الموضوع: أنا مصدووووووووووووووم

السلام عليكم

ازيكم ياجماعه

-مش عارف حاسس اني مصدوم او مش متخيل او مش مصدق.
*طب استني ياعم علينا
مش فاهم ايه ولا مصدق ايه.
- اه مش مصدق الي سمعته.
*سمعت ايه بس قولينا عليه.
- لسه مخلص متابعه الطبعه الاولي علي كانت دريم 2 بتاع احمد المسلماني الراجل الصحفي الجامد ده.
*وده بقي قال ايه مخليك مضايق كده.
- والله قال عجب العجاب اسمع ياسيدي.
*سمعك اه قول بقي زهقتني.
- بيقولك ياسيدي ان وزير البترول اعلن ان مصر عندها 75 تريليون قدم مكعب غاز طبيعي وعليه باع لمده 15 سنه الغاز الطبيعي لمصر وقال متخافوش خالص.
*طب ياعم ماهو الراجل زي الفل اه وجاب دخل لمصر وزود الدخل القومي.
- ياعم مهو الكلام ده طلع مش صحيح يعني احد الخبراء المصريين العالمين اكد ان مصر لا تحتوي غير علي 30 تريليون قدم مكعب ومصر بتملك نصه لانها بتدي نصه حق انتفاع للشركات الاجنبيه الي بطلع الغاز ده.
*انا كده مش فاهم حاجه يعني كده مصر عنده غاز كتير ولا لا.
- لا غاز كتير ولا حاجه والمخزون ده في خلال 10 سنين هيخلص بس برضك مش دي المشكله.
*امال المشكلة ايه ياعم بقي خلصني.
- المشكلة بقي ياسيدي ان سعر المتر المكعب من الغاز الطبيعي عالميا من 8-12 دولار قول ياعم 10 دولار يعني المفروض بقي مصر تبيعه بتاع 60 جنيه او 55 جنيه وطبعا كده احنا هنبقي كسبانين اه.
*طيب ماحنا زي الفل وكسبانين اه.
-هههههههههههههههههههههه ياعم داحنا بنصدر للاسرائيل وخلي بالك من اسرائيل دي ب1.25 دولار يعني ب6 جنيه مصري يعني بنبيعه ببلاش للاسرائيل ليه بقي مش عارف.
*ياعم ماهي اسرائيل جارتك برضه (واخد بالك انته دي جارتك).
- ياعم ماهي المفاجاه انهم بيبعيوا للاسرائيل ب6 جنيه وبيتباع للمصرين داخل مصر وبيقولك ده مدعم ب 16 جنـــــــــــــــــــــــ ـــــــــــــيه.
*نعم بيتباع للمصرين ب16 جنيه وللاسرائيل ب6 جنيه امممممممممممممممممممم انا كده فعلا اتصدمت.
-مش قلتلك اني مصدوووووووووووووووووووووو وووووووووووووووم.

وحسبي الله ونعم الوكيل

==============

يرجى من العضو الكريم اختيار الساحة المناسبة لمحتوي الموضوع
ويرجى مراجعة قوانين المنتدى
وشكرا

الادارة 3

المشاركة الأصلية كتبت بواسطة alaa_dash

احنا ممكن نشتكي الحكومة للسفارة المصرية في مصر ..وعلى رأي تيت راديو ...نعبر عن استياء الجالية المصرية في مصر ..

دكتور شيكو انت الحروف الصيني ديه هيه بس اللي لفتت نظرك :o

بالنسبة للصورة عادي يعني :)

تصدق برضك ياعلاء

اقتراح يستحق الدراسه