طرمبة البنزين ضغطها كام بار و عايز اخذ رأيكم في اللي عملته
السلام عليكم
من يومين كده في العربية بقت مخنوقة و بتطفي و هي لو جت علي اي مطب و بعدين صوت الزنه بتاع الطرمبة بقي بيقطع في سنه المارش
المهم انا قولت هغير موتور الطرمبة و انجز نفسي
انشغلت جدا فواحد صاحبي اخد العربية يعملهالي و وداها لميكانيكي عنده كمبيوتر كشف اعطال و حد العربية علي الكمبيوتر لقاها مفيهاش حاجة
المهم بقي صاحبي بيقولي ان الميكانيكي جاب جهاز بيقيس ضغط البنزين كام بار من الطرمبة فطلع 1.75 بار و قال المفروض يبقي 3.5 بار "لو العربية جديدة و بيبتدي يقل واحده واحده مع الشغل"
المهم انا كنت مش عارف اروح لهم فالميكانيكي قال يا اما تغير موتور الطرمبة يا اما تجيب واحده استيراد و بصراحة مكنشي فيه وقت فقولت هات واحده استيراد و خصوصا انها كانت ب 160 جنية بالتركيب فقولت اسرع و الفرق مش كبير و الطرمبة القديمة معايا اجيبلها موتور في اي وقت فاضي و اغيره و تبقي احتياطي او ابيعها و قاس الضغط بتاعها لقاه 3.25 يعني تقريبا جديدة
دلوقتي هل الكلام ده فعلا صح ولا الميكانيكي بيشتغلنا ؟!!
تاني حاجة : الميكانيكي اصر علي تغيير فلتر البنزين و فضل يحلف انه مسدود علي الرغم من اني مغيره مباقاليش بتاع 1500 كيلو و جايبة من التوكيل و الغريب برضة انه رفض يخلي صاحبي يجيب فلتر اصلي و خلاه يجيب فلتر لونه اصفر و قال متجبشي غير ده !!!
عايز نصيحة و عايز اعرف هت تغيير موتور الطرمبة كان هيبقي احسن ولا لا عشان في المستقبل
شكرا مقدما