بسم الله الرحمن الرحيم
سلام الله عليكم

من كام يوم كدة سقطت موتور إستيراد للسيارة بتاعتي من نوع داتشيا 1310 موديل 97
المهم ربنا كرمنا ولقينا موتور الرينو12 وكانت حالته ممتازة

1-أول مشكلة قابلتني هي الغيار الثاني بقى تقيل جدا جدا وأحيانا مبيجيش أساسا رغم إني لم أعاني من هذه المشكلة مسبقا علما بأني مسقط الموتور فقط من غير فيتيسه بس الموتور بيركب على الفتيس بتاعي عادي دي المشكلة الأولى

2-المهم مشيت بيها يومين وكان السحب ممتاز جدا والتسارع رائع لقيتها بعد كدة بدأت تنتش وتبرجل المهم قلت عادي أبلاتين وكوندنسر وغيرناهم وبالفعل بقت تمام لكن ظهرت لنا مشكلة جديدة بمجرد تغيير الأبلاتين والكوندنسر وهي إني لما بدوس بنزين على الأخر مفيش أي سحب
والعربية صوتها يعلى جدا والأر بي إم في السما حتى لما بجيب الخامس وأدوس بنزين للأخر لا تتعدى حاجز ال100 في السرعة والأر بي إم بيكون حوالي 4 وده غير طبيعي بالمرة لأنه المفروض يكون عند 3 أو حتى 2.5 فهل تغيير الأبلاتين والكوندنسر يعملوا كدة

وسألنا واحد ميكانيكي قال سلك الدبرياش هو المشكلة
وسألنا أخر قال المشكلة في كهربة العربية والبنزين
وأنا أعتقد أن المشكلة في الدسك والإسطوانة فأينا صح

(مع العلم بأنه في أول يومين تجربة جبت بالعربية 140 دلوقتي أقصى حاجة 100 بالعافية)
المهم إن صوت الموتور بيعلى من غير سحب في المقابل
فما الحل؟

وجزاكم الله كل الخير