تسعير سيارة كورولا 1600 بسرعة

**nonnos5** · 04-11-2011 04:01 PM

لو سمحتوا يامالكى التويوتا الكورولا انا واحد صاحبى معروض عليه عربية تويوتا كورولا 2005 موتور 1600 cc اوتوماتيك هيا حالة شاذة جدا بتاع واحد كان مسافر فرنسا العربية ماكملتش 25 الف كيلو لون دهبى فرش بيج وفابريكة بره وجوه بس هوه كان بيسالنى عن 1600 cc فيها مشاكل ولا لاء علشان هوه مقلق من 1600 علشان مش منتشرة زى 1300 cc وهوه كان معاه 2004 موتور 1300 cc مانيوال.
ياترى استهلا ك البنزين عامل ايه بتعمل كام فى الصفيحة
وياترى سعر العربية بالحالة دى تعمل كام تقريبا
انا اسف ان كنت طولت عليكوا بس هوه المفروض هيخلص فيها بكره الصبح فقولت مفيش غير اخواتى فى المنتدى هما اللى هيفدونى

**nonnos5** · 04-11-2011 11:00 PM

ايه ياجماعه محدش عارف يفيدنى فى لدرجة دى الموضوع صعب

**aymota** · 05-11-2011 11:58 AM

السلام عليكم لا تقلق بخصوص 1600 بالعكس دة من الفئات المحترمة بالعربية و بيكون عزم العربية و ثبات ممتازين و استهلاك بنزين مش يخوف و قولة يتوكل عالله بس قولى طالب منة سعر كام

**شاهين - بنز** · 05-11-2011 12:13 PM

أعتقد تعملها 100 ألف

**nonnos5** · 08-11-2011 12:07 PM

شكرا لك من رد صاحب العربية طالب 120 الف جنيه وصاحبى قاله 110 الف قاله ادينى فرصة افكر يومين مش عارف ايه السعر المناسب

**drmsadek1979** · 08-11-2011 04:12 PM

120 الف سعر 2007 بنفس المواصفات والحالة

**HISHAM80** · 08-11-2011 08:05 PM

المشاركة الأصلية كتبت بواسطة aymota

السلام عليكم لا تقلق بخصوص 1600 بالعكس دة من الفئات المحترمة بالعربية و بيكون عزم العربية و ثبات ممتازين و استهلاك بنزين مش يخوف و قولة يتوكل عالله بس قولى طالب منة سعر كام

عيب العربيه الوحيد الثبات في الضياع لو الموضوع مش فرق معاه هي من أحسن وانجح العربية الي نزلت مصر

**mohammadrashee** · 08-11-2011 11:12 PM

المشاركة الأصلية كتبت بواسطة hisham80

عيب العربيه الوحيد الثبات في الضياع لو الموضوع مش فرق معاه هي من أحسن وانجح العربية الي نزلت مصر

معلش انا متأسف ثبات ايه اللي في الضياع
حضرتك حسستني انه بيسأل على توكتوك
ديه تويوتا كورولا من بسكلته
الثبات لغاية 140 زي الفل مفيهوش مشكله والعزل محترم
بعد كده تحس ان العربيه خفيفه شويه
مش في الضياع
امال ثبات ال128 يبقي ايه

تصدق زعلتني

**aymota** · 09-11-2011 12:40 AM

ياااا دكتووور هشام حرام عليك ثبات اية الى فى الضياع العربية جبنا بيها 160 و كانت مية مية و صاحب العربية الى عايز يجبها يتوكل عالله و مايدفعشى فيها اكتر من 105 الف غير كدة حرام و دة سعر حالة شاذة و عداد قليل كمان و شكر ااااااااااااااا

**HISHAM80** · 09-11-2011 06:41 AM

المشاركة الأصلية كتبت بواسطة mohammadrashee

معلش انا متأسف ثبات ايه اللي في الضياع
حضرتك حسستني انه بيسأل على توكتوك
ديه تويوتا كورولا من بسكلته
الثبات لغاية 140 زي الفل مفيهوش مشكله والعزل محترم
بعد كده تحس ان العربيه خفيفه شويه
مش في الضياع
امال ثبات ال128 يبقي ايه

تصدق زعلتني

مقدرش على زعلك يا با شا انا مابتكلم عن الثبا ت اكيد بقارنها بالعربية الي في نفس االفة حتى أنا معايا كامري حاليا بس لما نيجي عند الثبات فهي أقل من اكورد مثلا بس موتور الكامري احسن من اكورد في الاستجابه واوفر من أي عربيه تانيه في البنزين يعني الخلاصه تويوتا عموما طبعا ليها مميزات كتيره بس لما نيجي لموضوع الثبات بتبقى نقطه ضعف شويه علشا ن اوضح شويه في ملف ممكن تخده بعربه زي الماليبو على 150 في الباسات cc ممكن بسهوله 165 وتحس بتحكم أكتر في الكامري 135 وبتحس انها مش اد كده ممكن تخونك في أي لحظه ده من خلال تجربتي للعربيات يا ريت قدرت اوصل وجهة نظري طبعا الكلام ده بره في طرق مفتوحه نيجي لمصر الكلام ده ملوش اهميه لأن مفيش طرق تمشي عليها بالسرعات دي يعني لو انت ساكن في مدينه مزدحمه كبيرك 50 كم والتركيز أكتر على الحفر والمطبات تبقى كورولا 2007 رقم واحد بس لو هو من هواة الجري والشد في طرق مصر العربيه مش هتسعفك وده حصل شخصيا مع واحد صاحبي كان معاه نفس العربيه العربيه total loss بدون الدخول في تفاصيل كتير العربيه دي مش للجري بس هي أحسن عربيه في مصر عمليه معلش طولت عليك كل سنه وانته طيب