لو الاقى حتة camaro 68 -72 او mustang 68-72 او حتى dodge charger
اخلص فيها من غير ما ابص عليها حتى
عرض للطباعة
لو الاقى حتة camaro 68 -72 او mustang 68-72 او حتى dodge charger
اخلص فيها من غير ما ابص عليها حتى
ههههههههههههههههه لا مش هتلاقي من دا تقريبا
انا بردو نفسي في موستانج قدييييم دي فاااااااااااااااااجرة
والكامارو اوع وشك بس 8 سلندر ياعم دا انت عايز مقطورة بنزين وراك
يا جماعة طب ما نفكر كدة مع بعض هي العربيات دي جت منين ؟
العربيات دي واحد زينا كدة جابها من برة ووصل لحد هنا ومعرفش يعديها من الجمارك (سواء غايب واحدة أو رسالة كاملة ) ، ليه معرفش يعديها ؟
- يا إما ورقها مش مظبوط (يعني مثلاً مش المالك الاول ليها ،أو عليها مشاكل، أو فات على موديلها أكتر من المسموح بإدخاله مصر، أو حاجات كدة ..)
- يا إما طلع عليها جمارك أكتر من اللي صاحبها حاسبه ، و بالتالي مش هيقدر يدفع
- يا إما العربية نفسها مش ممكن تدخل البلد عشان غير مناسبة لقوانين البلد (ذي مثلاً عربية دركسيون يمين أو عربية سباق أو حاجات من النوع دة )
بالتالي في الحالات دي صاحب العربية أو مستورده قدامه حل من اتنين يا إما تتصدر لبلدها تاني على حساب صاحبها أو تتصادر لحساب الجمارك وتتباع في المزاد . كل ما يجمعوا عدد من العربيات بيعملوا المزاد دة ويبيعهم للناس كل شهرين أو تلاتة أو حتى ست شهور ، حسب الظروف والعدد .
في المزاد بقى .. ممكن صاحب العربية يدخل ويزايد عليها تاني هو أو حد من قرايبه وياخذها تاني بس بسعر أقل من اللي كان هيدفعه لو كان دفع رسمي (لأن المزاد إنت وشطارتك ) ، أو ممكن ياخذ تاجر ويقطعها خردة ، ودة في حالة العربيات اللي كدة كدة مش هتترخص وبالتالي مش أي حد هياخدها ، يا إما عربيات تروح لأصحاب نصيبها وكل واحد ورزقه
الخلاصة إحتمال انك تلاقي عربية لقطة وتتركب وتمنها أرخص من السوق إحتمال ضعيف جداً ، لكن مش مستحيل
لكن لو الهدف مختلف عن كدة (يعني مثلاً عايز عرايبية عشان ياخد منها موتور أو عايز تحفة يحطها في جراج ويتفرج عليها أو .. أو .. أو ) ، كدة الاحتمال انك تلاقي طلبك هيكون أكتر
وربنا يوفق الجميع
يعني مش ممكن الواحد يلاقيلة حتة بي ام او الفاروميو ؟؟؟ ):
العربيات دي لازم هيتصرف عليها لانها بتكون مرميه في الطل فترة طويله وعوامل التعريه ماثرة فيها جامد وعشان تركب عربيه من مزاد لازم تركب مرسيدس او بي ام او شيروكي انا اعرف شخص وقع شيروكي موديل 94 بحوالي 30 االف بندق فيه لقط وبالزات العربيات الشبح
السلام عليكم و رحمة الله و بركاته
أنا مرة كنت بحضر مزاد فى اسكندرية سنة 2001 و كان فيه عربية MERCEDES 380 SEL مو 1983 و كانت جاية من ألمانيا و متصادرة فعلا و صاحبها اللى كان راكبها هناك كان قاعد جمبى فى المزاد عشان يخلص فيها و كان حتى معاه الكتالوجات و المفاتيح بتاعتها و كان عامل حسابة يخلصها على 50 و لا 60 ألف جنيه, بس عدت و قدر يخلصها بس على 85000 جنيه, كان أيامها هو ده سعرها فى السوق و يبقى هو كسب أنه ركب عربية عارفها لأنها كانت عربيته, واحد تانى, كان جايب عربية ألفاروميو كوبيه من ايطاليا و نفس النظام برضه هو اللى خلصها, حتى كان جايب علبتين بوهية لون العربية و كان سايبهم فى العربية.
