وهل هم بيخدوهاوخلاص ولابيوقفوفكوبيغلسوا عليك
عرض للطباعة
وهل هم بيخدوهاوخلاص ولابيوقفوفكوبيغلسوا عليك
الفاميه مالهاش غرامه فوريه
بس لو محترم ممكن يدفعك 50 جنيه ويكتبلك فى الوصل اى حاجه
الرسمى يسحب الرخص وتدخل فحص
سحب رخص +ازاله الفاميه+ فحص
فى رأيى الصح انك لو لقدر الله وقفت فى كمين .. شيل الفاميه و حاول تاخد رخصك من الظابط .. لأن الفحص بهدله و تعب و طبعا كفايه الأكراميات اللى هتدفعها
طيب ايه اللي بيحصل في الفحصوباخد رخصيزاي وفي غرامة ولالا
معلش يا أخي رامي
يعني أنت تقصد لو محترم يتغاضى عن تنفيذ القانون لواحد مخالف القانون !
ما هو ده اللي مخلي الناس تسوق على مزاجها و مفيش أي قانون في البلد اللي أحنا فيها
لو فيه تطبيق للقانون من أول طلوع الرخصة لتطبيق القانون في الشارع
مكناش هانشوف العيال اللي بتعمل غرز و الشمامين اللي بيسوقوا عربيات نقل و الميكروباظ اللي بيقف في أي مكان و خلاص علشان يركب ركاب
أنا شايف ان ضابط شرطة لو شاف مخالفة و عمل عبيط و قلل الغرامة للحد الأدني خصوصا مخالفة معمولة بالتعمد ........ يبقى مش محترم خالص ...بالعكس تماما .
أنا آسف يا أخواني إن كانت لهجة الرد مش خفيفة بس بصراحة السواقة في المحروقة مصر بقت تحرق الأعصاب و بجد الواحد مبقاش طايق يخرج بالعربية و زاد و غطى موضوع سرقة العربيات .
أستاذ عمرو
نصيحة لوجهة الله تعالى ....... أمشي عدل يحتار عدوك فيك .
كلام حضرتك مظبوط ولا غبار عليه
بس احب اوضح لحضرتك اننا المفروض نتعامل مع كل واحد على حسب ظروفه الخاصه مش على حسب القانون الرسمى يعنى القانون بيمنعنى انى ارخص سلاح علشان انا ملتحى وماليش ترخيص سلاح وبيمنعنى كمان انى احمى اهلى وعرضى ومالى واكون مامن نفسى حتى بحتة حديده اقدر ادافع بيها عن نفسى والقانون كتير منعنى من حاجات الناس كلها بتعملها لسبب بس انى ملتحى وكده انا كافر فى نظر القانون وده التعامل الصحيح معايا يعنى لما ابقى حاطط فيميه فى العربيه علشان حاجات كتير اوى تفيدنى والقانون بيقولك طالما انت مش ظابط او وكيل نيابه او حاجه من دول يبقى رخصتك تتسحب علشان القانون بالله عليك ده يبقى قانون
عارف النبى عليه الصلاة والسلام كان جالس فى المسجد وجاله رجل قاله هل للقاتل توبه قال له نعم وبعدها اتى رجل اخر وقال له هل للقاتل توبه قال له لا
سأله الصحابه عن هذا الاختلاف فى انفس الفتوى فقال الرجل الاول قتل بالفعل ويريد التوبه وندمان على ما فعل اما الرجل التانى سوف يقتل ويسأل عن التوبه بعد القتل فقلت له لا حتى امنع جريمة القتل
لازم كل مواطن يخضع للقانون الموضوع في المجتمع الذي يعيش فيه و إلا أصبحنا في غابة
و لما ولي الأمر يقول سرعة الطريق الفلانية 90 فقط يبقى لازم كلنا نلتزم بها
و لما ولي الأمر يقول ممنوع الفاميه يبقى لازم كلنا نلتزم (بما فينا أعضاء الشرطة و النيابة و يجب أن يكونوا أول الملتزمين مش أول المخالفين لأنهم مثال لبقية أعضاء المجتمع )
طبعا كل مواطن زى ما حضرتك بتقول لازم يخضع للقانون طيب لما القانون ده يصطدم بشىء انا عايز اعمله وعمره ما هايضر حد بغض النظر عن قضية السلاح او الفيميه
انا شايف انى محتاج عربيتى تبقى خاصه ليا امال انا جايب عربيه ملاكى بتاعتى مش ماجرها ولا راكب ونازل تانى عايزها خاصه لاسرتى فى سفرهم يبقوا على راحتهم مش عايز الشمس تتعبنى وانا مسافر كل يوم الصبح ولا اولادى يتبهدلو من الحر مش عايز واحد يكسر زجاج عربيتى وهى واقفه لسبب بس انه شاف جراب نضاره شمس جوه العربيه وعايز ياخدها مش عايز واحد متطفل واقف جنبى فى اشاره قاعد يتفرج على زوجتى وبناتى او اخواتى وهم قاعدين وواخدين رحتهم فى العربيه اعتقد انا لم اضر اى حد بهذه الاسباب انى اركب فيميه ولا انا كلامى مش مظبوط
بالضبط زى ما أستاذ توت بيتكلم
واللى عاوز يعمل فامية، ينزلها على الرخصة ، تتكلف الف تتكلف 10 ، يمشي قانوني علشان نرتاح من الغابة اللى ماشيين فيها دي ، مع أن الغابة أرحم على الأقل فيها قواعد معروفة ، هنا مفيش ...
