مفتاح الفلوانس أتسرق

**ASMASH** · 02-11-2011 04:15 AM

من حوالى أسبوع مفتاح الفلوانس اتسرق مع شوية حاجات بسيطة (موبيلين و كل الورق و الفلوس)
المهم رحت التوكيل عشان أغير المفتاح و شفرة الموتور
و بعد 4 ساعات ابلغونى انهم غيروا الشفرة و لكن لا يمكن تغيير المفتاح يعنى الحرامى يفتح العربية بس ما يدورش
طبعا ركنت العربية فى جراج و بقالى اسبوعين ما ركبتهاش
فكرت فى حل بس مش عارف اعمله و لا بلاش
الحل انى افصل كالون الباب عشان ما حدش يقدر يفتح العربية من غير الريموت
أرجو من الخبراء مساعدتى

**ahmedsql** · 02-11-2011 03:04 PM

انا بالظبط حصل معايا نفس الموقف دا , الكارت اتسرق و رحت التوكيل و لغو الكارت التسرق و عملت كارت جديد.
بس مهتمش بموضوع الكالون , سايبها كدة و بقالي خمس شهور و الحرامي محاولش يفتحها ، معتقدش انه هيعرف يفتحها ولا يهتم يعرف عشان ببساطة مافيش حاجة تفيدة في :)

الفكرة لو فصلت الكالون و بطارية الريموت فصلت او الريموت حصله حاجة مش هتعرف تفتح العربية.

**amigo_magdos** · 02-11-2011 06:37 PM

المشاركة الأصلية كتبت بواسطة ahmedsql

انا بالظبط حصل معايا نفس الموقف دا , الكارت اتسرق و رحت التوكيل و لغو الكارت التسرق و عملت كارت جديد.
بس مهتمش بموضوع الكالون , سايبها كدة و بقالي خمس شهور و الحرامي محاولش يفتحها ، معتقدش انه هيعرف يفتحها ولا يهتم يعرف عشان ببساطة مافيش حاجة تفيدة في :)

الفكرة لو فصلت الكالون و بطارية الريموت فصلت او الريموت حصله حاجة مش هتعرف تفتح العربية.

سؤال في السريع كده. الكارت اتكلف كام ؟ و موجود عندهم ولا استنيت علشان يدهولك؟