الموضوع: مسجون بالشرقية يبتلع 3قطع حشيش ومطواة و120 قرصاً مخدراً و350جنيهاًتباشر نيابة قسم ثان

دا طلع اشعال ذاتى..قصدى عنده اكتفاء ذاتى :)

ياجماعة موضوع الموبايل والمطواه والكلام دا صعب جدا انا اقصى شىء سمعته فى موضوع السجون دا
فى موضوع ( القنبلة ) بالذات ...دا المسمى الحركى بتاعها
بيبقى عبارة عن فلوس ملفوفة فى سلوفان او كمية برشام او مخدرات عموما بأحجام وبشكل معين او امواس متكسرة وملفوفة برده فى سلوفان وبيتطلع فى الإخراج او بطريقة انه بيربطها بخيط حرير او سنانير ويشبكها فى ضرسه او سنانه بطريقة هما عارفيناه ولما يدخل الحجز بيرجعها وميقدرش يقعد بها فترة كبيرة فى بطنه

اما موبايل ومطواه صعب صعب صعب وطبعا كلامى مش تكذيب للى قال حكاية الموبايل بس ياريت يقولنا ازاى وصل لبطنه وازاى خرجه ......

الموضوع واضح جدا انه تلفيق بس وسعت منهم شوية يعنى كل الى ذكروه دا ينفع لكن المطواة دى سرحت منهم اوى

المشاركة الأصلية كتبت بواسطة SHNORY

ايمن باشا
اتمني ربنا يطول في عمري واشوفك في يوم من الايام
منور الموضوع والاجتماعي يا كبيرنا واقابلك علي خير باذن الله

ياباشا ... طب ويطول في عمري أنا كمان .. ولا إنت ناوي تشوفني ميت وأنا ماليش نفس أشوفك

... طيب تصدق أنا مرضتش أكلمك الفترة اللى فاتت دي لإني كنت ناوي أطلع إسكندرية أقعد كام يوم أنا والأولاد وأكلمك من هناك عشان آجي أسلم عليك ... أول ما نويت الموضوع ده .. هوووووب .. لاقيت نفسي طالع أسيوط يامعلم .. وهذه الرسالة حاليا مرسلة اليك عبر الأثير رأسا من أسيوط

كل سنة وإنت طيب ياكبير

المشاركة الأصلية كتبت بواسطة samcar

ما سالتوش نفسكم سبب زياده وتضخم الفئه دى - ما حدش فكر ازاى نصلح الفئه دى - اظن السجون لو كان فيها شئ من الادميه فى المعامله كان ممكن يخرجوا بنى ادمين - لكن للاسف بيدخل بنى ادم يطلع حيوان والبركه فى الحيونات اللى بيحكموا الاماكن دى

ياباشا السبب مش السجون ولا كيفية المعاملة ... كل سجون العالم المعاملة فيها من أقذر ما يكون ولا يوجد أي إحترام لآدمية الإنسان فيها مهما كانت الدولة اللى في دماغك .. أنا مش بقول كدة عشان شايف إن ده صح .. هو خطأ ولكنه ما يحدث في كل دول العالم وهو ليس السبب فيما نراه

وإن كنت أعتقد أن السبب هو قيادة من أسوأ القيادات التي حكمت مصر طوال 30 عاما الى الدرجة التي أصبح الإجرام وعدم إحترام حقوق الآخرين كأنه يسري في دمنا جميعا منذ المولد مع السكوت على تزايد المناطق العشوائية بصورة رهيبة في كل مصر وعدم التمكن من تعليم من بها والتي يعيش فيها البشر في حالة لا تصلع للمعيشة الآدمية وبصورة أسوأ من الوضع داخل السجون الى الدرجة التي يصبح معها دخول السجن أمنية بالنسبة لهم وترفيها وليس عقاباً

...

كل واحد يطلع يبني على حتة أرض زراعية نسيبه لغاية ما يخلص بناء .. والمصيبة إن لما تيجي الإنتخابات يقوموا موصلينله الكهرباء والمياه والمرفق "وهو مخالف" !!! ... طيب ليه ما إنت كدة بتشجع غيره يبني على بقية الأرض الزراعية لغاية ما بقت مصر كلها عبارة عن مناطق عشوائية إتبنت على الأرض الزراعية اللى كانت بتأكلنا وإتربى جواهم الفساد بالإسلوب ده وتيقن لديهم إن كل فاسدة أو مخالفة بتمشي في وقت من الأوقات وليها طريقتها رغما عن أنف القانون .. واساسا إنت بتزور الإنتخابات بالطريقة اللى إنت عايزها ليه بقى بتحاول ترضي الفئة المخالفة وتوصلهم مرافق ... لو كان من الأول اللى يبني مخالف ياخد على دماغه وبيته يتهد عليه ويخسر فلوسه اللى صرفها كان اللى جنبه فكر الف مرة قبل ما يعمل زيه

وديه نقطة من النقط وسبب من الف سبب في فساد هذا الشعب إلا من رحم ربي بسبب قيادة لم تكن لتصلح لتولي الحكم يوما واحدا .. ليست السجون أكبرها