السلام عليكم
يمكن انا متابع من فترة .. بس دى اول مشاركة فعليه لىّ
المنتدى جميل جدا ما شاء الله وان شاء الله افضل متباع عليه باستمرار

كنت عايز اسأل كام سؤال

1- الفانوس الخلفى لانسر بوما كريستال .. اجيب واحد جديد منين ؟ عشان عندى مكسور
التوكيل ب 1050 بس حاسسهم حرامية بصراحة
وفيه محلات جنبى فى فيصل تايوانى ب 140 - 160
هل النوع ده كويس ولا شوية ولونه هيغير و يشبر و بتاع ؟

وهل فى انواع تانية احسن ؟ او لو اصلى استيراد او حاجة زى كده وتكون فى حدود 250 - 300 جنية ؟


2- لو عايز اجيب الاكسسوارات بتاعة اللانسر سبورت الاصلية ( السبويلر و العتب و الكساحات و الجنوط ) ؟ أجيبها منين و تعملها فى حدود كام ؟ وبرضه فوانيس الشبورة الاصلية بالزرار بتاعها ؟

3- مركز خدمة يكون عنده قطع غيار اصلية و قريب من الهرم او القصر العينى و يكون كويس فى الخدمة و سعرها ارخص من التويكل ومضمون ؟

4- استهلاك البنزين بتاعها اد ايه ؟
انا 1600 مانيوال وبعمل بالعافية لكل 27 لتر 92 (50 جنية) ... 250-270 كيلو مع انى مش بمشى بسرعة لفترات طويلة و الزحام بحاول افاديه على اد ما اقدر و الكاوتش ضغطة كويس .. من غير تكييف أو استعمال على خفيف و راكب لوحدى معظم الوقت وبسخنها كويس الصبح؟

معلش طولت عليكم
وجزاكم الله خيرا
:)