الستم معى بان سعر اللانوس فى السوق الذى هو حوالى 72 الف جنيه سعر مبالغ فيه بالنسبة لامكانيات العربيه وانها منذ نزولها الاسواق من حوالى 14 سنة لم يتم تطوير او تغيير فى شكلها او امكانياتها على عكس بعض الماركات الاخرى ؟
عرض للطباعة
الستم معى بان سعر اللانوس فى السوق الذى هو حوالى 72 الف جنيه سعر مبالغ فيه بالنسبة لامكانيات العربيه وانها منذ نزولها الاسواق من حوالى 14 سنة لم يتم تطوير او تغيير فى شكلها او امكانياتها على عكس بعض الماركات الاخرى ؟
ليس مبالغ فيه ولكن مناسب لامكانياتها ولاسعار المنافسين
لا مش مبالغ فية
وبعدين شوف سعر المنافسين ليها كام ؟؟؟
هو مفيش عربية في مصر سعرها مش مبالغ فيه
قارن في اسعار العربيات كلها هتلاقيها كده
بس لما تسيب المقارنة دي وتيجي تبص للشرايح اللي عندك وال اسعار اللي موجودة هتلاقي إن ال 72 دي best value for money فعلا
يعني متبصش لل 72 دي على إنها 72 إنت ممكن تقيمك للعربية يكون مثلا 50 جميل قوي
بص بقى ال 50 دي في السوء هنا عندك تجيبلك إيه ؟؟؟
هتلاقي إنك ممكن تشتري بيها حاجة أصلا لو استعملت نفس التقييم عليها المفروض تكون ب 30
انا عن نفسى شايفه كتير عليها بسبب ان العربيه قدمت قوووووى يعنى كتير عليها
داخله فى 12 سنه تصميم
انا لو معايا حدود 70 -75 الف
هبص على الوجان او ال m11 او ال byd
اللوجان ب 70500 وفيها عوامل امان وايرباج وجنوط 15 وبطاريه جافه وكمبيوتر رحلات وطاره مالتى
يبقى ازاى اللانوس مش مبالغ فيها
اه طبعا الوجان وال byd اثبتت نفسها
لو على الشكل أجيب دبانة مستعملة أحلى منهم كلهم
وحشاني مشاركاتك إنت فينك من زمان بلِف المنتدى كله مش بلاقيك :)
يارب يكون خير
يعني إنت شايف إن اللوجان سعرها مناسب ليها ومش كتير عليها ؟!!!
وإيه أخبار ال running cost ؟
وسعر اعاده البيع عامل اى مع المنافسين مش الفرنا اقصد الباقى ........
وسعر قطع الغيار عامل اية مع المنافسين مش الفرنا ومدى تواجدها .......
ومع ذلك انا مش بمدح فى العربية لان كل العربيات فى مصر ماتستهلش تمنها ولا شوارعها تستاهل انها تمشى فيها عربيات اساسا
وكل سنة وانتم طيبين
ههههههههههه انت جبت الخلاصة
وانت بالصحة والسلامة
طب ايه اخبار ال m11 ؟
أنا دماغي بتلعب بجد اني أجيبها وفيه كتير بيشكروا فيها ف قسم الاسبرانزا بس أنا لسة مقلق.
ولو حاجيبها حاتشد معايا ماتقولش لأ؟؟ وكمان كام سنة من الجري ماتشتكيش؟ وهل الصيني بوجه عام "مقامرة"؟ يا تطلع نضيفة جدا وتريحني 5 سنين قدام يا تطلع زبالة وتستاهل الحرق؟ ولا كلهم نفس جودة تقفيل؟
اللوجان مابستظرفش شكلها نهائي بصراحة.. كأني راكب عربية فول.
بس على الاقل خالص كانوا طوروا فيها شوية....يعنى مثلا التكييف يكون ديجيتال والعدادات هى كمان.
او يضيفوا جديد فى الشكل الخارجى او الفوانيس
الحاجات ديه برضوه بتفرق .
كل سنه و إنتم طيبين..
موضوع اللانوس و الفيرنا و اللوجان .. و عائله إسبرانزا.. الموضوع ده قتل بحثا.. من خلال المقارنات من عده أوجه كلكم طبعا عارفين إيه المقصود بأوجه المقارنه.. إجمالي التقييمات لكل المقارنات بيرجح اللانوس و ده مش عشان إنها أحسن عربيه في الدنيا .. لكن ظروفها كده.. حظها حلو ف مصر زي حظ ال 128 .. اللانوس مطلوبه من السوق المصري و في دول شرق أوروبا و عشان كده بتنتج حتي الأن.. موضوع السعر حاجات كتير بتتحكم فيه..مش معني إن موديل اللانوس نفس الشكل يبقي سعرها ينزل كل سنه .. كمان اللي متابع سوق السيارات كويس و من سنين يلاحظ تقريبا ثبات سعر اللانوس..
طولت عليكم
لكن اللي يقدر يخرج عن فئه اللانوس و الفيرنا و اللوجان و الإسبرانزا ..يخرج.
