هى عدت البرافو و معدتكش يمكن بيتحب فيات و مبتحبش بروتون
عرض للطباعة
هى عدت البرافو و معدتكش يمكن بيتحب فيات و مبتحبش بروتون
الكلام دة مش فى البنات بس
الكلام دة بقى العادى فى أغلب الشعب المصرى
لما أدى إشارة ألافى اللى جنبى كبس بنزين علشان ما أجيش قدامه
خلاص بقيت أخد الغرزة خطف من غير إشارة كأنى حرامى !!
اعتقد انت مش غلطان في انك اديت اشارة تنبه لنيتك في تغير اتجاهك
وهي مش غلطانة لأنه طريقها وممكن من وجهة نظرها انها لو هدت هيبقي في خطر عليها
انا شخصيا احيانا بعمل كدة، مش لازم عشان بتديني اشارة يبقي لازم اقف علي الفرامل ومش مهم الي ورايا يلبس فيا عشان افسح الطريق لسعادتك تاخد غرزة (مع الأخذ في الأعتبار اني معرفش انك هتلبس في الي قدامك)
عموما احنا في مصر ماعندناش ثقافة استخدام الفلاشر بوجهة عام
لا حد بيشغل الفلاشر صح
ولاحد بيفهم الفلاشر صح
دة موضوع كامل بيتكلم بس عن الفلاشر ونور الأنتظار
http://www.nilemotors.net/Nile/23395...post3873668353
اقرأه وبعدها قولي رأيك فيه بعد قرأة الردود والمشاركات
والله المستعان
،
،
وعلي فكرة
انا احيانا بعمل كدة عند مع سواقين التاكسي (الفيرنا تحديدا) بلاحظه ماشي زي التعبان قدامي والطريق اساسا مش مستحمل انك تمشي مستقيم في حارتك فلما بيجي عندي بقوله لا مش هعديك عدي من الي بعدي
واحيانا بتبقي رد لنفس الموقف مع نفس العربية مرديش يعديني من شوية
واحيانا بسيبه يعدي
واضح جدا انها مسألة نفسية لو نفسيتك هادية بتسيب الي يعدي يعدي بعيد تماما عن القواعد واحترام الأشارات
ولو متنرفز بتضطر تقل زوقك ومش تخلي حد يعدي
والله المستعان
،
،
بغض النظر عن بنات ولا غير بنات لكن فعلا السواقة بقت كلها قله ذوق وقله ادب لدرجة انك تبقى ماشي بأدبك تلاقى واحد كسر عليك يخليك تتحول 180 درجة وتبدا تشد وتغرز.
وعن تجربة ان فعلا لما بتبتدى تتجنن فى سواقتك بتلاقى ناس كتير بعددت عنك عشان خوفه على غربيته...لكن تمشي بادبك اليومين دول مبقاش جايب همه...
بالنسبة لصاحب الموضوع الموقف دة حصل معايا بس كنت طالع بضهرى من شارع جانبى والطريق واقف اصلا وطالع بالراحة لقيت واحدة بفلوانس معلقة ايديها على الكلاكس ومش راضية تعدينى ..
بصراحة انا معنديش طولة بال اقرا كل الردود اللى اكيد حولت الموضوع الى معركة، لكن من البداية البنت مخدتش اكتر من حقها، قانون المرور واصول السواقة بتقول ان أولوية المرور لصاحب الحاره، وكونك اديت له اشارة( وده مسألة مش بس ذوقيا لكنها الزامية انك تدى اشارة قبل ما تغير حارتك وبيتوقف عليها ناس وياخدوا مخالفات فى البلاد المحترمة) كونك اديت اشارة لا يعطيك الحق فى اجتياح الحارة المجاورة لك وحرمان صاحب الحق الموجود فعليا داخل الحارة من حقه فى أولوية المرور، انت لما تدى اشارة لحد علشان تحتل حارته قادمه ده استئذان، وله ان ياذن لك وله ان لا ياذن لك دون ان يكون لهذا اى علاقة بمسألة انه عنده ذوق أو لا، وانا لما حد بيدى لى شارة فى مساحة ضيقة ويعتبر نفسه كدة ادانى حقى وان من حقه فى هذة اللحظة انه يكسر عليا ويخيلنى افرمل علشان الباشا يعدى كل اللى انا بعمله انى بدوس على دواسة البنزين لحد الأرض واقفل للباشا الغرزة اللى كان ناوى يخرنى من الطريق ويلبسنى فى الحيطة علشان يعملها، ومفيش حاجة فى الدنيا كلها اسمها فى الزحمة حارتى واقفة اقوم اجتاح الحارة اللى جنبيها عنوه كدة، السيرك ده مش بيحصل عندنا غير فى مصبر، ومش معنى اننا بنعمله انه صح ومش معنى ان حد اتمسك بحقه انه قليل الذوق، انا هنا متكلمتش ومش ناوى اتكلم عن ولد وبنت لأن مش موضوعى خالص لأن انا بتكلم ان القضية اللى انت انتهيت منها الى اتهام البنت بقلة الذوق -وطبقا لوصفك للحالة-هى صاحبة الحق فيها طبقا لكل قواعد المرور فى الدنيا كلها، لو هنحسبها بمنطق السيرك المصرى يبقى اللى يلحق الاول يخش، وفى هذة الحالة كونها لحقت الأول لا يجعلها قليلة الذوق لأن انت لو كنت لحقت قبلها كنت هتكسر عليها وده اللى انت كنت بتعمله حتى لو كنت اديتها اشارة(الاشارة استئذان وليست اجبار ولا تفضل منك) وبالتالى فى الحالتين هى مش قليلة الذوق حتى لو كان حفاظها على حقها حرق دمك
الله ينور عليك
ظ‚ظˆط§ط¹ط¯ ظˆط¢ط¯ط§ط¨ ط§ظ„ظ‚ظٹط§ط¯ط© ظپظٹ ظ…طµط± قواعد وآداب القيادة في مصر
ويمكننا الآن أن نناقش أهم جوانب القيادة في المسارات:
القيادة داخل المسارات: يفترض بالمركبة أن تظل داخل أحد المسارات طوال الوقت، والخروج من المسار له عدة خطوات يجب مراعاتها، كما هو موضح أدناه
الانتقال من مسار الى آخر: يحتاج السائق أن ينتقل الى مسار جديد في عدة حالات، منها الاستعداد للخروج من الطريق السريع أو تجاوز مركبة أخرى. عند التفكير في تغيير المسار يجب على السائق فحص خلو المسار الجديد من مركبات قريبة أو مسرعة وذلك باستخدام المرايا الجانبية. الخطوة الثانية هي إعطاء الإشارة الضوئية في الاتجاه المطلوب. والخطوة الأخيرة هي الانتقال الفعلي للمسار الجديد بدون إجبار أية مركبات على تغيير اتجاهها أو سرعتها.