الموضوع اللى فيه مخاطرة فعلا, أنك ممكن تجيبلك مثلا واحدة MERCEDES E200 Model 1997 من ألمانيا و تكون أقل من 100000كم, هى سعرها هناك بتاع 4000 يورو, تجيبها و تفك منها كوووووووووووووووول حاجة ممكن تتفك و تسيبها لحد ماتتصادر منك و تدخل المزاد و تشتريها, لو ربنا مسهلهالك, هتقدر أنت تخلصها من غير التجار مايترازلوا عليك و استلمها بالجواب اللى ترخص بيه فى المرور, بس تبقى مظبط أمورك, أن العربية فى النهاية, ماتقفش عليك بأكتر من سعر السوق هنا, يعنى ماينفعش العربية دى هنا فى مصر تكون بتعمل 165000 جنيه مثلا, تقوم أنت تفضل تزايد و تقوم مخلصها من المزاد ب180000 جنيه, لأنك لسه هتحط عليهم ال4000 يورو اللى أنت دفعتهم فى ألمانيا, تبقى الشغلانة خسرانة معاك.
الله ينور عليك، هو دة الكلام السليم ،
إلي ملوش في لعب التجار وحوارات الورق والتخليص وكدة ، هيكون الموضوع بالنسبة ليه مخاطرة كبيرة وإحتمالات الخسارة أكبر من المكسب
عشان كدة بنقول إن الموضوع مش لقطة ولا كنز ذي ما الناس متصورة ، في إحتمال تطلع حاجات كويسة لكن إحتمالات قليلة
هو المزاد لسه شغال و لا بخ
السلام عليكم و رحمة الله و بركاته
سيادتك بتتكلم على المزاد بتاع 17-11 و لا عالمزادات بتاع الهيئة العامة للخدمات الحكومية عموما ؟؟؟
هو المزاد بتاع 17-11 أنا متهيألى أنه لازال شغال و بالنسبة للمزادات بتاع الهيئة العامة للخدمات الحكومية, فهما كل فترة -كام شهر كده- بيعلنوا فى الأهرام عن مزاد زى ده.
دي مزدات جمارك المطار عربية متسابه في الجمارك علي عربيات ممسوكة في قضايا اداب او مخدرات بتبقي ملاكي و بتبقي عربيات متاخد منها حاجات كتير
في منها بيترخص و في بيتباع علي انه خردة في العموم بيبقي في تجار دول بيرزلوا و في ناس ركيبه و غاويين دول بيجوا علي موديلات معينه و بيزيدوا و بيخلصوا العربيات مهما كان التمن ..من سنين والدي حضر مزاد من دول كان فيه porsche 928 والدي كان داخل المزاد عشانها و زايد لحد 200 الف و لكن واحد من الناس الغاويين خدها
محدش هيروح هناك يلاقي Camaro مثلا و يعرف يخلصها بسعر قليل ...مافيش الكلام دا
السلام عليكم و رحمة الله و بركاته
المعاينة بتبقى خارجية لو كانت العربية مقفولة و لو كانت مفتوحة و متسابة, ممكن تبص جواها, بس كل ده طبعا مش كفاية أنك تحكم على حالة العربية, اذا كان الواحد هنا بيشترى العربية من صاحبها و يقلب فيها و يخلى الصنايعية تكشف عليها و بعد ده كووووووووووووووووووله, ممكن يتخم فى العربية و بعد مايشتريها يلاقى فيها مصيبة !!!!!!!!!!!!!!
