افتوني في حيرتي عن لمبة الفانوس

**ecybrarian** · 31-10-2011 11:30 AM

عندي لمبة النور الواطي في الفانوس اليمين اتحرقت. المفروض إني هاغير اللمبتين للنور الواطي. لحد دا الوقت مافيش مشكلة..المشكلة إني مركب لمبات CrystalVision ام نور ابيض. ولما اشتريتها لقيت مكتوب عليها إنها صناعة ألماني لكن ممنوع بيعها في الاتحاد الأوروبي وامريكا!!!!!
ومع التجربة لقيت موضوع النور الأبيض دا اي كلام لو لم يكن زينون. انا مش عارف اعمل ايه؟؟ هل اغير كل المبات عالي وواطي H1 H7 لهالوجين عادية ولا اركب جوز CrystalVision وافضل في حوار النور الأبيض دا؟؟؟

افتوني يا أهل الخبرة؟؟

**hpxp** · 13-01-2012 09:03 PM

ازيك يا دكتور انا هرد عليك رد ممكن غريب شويه
انا كنت ركبت اللمبات الازرق التلجلي وتقريبا كنت هعمل حادثه بسببهم اكنك بالظبط مشغل السهاري
دي صورة للمض كان فضلي سنتي واخبط وفي الباب الي قدامي علشان النور يبان
دي صورتها
ودي اللمض الصفرا لما غيرتهم مش هتكلم علي الفرق بس دول 100 وات علي كت اوت

واي خدمه :-))

**osamamady** · 14-01-2012 03:27 PM

بص ياباشا اقولك تعمل ايه تغير نور السهاري في لمبه 13 ليد ابيض شفاف علي فكره انا سمعت ان في منها 25 ليد لو دي موجوده تبقي افضل بس تكون بيضا متجيبش ازرق او اي لون تاني وتروح مغير اللمض بتاعتك لاوزرام 100 وات اوف رود لو مش عنك كتاوت في العربيه هات ليها كتاوت لو في العربيه كتاوت اصلا فكك منها خلي بالك في عربيات راكب فيها كتاوت اصلا زي الاسبزانزا 516 وزي الاسكودا واعتقد ان دا افضل حل لموضوع النور وارخص حل كمان لانك لو معاك فلوس وعاوز تصرف ممكن تجيب بقا فليبس رالي وبردك تجيب معاهم كتاوت علي فكره نور الليدات اللي قولت ليك هيبيض اللون الاصفر شويه وكمان لون الازورام اصفر بس فيه سنه بياض

**FunnyMickey** · 16-01-2012 02:50 PM

المشاركة الأصلية كتبت بواسطة ecybrarian

عندي لمبة النور الواطي في الفانوس اليمين اتحرقت. المفروض إني هاغير اللمبتين للنور الواطي. لحد دا الوقت مافيش مشكلة..المشكلة إني مركب لمبات CrystalVision ام نور ابيض. ولما اشتريتها لقيت مكتوب عليها إنها صناعة ألماني لكن ممنوع بيعها في الاتحاد الأوروبي وامريكا!!!!!
ومع التجربة لقيت موضوع النور الأبيض دا اي كلام لو لم يكن زينون. انا مش عارف اعمل ايه؟؟ هل اغير كل المبات عالي وواطي H1 H7 لهالوجين عادية ولا اركب جوز CrystalVision وافضل في حوار النور الأبيض دا؟؟؟

افتوني يا أهل الخبرة؟؟

طب مبدأيا حضرتك عاوز نور ابيض ولا عاوز اصفر
لان دي تفرق في رأينا
وثانيا اللمبات الكريستال انتا اشتريتها خلاص ولا حتركنهم وتجيب غيرهم ؟

ثالثا : كنت محتاج اعرف الفوانيس عندك smoke ولا عاديه