كل كلام حضرتك مش مبرر أنك تكسر القانون متعمد
ممكن يكون واضع القانون وضع منع الفامية لدرك ضرر أكبر من النفع
الضرر أن تكون شايف اللي سايق العربية و ممكن يرتكب مخالفة ما
أو مثلا شاب و فتاة يستغلوا أن مفيش حد شايفهم و يعملوا حاجات مش كويسة
و فيه حاجات كتيرة مش صح ممكن تحصل في سيارة متفيمة .
بالنسبة للأسباب اللي أنت ذكرتها لتركيبه (معلش أنا آسف هي أسباب أغلبها يمكن التغلب عليها )
بالنسبة للشمس ممكن وضع عاكس بدرجة خفيفة جدا لتقليل حرارة الشمس داخل الكابينة (و بكدا أنت أصبحت مرأى من الجميع و في نفس الوقت أتبعت القانون بعدم حجب الرؤية داخل الكابينة .
بالنسبة لركاب السيارة ......... أكيد ركاب السيارة مش قاعدين قالعين هدومهوم و أكيد لابسين لانهم في مكان عام (في الشارع )
و بالنسبة لموضوع الحرامي ......... ممكن أتقاء شر الحرامي الصغير بعدم ترك شئ مرأي له في الكابينة و في النهاية الحرامية بتأخد دلوقتي العربية كلها مش مجرد نضارة .
المهم أن مينفعش كل واحد فينا يكسر القانون علشان مش عاجبه من وجهة نظره الشخصية أو أحتياجاته هو الشخصية .
ممكن برضه واحد يقولك أنا ماشي 120 و مش بضر حد علشان أوصل بدري
وواحد تاني يقولك أنا أعمل كذا و مش بضر حد علشان أحتياجاتي الشخصية متوافقة مع الفعل الفلاني ...
مقصدي
مينفعش نكسر القانون على هوانا يا أستاذ رامي علشان نقول انه قانون غلط
صدقني دي بداية نهاية أي مجتمع و اللي احنا فيه مش من قليل (نتيجة ان كل واحد مش عاجبه حاجة مش بيعملها و كل واحد حسب واسطته او رشوته أو فساد منُفذ القانون اللي بيعديها )
اخى الكريم ربنا يكفيك شر اى حاجه تضرك او تضر اهلك ويبعد عنك كل سوء من اى نوع
ويرزقك الامان
يا شباب المشكلة مش في تطبيق القانون
المشكلة في تطبيقه علي الكل
المساواه
واصلا حاطط فاميه او مش حاطط
معظم الظباط وامناء الشرطة اصلا مرتشون وفاسدون هاتفرق معاهم ايه؟
ليه القانون سمح بها .......... كلام يتناقش في مجلس الشعب أو مع واضعي القانون أو الجرائد الرسمية و المعارضة و تعرض وجهة نظرك .
إنما أحنا كمواطنين من نفسنا علشان مش عاجبنا حاجة نقوم نخالفها يبقى نقول على البلد السلام .
لأن برضه بنفس مبدأ أنا مش بضر حد ممكن واحد يمشي عكسي و يقولك ما الطريق فاضي و أنا مش بضر حد .
وواحد تاني يقولك هي سرعة 90 دي سرعة ؟ .... ما أنا أمشي 150 و مش هاضر حد .
مش كل مواطن مش عاجبه قانون و مش ماشي على هواه يقوم مخالفه علشان هو مقتنع أنه قانون غلط .
علشان كدا أحنا هنا في مصر ......... سمك لبن تمر هندي (مواطن مش عاجبه القانون - شرطة مش بتطبق القانون على كل الناس أو مش بتطبقه أصلا )
إنما الناس برة عايشين بأحترام و الكل ملتزم بالقانون سواء بمزاجه أو غصب عنه .
