؟؟؟؟؟؟؟؟؟؟؟ مش عارف اقول اية بصراحة
عرض للطباعة
؟؟؟؟؟؟؟؟؟؟؟ مش عارف اقول اية بصراحة
السواقه في القاهره بالذات ينقصها ادب واحترام لايوجد الا عند قلة قليله
مفيش حد بيحترم الطريق والأشارات الا من رحم ربي
اي يوتيرن لازم يوقف الطريق 10 كيلو
اي مخرج او مدخل طريق لازم يوقف الطريق كله
مفيش حاجه اسمها واحد يمشي شويه عشان يركن عربيته لا ازاي لازم يركنها قصاد المكان اللي رايحه حتي لو صف عاشر ويولع الطريق
اي يوتيرن لازم تلاقي ناس كتيير فاكرين انهم اذكي من كل البشر ويمشو في الحاره التالته ويجي قصاد اليوتيرن ويدخل ودي بجد اكتر حاجه بتنرفزني وببقي عايز انزل اكسرلهم عربياتهم لان مفيش اي سبب يخليهم يعملو كده
الناس تطلع من طريق جانبي لطريق رئيسي ولازم تاخد اليوتيرن اللي بعد 5 متر يعني ياخد الطريق بالعرض مع ان في يوتيرن تاني مش اكتر من 500 متر
البارح كنت رايح من المنطقه الحره علي تيفولي مصر الجديده ورحنا من طريق السويس وكان في حادثه في الدائري الاتجاه التاني واحنا طريقنا واقف معرفش ليه
دخلت نزلة السويس وقبلها مدخل الرجاب البشوات بيجو من الحاره الشمال قصاد المخرج علي طول ويدخلو يعني بياخد 4 حارات بالعرض
الطريق كله واقف واكتر من ساعه ونص وكنت صايم عشان اليوتيرن اللي قبل تيفولي عشان برده الأغبياء المتخلفين اللي مش بيمشو في الحاره الشمال لما يجي ياخد يوتيرن والنتيجه الطريق كله يقف - ونفس الكلام علي الدائري عند نزلة المعادي والأتوستراد واي حته فيها مخرج
اما عن الستات فدي اقل مشاكلي في القاهره ونفس الموقف اللي حصل لحضرتك حصل موقف شبيه في الزحمه البارح
انا ماشي ورا زميل ليا عشان معرفش الطريق وهوبا اتوبيس ميرسيدس كبير دخل قدامي عافيه فسيبته وفضلت ماشي وراه وزميلي قدامه وطبعا مش شايفه ومتابع بالتليفون لحد ماقررت انقل من الحاره الشمال للحاره اللي في النص عشان كانت ماشيه وبالتالي اجي عند زميلي تاني وكل مايبقي في مكان عشان ادخل يمين ادي اشاره الاقي اللي جنبي بعد ماكان سايب مكان يعديني يقوم كابس وابقي سامع صوت الموتور بتاعه ويقفل عليا وده راجل مش ست
وفي الأخر خدته خطف من غير اشاره ومن غير مااكسرعليه برده بس كانت حاجه في قمة قلة الذوق
والله انا خايف علي نفسي من السواقه في القاهره لان كل شويه بلاقي نفسي باكتسب صفات سيئه بسبب الناس اللي مش ناس اللي بتسوق
وعلي فكره معظم اللي بيعملو كده ملاكي يعني انا بالنسبه ليا الميكروباصات جنبهم ملايكه بصراحه عي الأقل بتاع الميكروباص هنقول عليه جاهل ولا بيعمل كده عشان اكل العيش لكن بتاع الملاكي ده بيعمل كده ليه
يا باشا الموضوع مش موضوع بنت وولد
انا لاحظت انى لما بادى اشاره محدش بيرضى يعديك الا لو راجل ذوق او بنت يعنى وده نادرا جدا
لكن لو رميت و اخدت اى حاره انت عاوزها بيوسعولك عادى
يبقى انت اكيد فى مصر
ابئي اسال يعني ايه غرزة في دول العالم المتقدمه اللي فيها بيحترموا بعض و لو حد عملها ممكن يعملوا فيه ايه :)
هههههههههههههههههههههه
حصل معايا الموقف ده من يومين اتنين بس
وكنت ماشى فى طريق زحمه وما اديتش اشاره لانى مش داخل حارتها بس هى حست انى هاعمل كده لان اللى قدامى ميكروباص ووقف
راحت معلقه ايدها على الكلاكس ياباشا ولا كانى دوستلها عيل
اول ماجت جنبى لقيتها بتبص وعينها فى عينى لاننا قريبن من بعض
قمت باصص لها ومكشر ومبرق وعينى فى عينها
قامت خافت وبصت قدامها
همه كده ما يجوش الا بال ....... :) وهذه حقيقة :))
مش عدم ذوق يا جميل
دا عدم تمكن من القيادة بجانب طبعا الاحساس بالضعف ومحاولة اثبات الذات باي طريقة زي كدا ما خربين كل الحتت الي بيشتغلوا فيها فاكيد هيخربوا الشوارع بسواقتهم المتوترة
وطبعا دا مش مقياس عام بس الاغلبية يعني
بالمناسبة احكيلك على موقف حصلي
عربيتي عطلت على اسكندرية الصحرواي وانا راجع على الهرم المهم لقيت تاكسي يقطرني لغاية اخر الهرم كدا وبعدين ماشيين فالراجل عايز يمسك جنب الطريق علشان منقفلش الشارع و ماشيين جنب عربية سيراتو سيقاها المهم هو عدى قدامها وهي ماشية على مهلها و استأذنها وهي طبعا ولا فاهمة حاجة كل الي هاممها تعدي قدامي والمشكلة ان في حبل مربوط مش عارف هتعدي ازاي و الراجل يديها كلكس ولا هي هنا هو يكسر قدامها وهي مصصمة تكسر قدامي
راح الراجل نزل في وسط الشارع و قالها يا انسة انا قاطر العربية هتعدي ازاي وبرضو ولا هي هنا
ركب تاني وماشي وبرضو عمالة ترمي قدامي وانا عمال اديها كلكس وبرضو ولا هي هنا - مش عارف كانت فين الصراحة -
في الاخر بقى الراجل طلع من هدومة وزعقلها وقالها اقفي بقى شوية و اخيرا وقفت وعدينا قدامها بسلام الحمد لله و الغريب ببص في المراية لقيتها مدية اشارة شمال وبعدين راحت داخلة يمين هههههههههههههههههه
فعاااااااااادي يا عم روق نفسك
انا امبارح كان في واحده هتخليني اعمل حادثة محترمة عالدائري فضلت فاتح العالي في عينها لغاية اما اتعمت لان دي اسمها غباوة
انا كنت ماشي عالدائري في حارتي عادي جدا وكان قدامي شيروكي بس بعيد لقيته ادا اشارة يمين وببص لقيت قدامي عربية واقفة عالشمال وونش شكلها عطلانه بس كان في مسافة كبيرة جيت ادي كيك داون اعدي هيا تدوس اجي انا اهدي واعديها تهدي رحت كاسر عليها مرة واحدة وبعد كده جبتها قدامي و هيا مكانش في الطريق حد جنبها خالص ولا وراها ولا اي حاجه يعني بس انا وهيا تقريبا مرضتش البسها علشان احنا عالدائري ومضمنش ممكن ايه يحصلها وانا اشيل ذنبها
قلة الذوق اللى من النوع دع منتشرة