السلام عليكم ورحمة الله وبركاته
كنت عايز اسئل اي حد من حضرتكوا لو عندكوا خلفية او خبرة في موضوع مزدات العربيات دا ؟
عرض للطباعة
السلام عليكم ورحمة الله وبركاته
كنت عايز اسئل اي حد من حضرتكوا لو عندكوا خلفية او خبرة في موضوع مزدات العربيات دا ؟
يا جماعة مزادات العربيات تبع الجمارك محدش يعرف عنها حاجه؟
اتعمل فعلا فى سبتمبر وكنت ناقل موضوع فيه التفاصيل قبل ميعاده بيومين عملته هنا على المنتدى كتبولى سيتم النشر بعد مراجعة الموضوع من قبل الادارة ولحد دلوقتى بيتراجع ...
ما علينا
المهم دى صور عربيتين منقولة من جروبات على الفيسبووك
crossfire اتباعت ب350 الف
http://img5.imageshack.us/img5/5346/123ceo.jpg
mustang 99 اتباعت ب 162 الف
معقوله عربيات زي دي بالسعر دا بس ؟
طب لو سمحت انا كنت عايز تفاصيل عنه
ولو مش هينفع في الموضوع ممكن تبعتهولي ع الخاص ؟
وشكرا لحضرتك :)
مش عارفة ليه حاسة أننا عايزة أعيط
يا ريت يا M.Elwan تحطلنا الموضوع دة فى أى قسم مفيهوش مراجعة
و تكتبلنا اللينك هنا تانى عشان نلاقية
حرااااااااااااام يا جدعااااااااااااااام
موستانج ب160 الف
دا في عربيات معفنة في مصر بازيد من كدا
حرااااااااااااااااااااااا ااااااااااااااااااااااااا اااااااااام
فين الموضوع داااااااااااا
علي كدا الواحد يجيب ام 3 ب 80 الف
منتظرين الموضوع يانجم
متابع بشدة
وزود عليهم كمان العربيات الى تبع البنوك زى العربى الافريقى بتبقة حاجات تحفة بس بتبقى عاوز حد يعرف الدنيا هناك عاملة ابه
شباب هو لو حد عايز يروح يتفرج وياخد فكرة عن العربيات دي في الجمارك ينفع يدخل ولا ممنوع؟
انا متهيألى شغل الجمارك ده بيطلع للحبايب بس يعنى اكيد مبيكنش مزاد علنى العربيات دى اكيد بتخلص قبل منلحق نشوفها
بيكون فيه كراسه شروط معروض فيها السيارات المعروضه لمزايده وشروط المزاد
طيب وكده يبقى تمنها شامل الجمارك يعني لو رسي عليك المزاد بتدفع ال162 الف فقط؟؟؟؟؟
الموضوع ده فات عليه اكتر من شهرين يا جماعة بحاول ادور عليه بس انا من الناس اللى بتفرمت الكمبيوتر شهريا فمش كل حاجة بتفضل عندى
هو على قد ما انا فاكر كنت جايب موضوع منشور من الاخبار لوزارة المالية بتعلن فيه عن ميعاد المزاد والشروط الخاصة بيه ومواعيده
وباقى التفاصيل كانت موجودة على موقع وزارة المالية على النت
بس خلاص بقى لازم تستنو السنة الجاية بس نبقى مجهزين كل التفاصيل من قبلها عشان لو حد فى المنتدى عاوز يروح
الى اعرفو ان فى مزاد يوم 17 تقريبا و فى واحد لسه شارى كراسه الشروط بى 200 جنيه
بس انا مش فاكر التفصيل اول لمه اعرف التفصيل هكتبهلكو هنا
المزاد اتعمل فى ثانى اسبوع من شهر 9 و خلص للاسف
العربيات اللى كانت فى المزاد حاجات غريبه : موستانج - دودج - بوجاتى و اقل حاجه كانت لاندكروزر 7 راكب اتباعت بـ 200 الف و حاجه
