مساعدة من المزداوية

**moody_687** · 31-10-2011 04:39 PM

ياجماعة عايز اعرف اسعار قطع غيار المازدا الشكل القديم واسعار الصيانة بتاعتها ... وارجوكم مش تهملوا طلبي عشان سمعت ان قطع غيار المازدا غالية قوى واغلى من الاسكودا a4 ومن الاوبل استرا كمان فهل ده صحيح ام لا فانصحونى رجاءا

**yalahwy2010** · 31-10-2011 05:02 PM

بص ......اللى انا سمعته من الأخوة الأعضاء ان قطع غيارها مش غالية أوى ولا رخيصة
يعنى مش زى الالنترا والكورولا.............يعنى على سبيل المثال..........تيل الفرامل بتاع اللانسر البومة ب 550 جنيه.........نفس تمن بتاع المازدا الأصلى..........وعندك الرمسا الأسبانى ممكن تلاقيه ب 250 جنيه وهيبقى كويس
الفلاتر مش هتبقى أغلى من الجديدة .......الزيت ب 50 جنيه......الهوا ب 150..........البنزين ب 275
بس قطع الغيار معمرة..............يعنى مش كل 10000 كم هتغير الفلاتر كلها...........ممكن مل 30 ألف مثلا
انا بصراحة مش شايف ان قطع غيارها غالية زى ما الناس بتقول...........بس هو الوكيل بس اللى وحش...وضيقة من ورا.
بس يابانى محترم

**moody_687** · 31-10-2011 07:24 PM

الف شكر يااستاذى انا شايف انك معاك رينو ميجان 2005 وكنت عايز اعرف رايك ف الميجان 2007 وهل لو خيروك بينها وبين المازدا نفس الموديل هتختار ايه وليه

**yalahwy2010** · 31-10-2011 08:29 PM

ميجان 2 يعنى عربية شيك واسعة جدا ثابتة على الطريق جدا ....عفشتها ناعمة جدا.....ارتفاعها كويس ...شنطة واسعة جدا.......استهلاك بنزين معتدل
العيوب.......اللى انا شايفه....انها ممكن تقف منك وماتتحركش بسبب electronics الكتيير اللى فيها
الفتيس بتاعها بتحس بنقلاته ....طلعتها تقيلة شوية
الميجان باختصار عربية مش معمولة لمصر........الشوارع المكسرة ...........والجود المعفر اللى كله تراب بيخللى الحساسات تهيس..............
المازدا بقى عربية يابانى نضيفة......قطع غيار معمرة........اعتمادية.........عفش� �ها ناعمة ...ارتفاعها من الأرض وسط بس أقل من الميجان بحاجة بسيطة
الكنبة ضيقة ........الشنطة كويسة بس مش زى الميجان......الفتيس بتاعها ناعم وماتحسش بنقلاته زى الميجان
استهلاك البنزين متهيألى أزيد حاجة بسيطة أوى عن الميجان

بصراحة لو خيرونى أختار ايه؟؟؟؟
لو انا من القاهرة هختار الميجان بس تكون حالتها نضيفة
لو من الزقازيق زى حالاتى ...هختار المازدا