السلام عليكم
الصيانة فى التوكيل بتكون للصيانات التقيلة بس زى ال 40 الف وال 80 الف وهكذا وحتى الصيانات دى لو عرفت انك تغير فلتر البنزين والفلاتر والسيور والمياه فكل ده سهل اما صيانات ال 5 الاف وال 10 الاف اللى بيقول عليها التوكيل كلها عملية سحب فلوس واهدار فلوس منك لانها عبارة عن تغيير زيت فقط وتقدر تعمل ده انت فى اى محطة بنزين وانت معاك الزيت اللى انت عايزه وتقدر انك تنفخ فلتر الهوا والتكييف وكمان تغيير الكاوتشات تبديلهم مكان بعض كل 10 الاف فى اى مكان
وبعدين اللى اعرفه انى التوكيل بيغير زيت موبيل كل 10 الاف مش 5 الاف وبعدين همن بيكون الزيت عندهم فى براميل كبيرة وبيعبيلك بواسطة مضخة يعنى مش جراكن
وهو متفق مع موبيل لانه بياخد فلوس منه مقابل استخدام موبيل وده بيحصل مع توكيلات كتيرة
فى مره كنت بعمل صيانة مش فاكر تقريبا 30000 الف وكنت مغير زيت بره عارفيين المصنعيه كانت تقريبا 600 جنيه تقريبا والصيانة اللى اتعملت عاملة تقريبا 260 جنيه يعنى العمالة عندهم اضعاف اللى بيتعمل فى العربية
بصراحة التوكيل تروحه لو عندك مشكلة فى العربية والعربية فى الضمان او صيانة تقيلة وانت مش عارف تعملها بره بس خلى بالك انك تشترى قطع الغيار اللى حتغيرها من التوكيل او اى موزع معتمد لضمان القطع
وشكرااااا
المفضلات