تحياتي
عمرو إبراهيم
انا مانكرشى ان قطع غيارها اغلى بس القطع الاستهلاكيه فرقها بسيط عن اللانوس
لكن القطع المعمره لسه غاليه
ومتنساش ان العربيه لسه جديده
لو انت قديم شويه زى حالاتى كنت شوفت قطع غيار اللانوس اول لما نزلت كانت بكام وعرفت اد ايه كانت غاليه والناس بتهرب منها
لكن سبحان مغير الاحوال
الانتشار ليه دور كبير
عموما كل واحد ربنا يباركله فى عربيته
اهم حاجه تكون مقتنع بالنعمه اللى ربنا مديهالك وبان اختيارك صح ومناسب ليك
لو خدت اللانوس كدة لوحدها هنقول سعرها مبالغ فيه جداااااااااا مش مبالغ بس
لاكن لو خدت سعرها مقارنة بباقي اسعار العربيات في مصر من اعلى فئة الى ااقل فئة
هتلاقي سعرها طبيعي جداااااا بالنسبة لفئتها واعتماديتها
المشكلة مش مشكلة اللانوس المشكلة هي منظمومة التسعير والبيع في مصر بصفة عامة
وطبقا للواقع لا اللانوس مش مبالغ في سعرها
الفكره بقي هل اللوجان وال byd شكلهم هيتغير في ال 15 سنه اللي جايين ولا هيمشو بنفس الفكر الغبي بتاع طالما شغال خليه زي ماهو
مهو انا بضرب مثل بال 128 و اللادا اصلا عشان افسر استمرار انتاج اللانوس و الفرنا
MMamdouh
هما اكيد مأثبتوش نفسهم بنفس درجه الانوس
بس انت شوف العربيات دى اتعملت تاكسى وبشوف عربيات عامله 60 الف و80 الف فى سنتين
والعربيه ماشيه كويس جدا
مع ان دا معدل اهلاك عالللى جدا وكلنا عارفين ان سواقين التاكسى كتير منهم بيركب قطع غيار اى كلام وبيركبها بعد ما تكون طلع عينها
فدا مؤشر على جوده العربيات دى الى متعتبرش صينى 100% لان ماتورها يابانى والفتيس يابانى والعفشه تقريبا يابانى برده
اليابانى فى الحاجات دى هو التصميم فقط... المكونات و الصناعة صينى
و موضوع التاكسى ينطبق على الbyd f3 و السبرانزا ال516 فقط انما اللوجان لا... و بالنسبة لقط غيار الصينى... هتبقى برضة صينى... هتروح فين اقل من كدة؟
MMamdouh
عزيزي مصطفي سعد.....هوة دة السوق المصري ....و احب اضيفلك معلومه طالماا بنتكلم عن الاسعار ....اللوجان نازله تبع اتفاقيه أغادير ....و اللوجاان دخلت مصر بدون جمارك ....تقريبا واقفة علي الوكيل بحوالي من 20 : 25 ألف جنيه بالكتير ....تقدر تقوللي الوكيل ليه سوقها وباعها ب 67000 جنيه تقريبا؟؟؟؟؟؟؟؟؟؟؟؟؟؟؟؟؟
مع تحياتي
عمرو ابراهيم
استاذ عمرو تحياتى ليك اولا
لوجان ايه اللى ب 25 الف
تمنها بره بيعدى 10 الاف يوروا
دى اللادا مقربه على ال50الف
والتوكتوك ب27 الف
يبقى اللوجان ب20 الف
صباح الفل
اللانوس عربيه محترمه جدا جدا جدا
واثبتت وجودها طبعا من زمان
بس انا شايف ان خلاص زمنها انتهى وده زمن اللوجان
وكل عربيه بتاخد وقتها والا كانت البيجو ال504 المفروض تتباع لغاية دلوقتى
بالنسبة للوجان ولا هي ب 20 ألف (دا مايجيبش تمن الشاسيه علي بعضه) ولا هي ب 10 ألاف يورو (دي المواصفات الأوروبي).. المفروض تتباع هنا زي ما كانت أول ما نزلت في حدود 56 ألف أو حاجة كدة.. وكان فيه شرح قديم ان جزء بس من الجمارك اللي اتشال من عليها مش كل حاجة (وانتو عارفين مسميات الحكومة المصرية). كمان ماننساش تمن الشحن وخلافه.
بالنسبة للانوس مع انها معايا بش أنا جيبتها أساسا عشان أتدرب علي حاجة جديدة شوية لغاية ما استنضف عربية تانية. بس فيه ناس تانية (خصوصا الناس الكبيرة) بتعتبر أساسا وجود تكييف وباور وزجاج كهربا والحاجات دي انها وصلت لمنتهي التكنولوجيا.. أو ممكن نقول انهم مش عاوزيين أساسا أكتر من كدة. ضيف بقي موضوع ان أغلبهم كان معاهم 128 ولادا وشاهين و504 فا هي معتقدة ان أي عربية تانية لازم تبقي قطع غيارها في نفس الشريحة يا اما تبقي قطع غيارها غالية ومعقدة وبنت ستين ف سبعين.
واحدة واحدة بس يا جماعه .....سؤال طيب ...هيه اللوجان اللي بتنزل مصر ....مغربي؟ و لا روماني؟.....اكيد الاستاذ / مصطفي سعد عنده فكره :-) ......و صباح الجمال يا سيدي
مبالغ فيه والعربية بكل كماليتها حلو اوي عليها 65 الف جنية زيرو ويبقوا كسبانين كتير كمان.
لكن هما عارفين ان الناس في مصر سوق استهلاكي و الناس هتقول 65 الف جنية تبقي مش تمام لا انا اجيب واحدة بسبعين احسن ومش عارف اية
فاخلوها سبعين عشان تاخد قيمة اكبر من قيمتها.
الصبح فكرت كده لو مفيش جمارك كان هيبقي شكل الشارع المصري عامل ازاي
كان اللي راكب سي 200 هيبقي راكب سي 63 واللي راكب اول فئه في ال اس كلاس هيبقي راكب اس 65
واللي راكل اكس 3 هيبقي راكب اكس 5 ام
كان العربيات في مصر هتبقي اعلي بكتييييييييييييير من الأمارات بس نقول ايه بقي ادي الله وادي حكمته