعه
غيرته و العربيه مشيت كويس . و روحت لواحد اكشف عليها كمبيوتر قالي دي موبينه لان الاسطوانه الرابعه و الاولي علي نفس النص . فكحرق الاسطوانتين ضعيف .
روحت لميكانيكي . مصمم ان البوجيه بدل وصله زيت تبقي ماكينه خفيفه و اغيرها حتي مش افكر اصلحها . قلتله ما جايز قعده الصباب فيها حاجه . و طقم البساتم سليم . قالي جايز بس مفيش حد هيرضي يفكلك الموتور دا عشان المونيا مبيفعش معاه اي تصليح و مهما صرفت ع التعمير و اكقم الاصلاح . الموتور مش هيضبط خالص

ايه رايكم يا جماعه افيدوني

**م/أحمد عبد الفتاح** · 31-08-2016 12:53 AM

الفيصل فى الموضوع ده هو اختبار الكبس للموتور بس للاسف اللى بيعرف يستخدم مقاس الكبس قليل قوى ويكاد يكون نادر الوجود فلازم تدور على حد يكون عنده مقاس او عداد قياس الكبس داخل الموتور وعموما حاقولك ازاى تعمل اختبار الكبس فى الحالة دى :
١- يتم فصل فيوز طلمبة البنزين والفيشة المغذية للبوبينات .
٢- البوجيهات تتفك .
٣- يتركب العداد بتاع مقاس الكبس مكان البوجية الاول مثلا وحد يقف على العداد وحد تانى يروح يدور العربية ٥ لفات مارش بالعدد وهو دايس بنزين للاخر حتاخد القراية بتاعة العداد النهائية.
٤- حاتفك العداد بتاع مقاس الكبس وتحط فى نفس الاسطوانة شوية زيت بالمزيتة حوال ٣ أو ٤ كبسات زيت وتركب العداد تانى فى نفس الاسطوانة اللى قيستها فى الاول وحد تانى يدور وهو دايس بنزين للأخر ٥ لفات مارش وتاخد قراية العداد لو زادت كتير عن الأول يبقى الشنابر مفوتة ولو مازادتش يبقى الشنابر سليمة - وهكذا مع باقى الاسطوانات كل واحدة حانعمل فيها نفس اللى اتعمل فى الاولانية.
والاختبار ده لازم تكون البطارية بتاعتك حالتها كويسة مش ضعيفة لو البطارية تعبانة تعمل الاختبار ببطارية تانية كويسة علشان تستحمل الاختبار للاخر والقرايات تكون مظبوطة.

**Top.Gear** · 17-09-2016 12:56 PM

المشاركة الأصلية كتبت بواسطة م/أحمد عبد الفتاح

الفيصل فى الموضوع ده هو اختبار الكبس للموتور بس للاسف اللى بيعرف يستخدم مقاس الكبس قليل قوى ويكاد يكون نادر الوجود فلازم تدور على حد يكون عنده مقاس او عداد قياس الكبس داخل الموتور وعموما حاقولك ازاى تعمل اختبار الكبس فى الحالة دى :
١- يتم فصل فيوز طلمبة البنزين والفيشة المغذية للبوبينات .
٢- البوجيهات تتفك .
٣- يتركب العداد بتاع مقاس الكبس مكان البوجية الاول مثلا وحد يقف على العداد وحد تانى يروح يدور العربية ٥ لفات مارش بالعدد وهو دايس بنزين للاخر حتاخد القراية بتاعة العداد النهائية.
٤- حاتفك العداد بتاع مقاس الكبس وتحط فى نفس الاسطوانة شوية زيت بالمزيتة حوال ٣ أو ٤ كبسات زيت وتركب العداد تانى فى نفس الاسطوانة اللى قيستها فى الاول وحد تانى يدور وهو دايس بنزين للأخر ٥ لفات مارش وتاخد قراية العداد لو زادت كتير عن الأول يبقى الشنابر مفوتة ولو مازادتش يبقى الشنابر سليمة - وهكذا مع باقى الاسطوانات كل واحدة حانعمل فيها نفس اللى اتعمل فى الاولانية.
والاختبار ده لازم تكون البطارية بتاعتك حالتها كويسة مش ضعيفة لو البطارية تعبانة تعمل الاختبار ببطارية تانية كويسة علشان تستحمل الاختبار للاخر والقرايات تكون مظبوطة.

الف شكر ع المعلومات يا باشمهندس .. بس في حاجة مهمة .. ان اختبار الكبس ده بيتعمل والعربية سخنة مش باردة يعني العربية بتسخن وتشتغل المراوح وبعدين نبدأ الاختبار

تاني حاجة عندي سؤال ... القراءات الستاندرد بجيبها منين مع اختلافها اكيد من عربية للتانية

شكرا جزيلا :-)

**م/أحمد عبد الفتاح** · 17-09-2016 10:03 PM

المشاركة الأصلية كتبت بواسطة top.gear

الف شكر ع المعلومات يا باشمهندس .. بس في حاجة مهمة .. ان اختبار الكبس ده بيتعمل والعربية سخنة مش باردة يعني العربية بتسخن وتشتغل المراوح وبعدين نبدأ الاختبار

تاني حاجة عندي سؤال ... القراءات الستاندرد بجيبها منين مع اختلافها اكيد من عربية للتانية

شكرا جزيلا :-)

كلام حضرتك مظبوط لازم تكون العربية وصلت لدرجة حرارة التشغيل - بس انا بافضل ان الفك بتاع البوجيهات يكون والعربية سخنة لكن رباط البوجيهات تانى يستحسن تكون العربية بردت يعنى تكون دافية علشان الرباط بتاع البوجيهات لو عالسخن ممكن السن يبوظ لما تقرط عليه .
بالنسبة للقراية الاستاندرد بتاعة الضغط ممكن نجيبها من على النت - بس الطريقة اللى انا ذكرتها دى مش للحكم على درجة كبس الموتور قد ماهى طريقة لتحديد تلف الشنابر عن طريق مقارنة الضغط مرة عالجاف ومرة بالزيت . لو الشنابر بايظة الضغط حايرفع كتير بالزيت ولو الشنابر سليمة الضغط مش حايحصل له اى تغيير أو تغيير بسيط لايذكر.