السعر المدفوع فى المزاد لا يشمل القيمة الجمركية بمعنى ان اللى هيشترى هيدفع جمارك العربيات (جمرك اللاندكروزر كان 340 الف جنيه يا بلاش ) دى علشان ياخد ورقه افرج جمركى و يعرف يرخصها باسمه الا لو كان المشترى اجنبى فده له وضع تانى بيدفع تأمين كل سنه او 6 شهور و ياخد نمر جمرك كان السياره تربتيك
السلام عليكم
للأسف حضرت المزاد اللي فات
يتم شراء كراسة الشروط من الدقي
و المعاينة بقرية البضائع بالمطار
السيارات مغلقة و لا يجوز فتحها و المتاح فقط هو المعاينة الظاهرية
بالنسبة لجمرك السيارات فلا يوجد جمارك حيث أن السيارات تباع بعقد مسجل
السيارات التي بيعت أمامي كانت اغلى من ثمن مثيلتها في السوق بشكل مبالغ فيه مضافا الى ذلك المخاطرة إذ لا يتم الكشف على السيارة
يوجد تجار كثيرين في المزاد و لا اعلم ما نوع المكسب الذي يحققونه إذ تباع السيارات باغلى من سعرها!!!!
الكاسب الوحيد هو من يزايد على السيارات الفارهه........فسعرها ممكن ان يكون اقل من سعرها في السوق فعلا...مع الوضع في الاعتبار المخاطرة الشديدة فلا يعقل ان اشتري سيارة و لا يكون مسموح لي بالكشف عليها
متابع
السلام عليكم و رحمة الله و بركاته
أنا كنت غاوى المزادات دى فى سنة 2000 و 2001 و كده و كنت فعلا بدفع التأمين و أدخل أحضر جلسة المزاد, كان أيامها التأمين 2000 جنيه بس و فى آخر الجلسة, أخد التأمين و أروح, رحت مرتين المزاد اللى بيبقى جمب باب 6 بتاع مينا الاسكندرية.
أنا كنت بلاحظ أن العربيات بتخلص فى أحسن الأحوال بسعر مقارب لسعر السوق, بحيث أن اللى بيشتريها بياخدها و يظبطها و يركب, لكن تجارة, ماكنتش تنفعنى, كنت ببقى فى الأغلب مركز على العربيات المرسيدس.
بس, من الكلام مع الناس, كنت بسمع أن فيه فعلا عربيات بتخلص بسعر مغرى أوى زى ما أنتوا شفتوا العربيات دى, بس ده بيبقى نادرا مابيحصل و ان حصل بيبقى فى عربيات ماحدش عارف سعرها كام فى السوق و لا ميتها ايه, يعنى مثلا, تلاقى عربية فورد لنكولن خلصانة ب80000 جنيه, أكيد هى تستاهل أكتر من كده, بس لأن العربيات دى ماحدش يعرفها و مش هيشتريها الا اللى غاويها و عارفها و عارف هيظبطها ازاى, تلاقيها تخلص فى المزاد أقل من سعرها, بس السؤال هنا, هل لو فرضنا أنك اشتريت العربية الفورد موستانج و لا الكرايسلر كروسفاير دى, هتعمل ايه بعد كده؟؟؟؟, هتظبطها فين و بكام و أنت أصلا ايه اللى يعرفك العربية دى محتاجة أد ايه فى تظبيطها, ممكن تكون محتاجة شغل ب1000 جنيه و ممكن ب50000 جنيه, مين بقى اللى هيفصل فيها دى و خلى بالك أنك لازم تكون عارف حالة العربية اللى أنت داخل تزايد عليها ايه و ده أكيد مش هيبقى مكتوب فى كراسة الشروط, ده أنت لازم تروح تتفرج على العربية الل أنت هتزايد عليا و تعرف حالتها ايه و تقدر بالظبط هتتكلف منك تظبيط أد ايه, كده و الا هتلبس فى الحيط, لكن لو فرضنا أن المزاد بيتباع فيه مثلا مرسيدس شبح مو 97, بيبقى معروف أولها و آخرها و معروف العربية لازم تخلص بكام عشان حالتا كذا و هتتظبط بكذا و حاجتها عند فلان فى الحتة الفلانية و سعرها كذا, لكن الموستانج دى, أكيد حاجتها فى الحرفيين.