و في النهاية
إن الله لا يُغير ما بقوم حتى يُغيروا ما بانفسهم
ياجماعة افهموني انابسيب العربيةكتير في الشارع واللشهر الي فات كنت سايب العربية قدام باب ا لشركة خرجت سيبت شنطالاب توب وفيهاالف جنية و موبيل ودخلتاصلي 10 دقايق خرجتلقيت الباب الخلفي زجاجةمكسور ومسروقكل حاجة مع انها قدامالباب ولامن موجود وبينة وبين العربية مترين
وكان ردهم ملناش دعوة باللي برة الشركة
ارجو الرد
يا أستاذ عمرو ....... ربنا يعوض عليك في اللي أتسرق .
بس بصراحة حضرتك غلطان ...... المفروض ما تسيبش حاجة في العربية في مرآى لولاد الكلب الحرامية (آسف على اللفظ)
أنا أي حاجة بسيبها في شنطة العربية و غالبا بحاول ما أحطش حاجة في العربية و لما بأروح مشوار و اركن بأضطر أخد حاجتى معايا لو خايف عليها قوي مع أني ببقى خايف على العربية نفسها أحسن أرجع ملقهاش !
و بالنسبة لغرامة الفامية
طبقا للقانون (سحب رخصة - و اعادة فحص و استخرج رخص من جديد أكنك بتجدد الرخص )
فيه ظباط ...... يشيلك الفاميه و أنت واقف في اللجنة - بيخليك تكحته لغاية ما يطلع قبل ما تسيب اللجنة - و يدفعك غرامة لحاجة تانية (يأخد فلوس يعني بدل ما يخليك تعمل فحص )
الأحسن و الأفضل
لو تركت شئ في السيارة - ارتكه في شنطة العربية و خلي الكابينة فاضية
و لو معاك حاجة قيمة قوي زي الفلوس .... خلي معاك شنطة ظهر صغيرة و حط فيها فلوسك و خدها معاك
و لو ركنت أركن في جراج أمان على قد ما تقدر و حاول تبعد عن الشارع على اد ما تقدر
احبتى فى الله السلام عليكم ورحمة الله وبركاته القانون المصرى بكل انواعه وخاصة القانون المدنى يتميز يغباء منفطع النظير وإلا فما معنى جواز اثبات الفميه على الرخصة لو العربية متفيمه من الاصل طب لو هناك سبب للمنع والحظر يبقى ممنوع مطلفا ولو مباح يبقى مباح مطلق حتى لو برسوم اضافية لكن عندنا ما شاء الله العربية تتجمع فى مصر زى النيسان من غير فيميه يبقى حرام يفيم ولو اتجمعت برده فى مصر والف جنيه زيادة متفيمه يبفى حلال بفبيم بالله ده قانون ولا واحد اعمى واخرص واصم
طب انا عندى فى الشغل بليزر سوداء معتمة ومفيش ادنى مشكلة لانها جايه كده
ونفس الشىء فى الديفندر المعدن -يعنى بصراحة بلد عايشه على الاستخفاف بعقولنا حنى اخر نفس
يا باشا مجلس شعب ايه و لا واضعى القانون ايه اذا كان القانون بيناقض نفسه اصلا يعنى حاجة ممنوعة و بتترخص عادى خالص ، ازاى طيب ؟ .. الكلام اللى حضرتك بتقوله ده فعلا سليم بس لما نبقى عايشين فى دولة محترمة و لو اصلا احنا فى قانون محترم مكانش القانون يخالف نفسه بنفسه .. حاجة ممنوعة و بتترخص عادى لكثير من الناس عشان العربية نازلة كده و اهو ده قانونى 100% و مكتوب على الرخصة كمان فاميه يعنى الموضوع فيه ضرر يبقى يتمنع عن الكل سواء العربية نازله بيه او لا ولا اللى عربيتو نازلة فاميه هنبقى ضامنين انه ميستخدموش لحاجة وحشة اما اللى يركبوا يبقى خلاص مركبوا عشان هيعمل حاجة وحشة فى العربية ؟ .. مش موضوع عاجبنا او مش عاجبنا بس هو اصلا فيه عربيات بتترخص فاميه و قانونى يبقى الفاميه ازاى مش قانونى ؟ :ma:
يا جماعه انا كنت مفيم العربيه ( الابواب الاربعه) لقيت ان بالليل مش بشوف أي حاجه في المرايات الا لو فتحت الازاز وطبعا الشتا دخل ومش حينفع اني افتح الازاز فامبارح شلته وريحت دماغي لانه فعلا ضرره أكبر من نفعه بغض النظر عن مدي قانونيته