الموضوع: ????Lancer or Yaris

اللانسر أفضل بكل المقاييس...

الإتنين يابانى ، اسم تويوتا مغرى لكنه لا يصلح كفيصل....
موضوع الشكل الثابت لياريس فى علم الغيب ، ممكن يتغير بعد سنتين ، وبخصوص اللانسر ثبت ان الشكل الجديد هينزل والحالى هيستمر لعامين على الأقل فى وجود الجديد ...

أنا عملت بحث شامل قبل مااشترى وكنت رسيت نظريا على الياريس ونزلت فعلا علشان أشتريها لكن على أرض الواقع فوجئت بيها ضعيفة جدا زى ما قلتم من الأمام خاصة مع الاكصدام الكبير جدا السهل الكسر هو وما وراؤه من رادياتير ومراوح لأنه لا يوجد أى مصد بين الاكصدام وبطن السيارة بعكس لانسر حيث يوجد عمود حديد سميك خلف الاكصدام..

موتور الياريس نفس موتور كورولا لكن مضغوط مما يصعب المهمة على أى فنى فى التعامل معه...
مساحات الكبوت مزدحمة جدا فى الياريس فتوقع صعوبات فى تصليح أى أعطال بعكس الانسر..

اتصلت بالتوكيل لأستعلم عن اسعار قطع الغيار فلم أجد لديهم أول شئ أبحث عنه: الاكصدام
شكلها المنبعج تظهر فيه أقل الخبطات ويصعب من قيادتها ..

كنت قد قرأت أكثر من مرة عن حوادث بسيطة أدت لتلفيات كبيرة فى الياريس مع سوء خدمة فى التوكيل لعدم توافر قطع الغيار وغلوها لو موجودة..

سعر اعادة البيع وسرعة البيع فى صالح لانسر...
باختصار: لانسر هى الحل العملى ، جميع مميزات ياريس شكلية..وبصراحة لا اتوقع استمرار ياريس على نفس معدلها الحالى فى السنوات القادمة ، وما كتبته كتبته دون تحيز لسيارة دون الاخرى بل من واقع مرورى بنفس التجربة.

معلش يا جماعة لانسر 1300 احسن مليون مرة من الياريس
1-خفيفة جدا علي الطريق و مش عريضة زي الانسر ومش فس سبتها
2-مافيش فيها معدلات امان الانسر
3-الانسر عرضه و راسية علي السرعات العلية وكمان صينتها سهلة جدا
4- انتشرها هو سر نجحها الجامد جيداااااااااااااااااااااا ااااااااااااااااااااا في مصر
5-الياريس لو كانت عربية مش عليها علامت تويوتا مكنش حد ركبها الناس ركبتها علشان تويوتا بس مش علشان هي عربية جمدة والا حاجة و عن تجربة

هو من حيث معدلات الأمان العالمية ياريس تكسب وإن كنت برضه بافضل السيارة اللى تحقق المعادلة الصعبة فى الحفاظ على نفسها والحفاظ على راكبيها فى نفس الوقت ، يعنى بلاحظ ان السيارات اللى معدل امانها عالى جدا زى الياريس بتضحى بالعربية فورا فى تصادمات من الممكن اعتبارها بسيطة ولا تضر الراكب بما يشكل عبء كبير عند ترميمها، كمان اختبارات الامان مش بالضبط زى الحوادث يعنى مفيش فى اختبارات الامان ان العربية تتقلب او تندهس او تتخبط من ورا او من الجنب .. علشان كده بيتهيألى والله اعلم ان الاختبارات دى مش واقعية للدرجة اللى احنا متخيلينها .