أنا مش عارف اذا كان الوضع زى زمان و ممكن تخش بمجرد ماتدفع التأمين و لا فعلا زى الاعلان مابيقول, لازم تجيب كراسة الشروط أم 200 جنيه, أصل ال5000 جنيه بتوع التأمين, دول راجعينلك, لكن ال200 جنيه دول رايحين عالأرض, شوية ورق ب200 جنيه, الله يرحم أيا ماكانت الكراسة ب10 جنيه !!!!!!!!
عايز اروح المزاد ده
مش ده العربيات اللي كان الحرامي بطرس غالي بيضربها من الناس ويهاديها لحبايبه؟؟؟؟؟؟؟؟؟؟؟؟؟؟؟؟
اعرف واحد جايب عربيه كراسيلو c300 من المزادات دى ب 170 الف جنيه كانت ماشيه 3 الف ميل
طب يا شباب مفيش حد قريب من المكان الي فية العربيات يروح يبصلنا بصة ويصورلنا كدا ويجي يقولنا النظام اية؟
انا عن نفسي نفسي في بي ام او هوندا او الفا روميو
الباقي دول كبار اوي محدش يقدر يدخل عليهم
الكارثة بقى أنها أتذاعت غصب عن الشعب كله
و المتوقع دلوقتى حاجتين
يا أما الشعب يأنتخ و دا أحتمال بسيط
يا أما تقوم ثورة غريبة محدش يتوقعها و دا الأحتمال الأكبر
و هتنسى أملك الوحيد فى الماتور التويوتا !!! أه يا خـــــــــاين
عايز حتة ألفا روميو 2005 كدة ب50 ألف ولا حاجة
طب الجمارك نظامها إية ؟ أقصد بتبقى مفاجأة بعد ما أشترى ولا فى الأول ببقى عارف الجمرك كام (على أساس مثلا 55% لو أقل من1600cc و 155% لو أكتر و هكذا) ؟؟
السلام عليكم و رحمة الله و بركاته
كراسة الشروط بيبقى مكتوب فيها الشروط اللى بيتباع بيها العربية و أن أنت لازم تعاين العربيات معاينة نافية للجهالة و أن العربيات دة خالصة الجمارك و لا لأ و شوية معلومات لا تسمن و لا تغنى من جوع عن العربية, زى هى ماركتها ايه و موديل كام و ممكن اللون و اذا كان مسموح ليها بالترخيص و لا بتتباع على أنها خردة و لا ترخص.
اللى أنا أعرفه من المزادات اللى فات, أن العربيات بتبقى خالصة الجمارك و أنك لما بيرسى عليك العربية بتدفع ساعتها عالطول 30% من السعر اللى رسيت بيه العربية عليك و الباقى فى خلال 10 أيام تقريبا.
أما حكاية أن العربيات مقفولة و بتعاينها من بره بس, فأنا لا يسعنى الا أنه أقول (حسبى الله و نعم الوكيل) يعنى احنا لما نكون هنشترى العربيات بالفلوس, يبقى لازم نشتريها و هى مقفولة و لا ندفع رشوة عشان تتفتح و نبص عليها من جوه و بطرس غالى و الكلاب اللى معاه, كانوا بيركبوها من غير مايدفعوا و لا مليم, أما بلد عاوزه الteeeeeeeeeeeeet.
لالالالالالالالا موتور التويوت دا حاجة تانية لو وقعت في ايدي عربية من الي وريتك صصورهم هشتريلها موتور تويوتا وششششششششششش
بصراحة المعاينة الخارجية دي وحشة اوي لان ممكن العربية تبق احلي مقلب هتشربة في حياتك كلها