شدايه جامده جدا على طريق السخنه

**bmw323** · 03-11-2011 02:33 AM

المشاركة الأصلية كتبت بواسطة semsem kane

طيب ماتلقى نظرة كدة على اى موضوع انا اتكلمت فية عن جرى او شد وهتلاقى ان الناس كلها اتحولت بقدرة قادر من ناس بتجرى الى ناس واعظة وشيوخ وكأنهم لم يتعدوا سرعة ال120 من قبل اللى هية السرعة المقررة على الطرق المصرية , بذمتك مش دية حاجة تضايقك

دى ضريبة النجاح يا سمسم

**SAMEH_FOUAD** · 03-11-2011 02:54 PM

المشاركة الأصلية كتبت بواسطة bmw323

دى ضريبة النجاح يا سمسم

ياباشا ربنا يخليك دة بس من ذوقك

بس بجد والله بحس كتير كدة فعلا انا اقول ياجماعة انا جريت وجيبت سرعة كذا اللاقى واحد دخل اتقى ربنا واية اللى انت بتعملة دة وارواح الناس مش لعبة فى ايديكوا وانت مستهتر والكلام دة كلة والاقى نفس الشخص فى موضوع اخر عن السرعة يقول انا جيبت بالعربية 180 وكنت بجرى مع فيرنا او مع سيراتو طيب ماانت بتجرى اهوة وزيك زينا

مع انى والله بخاف جدا على الناس فى السواقة ولما بجرى بيكون الطريق مكشوف كلة قدامى وواضح ومافيش اى حد بيعدى وكل الى موجود سيارات وربنا بيستر طريق الواحد

ولو اى حد ربنا كاتبلة حاجة هيشوفها سواء ماشى على 20 او على 200

وانا مش مع ان السرعة صح بس انا مابقولش انى كل يوم بجيب 200 ولا 260 انا كل فترة كدة واكيد كل واحد فينا بيحب يفوق عربيتة شوية وانا كمان عربيتى محتاجة دة جدا لانها مش مصممة اصلا للطرق بتاعة المدينة فدة بيخلى المحرك يتخنق

وانا مش جايب عربية سبورت عشان امشى بيها على 80 ولا 100

يعنى انا لما جيبت سرعة 220 حسيت بعديها ان العربية اختلفت تماما وبقت اسرع من الاول بكتير وفاقت لان فعلا لازم الكلام دة يتكرر على الاقل كل اسبوع

معلش دوشتك بس كان السبب مبهم بالنسبالى

**SAMEH_FOUAD** · 06-11-2011 05:21 AM

المشاركة الأصلية كتبت بواسطة minicooper20

يا عم سمسم متزعلش نفسك كلو بيعادى بس مشوفكش على الطريق علشان معلمش عليك فاهم

انت معاك 525 صح طيب ياريت بقى تيجى بال530 عشان ال525 اتعلمت عليها اكتر من مرة

وتعالى انت بس اشوفك على الطريق اهوة نتعرف عليك وسيبك انت من الجرى والشد مابيأكلش عيش مابنستفدش بية غير فى حرق بنزين وخلاص وانا مش عايز اقولك بنزين ال95 لما بيتحرق بية تحس انة بيتبخر من التانك

* على فكرة انا ماتعقدش من الكورى الا لسبب واحد ان اصحابة متعصبين اوى لسياراتهم وواخد اكتر من حقة بكتير

يعنى انا الكورى بالنسبالى يتجاب فى حالة واحدة ( راجل كبير وعائلة هتبقى حلوة اوى لية ) لكن شباب يبقى لازم يكون غير متهور لانة فعلا مش أمن نهائى

**Ahmod** · 06-11-2011 12:45 PM

المشاركة الأصلية كتبت بواسطة semsem kane

انت معاك 525 صح طيب ياريت بقى تيجى بال530 عشان ال525 اتعلمت عليها اكتر من مرة

وتعالى انت بس اشوفك على الطريق اهوة نتعرف عليك وسيبك انت من الجرى والشد مابيأكلش عيش مابنستفدش بية غير فى حرق بنزين وخلاص وانا مش عايز اقولك بنزين ال95 لما بيتحرق بية تحس انة بيتبخر من التانك

* على فكرة انا ماتعقدش من الكورى الا لسبب واحد ان اصحابة متعصبين اوى لسياراتهم وواخد اكتر من حقة بكتير

يعنى انا الكورى بالنسبالى يتجاب فى حالة واحدة ( راجل كبير وعائلة هتبقى حلوة اوى لية ) لكن شباب يبقى لازم يكون غير متهور لانة فعلا مش أمن نهائى

بلاش ال 530 يا سامح عشان دي بجد عربية مش بتهظر

اسالني انا عليها عشان كانت مع واحد صاحبي وركبتها كتير وفضلنا مبهدلين بيها الدنيا لحد ماعملنا حادثة على الصحراوي على 250

عربية مفترية ومافتركش ان في عربية كانت بتسد معانا حتى الكوبر s على الصحراوي مبتعملش اي حاجة نهائيا يمكن في الطلعة بس ولحد 140 بعد كدة بخ

**SAMEH_FOUAD** · 06-11-2011 09:36 PM

المشاركة الأصلية كتبت بواسطة Ahmod

بلاش ال 530 يا سامح عشان دي بجد عربية مش بتهظر

اسالني انا عليها عشان كانت مع واحد صاحبي وركبتها كتير وفضلنا مبهدلين بيها الدنيا لحد ماعملنا حادثة على الصحراوي على 250

عربية مفترية ومافتركش ان في عربية كانت بتسد معانا حتى الكوبر s على الصحراوي مبتعملش اي حاجة نهائيا يمكن في الطلعة بس ولحد 140 بعد كدة بخ

انا والله يوم عمرى ماهنساة لما كان مينى كوبر s وجراند شيروكى بيشدوا مع بعض على كوبرى اكتوبر , وكانت الساعة 12 بليل وكان تقريبا الكوبرى فاضى ومافيش غير كام عربية , وانا شوفتهم جايين بسرعة وسامع صوت المحركات روحت مشغل ال vtec مع صوت الفلتر وفجأة الكوبرى بقى حلبة سباق , وكان المينى كوبر ظبط الجراند ومع الملفات العربية انهارت وبعدت اكتر ومافضلش غيرى انا والمينى واقسم بالله كان يوم عمرى ماهنساة اقوى شد شديتة فى حياتى واول مرة فى حياتى اخد ملفات كوبرى اكتوبر كلها على 180 او 170 وطبعا الفرق مابينى وبينة كان اقل من عربيتين وكنت سايبلة حارة يلعب فيها براحتة عشان لو هو الاسرع يبقى حلال علية لكن الحمد لله مقدرش واول لما دوست فرامل عشان كنا داخلين على نزلة السبتية لقيت صاروخ معدى من جنبى ولحق نفسة وداس فرامل قبل مايخبط

دية بمناسبة الكوبر s

بالنسبة لل530 انا عارف انها جامدة جدا ومش هقدر اسد معاها ولو سديت معاها هاجى عند 190 او 200 وهو هيعدينى لان تجميعة هنا هيبقى اسرع

انا بتكلم على قدى 525 اخرى , لكن 530 ربنا يجعل كلامنا خفيف عليها

انا فية كدة عربيات معينة مقدرش اجى جنبها بس يكفينى شرف المحاولة