إيه رأيكم يا رجالة؟
عرض للطباعة
إيه رأيكم يا رجالة؟
آسف اختيار الموديلات اتقلب :)
ميجان 2007-2008 أوتوماتيك كاملة من غير فتحة السقف
ولا سيراتو 2009 2010 مانيوال كاملة
مع العلم إني مايفرقش معاية الأوتوماتيك من المانيول (المانيول يمكن أحسن بالنسبالي عكس معظم المصريين :) :) )
انا ارشحلك سيراتو اوتوماتيك بصراحة .. ولكن لو عايزها مانوال فلتكن
الا لو كنت راجل كييف فرنساوي وبتحب تصرف كتير على عربيتك :d
أنا بس مقلق من مشكلة سرقة السيراتو اللي انتشرت دي .. الميجان كمان شكلها أحلى من السيراتو بالنسبالي
أنا من محبين السيراتو وكنت نفسي اجيبها ولكن قدر الله أن اشتريت ميجان 2006 الشكل الجديدالحقيقة انبهرت من كثرة المميزات والتقفيل والجودة في الخامات ، كل ده بالإضافة إلى موتور قوي وعفشة ممتازة أفضل من عفشة السيراتو الذي اشتكى منها الكثيرأما بخصوص قطع الغيار فلن أقول إنها رخيصة ، ولكنها معقولة بالمقارنة بالسيارات الجديدةوكثيرا ممن ركبوا السيراتو وركبوا معي قالوا إن تقفيل الميجان وجودة الصالون في الميجان احسن
مفيش مقارنه
ميجان طبعا
ميجان من غير كلام
السيراتو ليست عربية اصلا، اي حد ممكن يجيب سيراتو او ريو....
دة رأيي برضه ...بس العربيات الميجان اللي بتتباع دلوقتي يا إما متهانة عالآخر يا إما أتكلم ألاقيها اتباعت
عالعموم أنا قررت أستني لغاية ما ربنا يكرم بحاجة تكون حالتها لقطة إن شاء الله
صحيح إيه هو أحسن موديل في الميجان 2 ولا كلهم زي بعض؟؟
السيراتو مش وحشة بس الميجان أحلى
2006 و ما بعدها.........و لو لقيت 2005 حالتها حلوة ما تفرطتش فيها.......
معظم التغييرات ما بين 2005 و 2006 حاجات أستهلاكية و هتلاقى معظمها إن مكنش كلها أتغير.
يمكن حاجة واحدة اللى مش بتتغير إلا بناء على طلب صاحب العربية و هى سوفت وير الفتيس.....و دى ممكن تعملها فى التوكيل لو مكنتش أتعملت.
ميجاااان بدون تفااااهم ياراجل :)
مع كامل احترامي بس أنا مش شايف وجه مقارنة نهائي ....
ميجي طعمها غير أي عربية تاني ركبتها في حياتي ...بصراحة مميزة وجميلة جدا ماشاء الله يعني لو ركبتها مش هاتبص على الـ bmw مثلا بنفس الإنبهار بتاع زمان ... يعني مش هاتحس إنك راكب عربية أقل منها بكتير يعني
وطبعا مش قصدي إنها زي البي إم لكن كل ملاك ميجي يقولولك عن الإحساس ده :)
ربنا يوفقك لكل خير يارب إن شاء الله :)
ميجان...
اش جاب لجاب
السيراتو التابوة الفرش الداخلى جميل طبعا وشكلها حلو بس العفشة مش حلوة ومش مريحة
الميجان عربية جميلة وممتازة وعلى فكرة قطع الغيار متوفرة واسعارها يعنى مرتفعة قليلا وسواقت العربية دية ممتعة بجد بس العيب من وجهة نظرى التكيف جو البلد فى الحر مش اد كدة وكمان لو انت مثلا فى اسكندرية فى الشتا الامطار بتبقى جامدة جدا احيانا بتتاثر الحساسات بس لما تكون الدنيا مطر فظيع بس لو سيبت
العربية للصبح تلاقى كل حاجة اتظبطت تانى
لو سعر اعادة البيع يبقى السيراتو هتكسب
لو الكماليات والرفاهية يبقى الميجان
جزاكم الله خيراً على آراءكم القيمة
بالنسبة لعفشة السيراتو ... واحد صاحبي قاللي أن مشاكل العفشة في الجنط ال17 بس لكن لو مركب جنط 15 أو 16 مفيش مشاكل و مش حتحس بنشفان في العفشة ... هو عنده ال15 وبيقول مفيش مشاكل خالص والعفشة زي الفل.
اذا كنت تبحث عن الامان والثبات والرفاهية فالميجان افضل بكثير اما قطع الغيار فلوجود منشاء كتير فاصبحت رخيصة واغلى بسيط من السيرتو بس فرق السعر بين الميجان والسيرتو نحسبها فى فرق قطع الغيار فستجد الميجان ارخص .... اهم شئ وخلى بالك لو عايز تشترى ميجان بغض النظر عن الموديل ان تكون السيارة بتتعامل مع التوكيل علشان متتعبشى وتندم وتقول ياليتنى جبت السيرتو ....لاننى عانيت من الميجان وصرفت كتيير علشان الله ينتفم منهم الى انا اشتريتها منهم ما كنتش اعرف حاجة عن الرينو وان العربية ماكنتش بتتعامل مع التوكيل والحمد الله اقدرت ادخلها التوكيل وعملى حاجات كتير فيها ببلاش ورغم ماصرفتة على العربية بس لما اركبها انسى الى صرفتة من من متعتها واحساسى بالامان غير الاوكتافيا الى كانت معى الفرق نعومة وثبات وعندما تاخد الكارت من العربية لو ناسى الانوار والكاسيت والتكييف تفصل الدائرة الكهربائية بالكامل
هتصرف كام على عربيتك فى الشهر
ده السوال
هو دة متوقف على حاجات كتير منها إستعمالك نفسه
أنا بعمل بعربيتي حوالي 10آلاف كم في السنة فمبغيرش زيت بروح كل 6 شهور أغير الزيت في كركز الصيانة و أعمل كشف شامل على العربية و أشوف إذا كان في حاجة محتاجة تتعمل دلوقتي فنعملها أو في حاجة محتاجة تتغير بس قدامها شوية وممكن تتأجل للصيانة الجاية. بكدة ممكن أدفع أكتر شوية من فلوس الصيانة بس ببقى مطمن أن العربية كل حاجة فيها تمام و عارف برضه إيه اللي لازم يتعمل المرة الجاية.
الميجان بتشم البنزين فاللي توفره في البنزين رجعه صيانة للعربية :)
برأيى ميجاااااان جميله وأحلى بكتير من حيث الامكانيات سيارات مستعملة للبيع في قطر الدوحة | سيارات قطر | أوتو زي قطر :floating: