حطيت زيت باور على تفويلة التنك

**cayman69300** · 04-11-2011 10:07 AM

امبارح بعد مكالمة مع اسلام البنا
قالى نه حط زيت باور على تفويلة التنك ( نص كيلو )
المهم افنكرت ان فى البيت - انا حاطط علبة فيها نص كيلو زيت باور موبيل 220
كنت برة رجعت على البيت و حطيت ربع لتر فى التنك اللى لسة كنت مفولة الصبح و ممشتش بالعربية غير 15 كم بس
و بعدها قولت يا واد اكمل ربع الزيت التانى و بالفعل حطيت بقية زيت الباور اللى عندى و بكدة يبقى انا حطيت نص كيلو
العربية مش حاسس بفرق
بس النهاردة رايح البلد يعنى مشوار 50 كم
هشوف الفرق و هرد عليكم
و ان شاء الله خير
و كل عام و انتم بخير

**haitham2011** · 04-11-2011 11:44 AM

و ده فايدته ايه يا دوكتور ؟
و حريقه ميطلعش دخنه من الشكمان ؟
و ميقصرش عالطرمبه و الرشاش؟

**alnmr79** · 04-11-2011 11:47 AM

انتا بتحط بنزين 80؟؟اكيد الميكانيكى قالك كده علشان تنظف وتنعم البلوف بس نصيحة لو صوت الماتور كويس يبقى ماتحتش تانى اى اضافات اللا لو الحالة وحشة لانى جربت الموضوع دة وجربت منظف الانجكشن وحسيت ان الضرر اكبر من المنفعة والمنظف دة بيزيل الكربون من المواتير القديمة اللى ظبطت وضعها على كدة طول الفترة السابقة ولما نغير ممكن يكون التغيير مش فى صالح الماتور والله اعلم.

**egyptiandiver** · 04-11-2011 12:15 PM

Why? put liqui moly or stp injection cleaner

**islambana** · 04-11-2011 03:20 PM

انا حطيت نص كيلو زيت باور مع التفويله ومشيت بالعربيه 100 كيلو
النتيجه
1-صوت العربيه بقي انعم بكتييييير
2-استجابه العربيه بقيت احسن بكتييييير
3-استهلاك البنزين حسيته ابتدي يتعدل شويه
4-مفيش صوت زنه الطرمبه اللي كنت بسمعها لمده ثانيتين أول ما ادور
5-وده الاهم لما كنت ادور العربيه وهي بارده الصبح كنت اشم ريحه بنزين مش محروق كويس دلوقتي لا بقيت أشم ريحه بخار مياه كثيف والعربيه بتبخرمياه جامد من الشكمان (يعني الحريق مظبوط)

وبناء عليه كلمت الدكتور هلالي وقولتله التجربه وهو نفذها
وان شاء الله ناوي احط نص لتر تاني مع التفويله اللي جايه عشان الدوره تتظبط بزياده خصوصا ان الموضوع مش مكلف وانه مالوش اضرار عشان اكيد زيت الباور انضف ميت مره من الشوائب اللي بتبقي موجوده في محطات البنزين

**cayman69300** · 04-11-2011 04:49 PM

اولا انا بقيت احط بنزين 92 من شهر و دة طبعا لندرة بنزين 80
ثانيا الصوت عندى كان عالى و باحسن ان التسارع مش حلو و العربية بتعافر للوصل لسرعة عالية و خصوصا من 100 : 120 بالكيك داون . لكن بمجرد انها توصل الى 130 عادى جدا ممكن الاقى نفسى ماشى على 180 و انا مش حاسس بان العربية مجبورة او اى حاجة غير عادية
ثالثا فكرة زيت الباور تزييت لكل الاجزاء الداخلية و تدوب معاها الاوساخ و تتفضل من غير مطرود ادى الغرض منها
بصراحة انا لسة راجع من البلد مش حاسس بفرق يذكر لكن برضوا اخليها فى مشوار المنيا 130 كم رايح و زييهم راحع و احكم على العربية بعدها
بس مبدئيا حطيت منديل ورق على الشكمان من ورا - مطلعش و لا اى حاجة و لا صماد و لا تفتفة زيت و لا اى حاجة و دى مبدئيا شى كويس
و الله الموفق

**mera11** · 04-11-2011 05:45 PM

الفكرة دى هنفذها يا دكتور من غير ما أعرف النتيجة لأنى بثق فيك أنت وإسلام كويس

**wama00** · 04-11-2011 08:43 PM

فكرة حلوة هجربها

**zago** · 04-11-2011 09:02 PM

معاكم و ربنا يستر
:)

**islambana** · 04-11-2011 09:10 PM

اللي يعمل الحركه دي ومايحسش بأي فرق أقدر أقوله ان دوره البنزين عنده (فلتر +رشاشات .زوالخ) بحاله جيده ونضيفه مش محتاجه تنضيف

الموضوع: حطيت زيت باور على تفويلة التنك

LinkBack

أدوات الموضوع

عرض

حطيت زيت باور على تفويلة التنك - انشر الموضوع فى :

-

-

-

-

-

المواضيع المتشابهه

تفويلة شيرى 11002009qq سى سى كام ليتر؟

تفويلة = 230 كم !!! ارجو المساعدة العاجلة

تفويلة بنزين 95 (Audi A4 1.6 Auto 1998)

تركيب باور استيرنج فى عربيه مافيهاش باور

تركيب باور استيرنج فى عربيه مافيهاش باور

الكلمات الدلالية لهذا الموضوع

المفضلات

المفضلات

ضوابط المشاركة