عندك حق دى المزادات دى شكلها سمك فى ميه
السلام عليكم
انا كنت هناك اول أمبارح بنفسي محدش قالي وشفت كل العربيات الي عايز يعرف حاجه معينه يبعتلي و انا أجاوب, تحت أمركم
يا باشا قولنا الموديلات المعروضة هناك ضروري
وهل في هناك عربيات قديمة موديلات ستينات او خمسينات؟
والموجود هناك اية ياريت تقولنا وخصوصا العربيات الدفع الخلفي
منتظرين معلوناتك
صورة واحدة للاسف بس بحاول ادور على صور تانية
http://img543.imageshack.us/img543/9...6123226513.jpg
السلام عليكم و رحمة الله و بركاته
ألف شكر عالصور يا باشا و العربيتين الأميركانى دول, رغم أنهم مرميين و عليهم التراب, الا أنهم لا زال فيهم الفخامة بتاع العربيات الأميركانى بتاع السبعينات و التمانينات.
حرام يا جدعان العربيات دي تترمي كدا
السلام عليكم و رحمة الله و بركاته
طبعا كتير عليها جدا ال200 ألف جنيه, ده كفاية أن مالهاش قطع هنا خالص, يعنى اللى واخدها لو حب يجيبلها الوش الأدمانى بتاعها ده, ممكن يضطر يبعت يجيبه من أميركا, لكن اللى يدفع 200ألف فى العربية دى, ممكن يخلى المصنع يعمله الوش مخصوص, ده أصلا ممكن يبعت العربية المصنع يشدوهاله من كله.
للناس فيما يعشقون مذااااااااااااااااهب, ربنا يباركله فيها.
لهم قطع غيار ..الامريكاني له ناس لوحدهم لكن الاسعار نااااااار
الوش سليم مفهوش حاجة بس تراب و مطفي لمعته اللي مسروق الفريم اللي عند الفوانيس و العلامة دول يركبوا و تبقي زيرو ..حتي لو زنقت خالص اللي يدفع 200 الف في كادي 84 يدفع 15 كمان و يجيب واحده من امريكا نصين ...الكادي تستاهل عربية خرافية
ربنا يبارك
السلام عليكم و رحمة الله و بركاته
أيوه, مانا كان قصدى على الفريم بتاع الوش الأمامى بتاعها, أنا قصدى أنها زى ماهى ناقصة الفريم ده, أكيد هتبقى ناقصة رفايع تانية و كل ده بفلوس, بس, هو أسلم حل ليه فعلا, يجيبلها عربية نصين من أميركا و ياخد منها اللى هو عاوزه, المصيبة, لا يسرقوا منه الرفايع دى من القطمة اللى هيجيبها من أميركا فى المينا !!!!!!!!.
العربية دى أنا شوفتلها مقطعين عاليوتيوب, راااااااااااااااااائع.
المقاطع أهيه:
1986 Cadillac Fleetwood Brougham Manufacturer Promo Vid - YouTube
1986 Cadillac DeVille & Fleetwood Dealer Training Video - YouTube
مش عارف ليه, أما شوفت المقاطع دى, حسيت أن العربيات الكاديلاك بتاع اليومين دول, ماتجيش حاجة فى الفخامة و الحلاوة و الرفاهية, جمب العربيات بتاع التمانينات, الأميركان اللى ركبوا العربيات دى أيامها و هى لسه زيرو, كانوا فى نعيم برضه .
طبعا الرفايع او النواكل دي بنقول عليها تريمز ..دي في اي عربية كلاسيك هيا المشكلة
سياديك الكاديلاك فخم من يومه لكن سبعينات تمانينات تسعينات فترة سيئة علي gm جدا لو العربية دي اكصدمها و شبكتها نزلوا ..صعب حد يعرف دي كاديلاك و لا اولدزموبيل و لا بويك ولا حتي شيفي ..كل العربيات الامريكاني من بعد نص السبعينات شبه بعض ..حاليا العربيات بدات ترجع لكن طبعا الفن فعلا كان في الخمسنيات و الستينات
طيب كان في ايه عربيات تاني ؟؟؟ و اتباعو علي كام