مساعدة ضرورى

**elpasha1** · 09-11-2011 02:14 PM

لو فى حد غير موتور للنسر 99 او98 1300
انا محتاج طمبورة الكرنك
3 مرات اجيبها وتطلع فيها ريجة
مش عارف اعمل اية
فلو حد عنده الطمبورة يا ريت يقول لى ومش هنختلف على السعر
شكرا
كل عام وانتم بخير

**prisoner** · 09-11-2011 02:57 PM

السلام عليكم ورحمة الله وبركاته

بص بقى علشان الموضوع ده حصللى قبل كده ودوخت السبع دوخات بس الحمد لله عملتها فى الاخر انت روحت عند مين فى الحرفيين هاقولك على واحد اسمه ابو الهنا كنت شايفها عندوا زيروا بمعنى الكلمة اينعم كانت اغلى 150 عن برة يعنى انا جبتها بالتركيب والمصنعية ب 350 لان موتورى 1500 هوة طلعلى بتاعت ال1300 وكان بيقولى بتعمل 500 بس فعلا زيرو بمعنى الكلمة وهاقولك نصيحة احتمال كبير يطلع العيب منها علشان متدوخش لما تيجى تغير طمبورة الكرنك غيرها بالترس والمسمار بتاعها علشان بتكون راكبة على بعض لو فيها تاكل هايمشى مع بعضه وتمشى مظبوطة فى الاخر مش قصدى تاكل يعنى بايظة لا قصدى التطبيعة بتاعتها وكده واى استفسار انا تحت امرك تقبل مرورى تحياتى

**elpasha1** · 09-11-2011 04:53 PM

ربنا يخليك يا باشا
بس انا ساكن فى الهرم والميكانيكى بتاعى فى الهرم
صعب اوى ان اروح الحرفيين خصوصا ان رحت مرة بعربية تانية واتنصب عليا بصراحة فبخاف اروح حتة معرفش فيها حد
علشان محدش يشتغلنى تانى