الموضوع: تحسين كماليات لانسر شارك أقل فئه

بص يارس:
1- الكاسيت الاصلى اللى فيه cd changer بتاع الهاى لاين فى التوكيل غالى هبل, مش اقل من 5000 جنيه
ممكن بقى يجيبه مش الاصلى من بره هيعمل فى حدود 3000 جنيه اللى فيه DVD & GPS
2- لازم الكاسيت الجديد اللى هيجيبو يكون فيه مخرج للمالتيفنكشن
3- مينفعش, ده موجود بس فالشارك ال 2000cc اللى فيتيسها CVT مش اوتو عادى
4- الشارك اساسا كل فئتها جنط 16 يفرق بس سبور او حديد عادى
5- ينفع, كان فى التوكيل القديم ب 3000 جنيه, اكيد لو لقيته استيراد او تايوانى هيبقى ارخص
6- مش قادر افيدك فى دى

انا رأيي يبيع اللى معاه وبال 15000 الزيادة اللى معاه يدور على شارك مستعمل هاى لاين احسن بدل اللف والدوران وعمر ما الكماليات اللى بتركب على العربية هتكون زى الكماليات الاصليه

شكرا جدا للرد يا IronHead

يعني اللي مفهاش أصلا السي دي بلير ممكن يتراكبلاها عادي .. الكابلات الداخلية موجودة .. صح ؟
1 - هوا هيجيبوا من الصين Lancer EX 2012 2011 2010 gps navigation dvd radio على فكرة هاو مش هيركب اللي في 6 س دي شانجر. العادي بس.
2- آه الجهاز اللي من الصين ده في مخرج للمالتيفنكشن. فـأكيد هيركب.
3 - لسة شايف الكلام ده في الكتالوج على موقع متسبشي اجيبت. مش مشكلة دي.
4 - والله كويس إنك قلتلي . نأصلنا جنط جديد بس. ماكنتش أعرف. كتر خيرك :)
5 - شكلنا كده هنعمل السبويلر في الحرفين . :)

6 - دي بقى أنا شفتها مع عربية واحد صاحبو. هي مش حاجة التوكيل بيعملها. ممكن عند أي محل اكسسورات. بس نفسي أعرف .. لأن شكلها جامد أوي أوي أوي..
حاجة زي كده http://www.autocityimports.com/blog/...ights-Glow.jpg بس LED مش CCFL زي اللي في الصورة.

وأكيد في فلوس تركيب وهيصة وكلام ده.

احنا بائلنا 3 شهور بندور فا بصراحة قال خلاص مشيها كده. كل الفرق حوار السي دي بلير. والهيجيبوا من الصين في اوبشنس كتيرة أوي.

وسؤال كده على لسة مفتكرو .. ممكن Cruise Control يتركب برده ولا دي حاجة متنفعش تركب أصلا ؟
وأنا مشكوور جدا على ردك السريع وعلى افادك ليا :)

أنا نسيت أقول حاجة برده الدركسيون ال عندو 4 جوانب مش 3 ده غلبان مينفعش يتركب في ملتي فنكشن عشان كده هم حطوه مع النسخة اللي مفهاش س دي بلير أصلا .. ممكن أكيد الطاره التانية اللي تتحط مكان دي .. ولا كده العملية هاصت أوي ؟؟؟

الكاسيت فعلا مشاء الله هايل وهيجيب من الاخر, وعادى هو يركب فى العربية مش مشكلة, بس لازم طبعا يغير الطارة عشان المالتيفنكشن, بس انا شايف موضوع الطارة ده هيبقى مكلف قوى على المميزات اللى هتعود عليك منه, بس ممكن تسأل عليها استيراد فى الحرفيين مش هتخسر حاجة

الله يخليك يا باشا .. أنا اتصلت بالتوكيل وطلعوا أجازة لحد يوم الإتنين .. فـهتصل بيهم التلات وأشوف حيكلف قد ايه .. حضرتك متوقع يكلف قد ايه ؟ معقولة أكتر من ألف جنيه ؟

احنا حسبناها ... الجهاز ده كله حيكلفو 3500 جنيه .. لقينا واحد أحسن منه كمان ... Wholesale - 8＂ Car GPS for MITSUBISHI LANCER EX | DHgate.com
ولو قلنا الطارة بـ 1000 جنيه ..
وجنوط بـ 5000 جنيه .. يبقى كده كله 9500 جنيه ولسة في كمان 5500 هيتصرف جزء منهم مصنعية وتركيب .. والباقي يخلي للتظبيط في البدي بتاع العربية فالحرفيين ... حضرتك شايف ايه ؟

وشكرا جدا على رد حضرتك :)

يااه الموضوع ده بقاله كتير أوي

هو بعت جاب الجهاز اللي في CD Changer وكده من الصين وركبنا في التوكيل ...
بالنسبة للطاره.. لانها كانت غالية حبتين لانه كان لازم يعدل عشان الAirbag وركبنا ال MultiFunction عادي ..

جبنا جنوط من بره تناسب الكاوتش اللي موجود.. وركبناها ..

والسبويلر اتعمل في الحرفين .. وشكل الاصلي بظبط و الخامة زي الفل.

ومركبناش ال LEDS ...

اجمالي التكلفة كان حوالي 8 ~ 9 ألف ..