الموضوع: مساعده مع مساحات الفلوانس

المشاركة الأصلية كتبت بواسطة hishamsabry

الساده الأعضاء الكرام برجاء المساعده فى شراء مساحات أماميه للفلوانس حيث أنها غير متوفره بالتوكيل بالأضافه لسعرها المرتفع ياريت يكون فى مكان بالأسكندريه

قرأت فى أحد المشاركات ان احد الزملاء أشتراها من أمازون على النت و سعرها رخيص و جدتها فى الموقع و لكنى لست متأكد من المقاسات هلى هى 6 بوصه و 12 بوصه ولست متاكد أنها تناسب الفلوانس أم لا برجاء من الأخ صاحب التجربه أفادتنا كم كانت التكلفه و هل كانت المساحات مناسبه و لسيادتكم جزيل الشكر

الزميل الفاضل.....

نصيحتى لسيادتك أن تطلب من التوكيل يجيب لحضرتك المساحات و سيبله نمرة تليفونك و لما توصل يكلمك....

على فكرة هو بيلتزم جدا بالموضوع ده و بيطلبهملك فعلا......و خصوصا إن الشتاء لم يشتد بعد......يعنى لسه عندك وقت......

السعر فى التوكيل مش غالى زى ما حضرتك متصور.....أنا شخصيا لسه مغير جوز المساحات للميجان و جبتهم flexible صناعة بلجيكا من التوكيل و السعر كان ب180 جنيه....

لو الصينى ب120 يبقى أكيد البلجيكى الأصلى مش كتير عليه 180 جنيه.....أضف على ذلك جودة المسح الرهيبة من أول مرة و المحافظة على الزجاج الأمامى من أى تجريح نتيجة لخشونة المساحات الصينى و لو بعد فترة.......

النقطة الأخرى إن المساحات غيرتها بعد 5 سنين......أكيد 180 جنيه على جوز مساحات يقعد فى العربية 5 سنين بجودة عالية و يحافظ على الزجاج و لاحظ إنى بتكلم على شتاء الأسكندرية مش خسارة فيهم و لا كتير عليهم أبدا.....

خليك دايما فى الأصلى و ريح بالك و صون عربيتك علشان تعمر معاك و متضرش أى شىء أخر....ده منهجى دايما......