استفسار عن لادا 2110 وعن توكيل لادا

**kind** · 20-05-2008 04:19 AM

السلام عليكم
دى اول مشاركه ليا فى المنتدى اللى عجبنى جدا ولقيت فيه كل المعلومات اللى انا محتاجها عن اى عربيه
بس ليا استفسار بسيط : انا كنت نويت على لادا 2110 بس قرأت خبر ان انتاجها وقف فهل فعلا ده معلومه نهائيه وهل لسه بتنزل بس تكون تقفيل اى حاجه تانيه الا المصرى يعنى مثلا اوكرانى او هندى اى حاجه غير المصرى.

تانى حاجه يا جماعة انا لاحظت ان الكل بيشتكى من توكيل الأمل جدا وده باجماع الاراء فا انا كنت عاوز اسألكم على : لادا ايجيبت اللى فى مدينة نصر هل هوا كويس ولا ايه..... اسف ان انا طولت عليكم وياريت تقبلونى كأخ ليكم هنا فى المنتدى

أخوكم/محمد

**kind** · 21-05-2008 12:52 AM

يا جماعه حد يعبرنى :(

**ams** · 21-05-2008 07:05 AM

أولا : اهلا بيك اخ كريم معانا فى المنتدى
ثانيا : اصبر قليلا , لان الناس اللى هترد عليك ان شاء الله يبقوا عارفين بيتكلموا عن ايه مش اى حد يفتى وخلاص

**ahmedsamir79** · 21-05-2008 01:59 PM

انا سوقت العربيه دي أكثر من مره
العربيه جميله جدا و ناعمه
العيب الوحيد

التوكيل
التوكيل

عاوزضرب النار

**kind** · 23-05-2008 03:54 AM

انا صبرت اهو كذا يوم فين الردود يا جماعه :(

**tamim** · 23-05-2008 09:28 AM

فعلا انا سمعت من كذا مصدر ان العربية وقف انتاجها
اما بالنسبة للموجود لادا 110 الروسى طبعا باور
والتوكيل انا مجربتوش وتقدر تعرف عن العربية كل اللى انت عايزه فى غرفة اللادا

**kind** · 24-05-2008 04:18 PM

شكرا ams و tamim و ahmedsamir79 وياريت يا جماعة اللى يعرف حاجه عن لادا ايجيبت يقول

**LUX** · 10-06-2008 06:01 AM

منتدي اللادا ده اصلا شبه ميت :)

قصدي بطيييييء قوي في الردود و الظاهر انه مغضوب عليه

انا رايي انك تسال في المنتدي العام بس ما تكررش الموضوع
وياريت اكون افدتك :)
_

**cobraa2008** · 10-06-2008 01:31 PM

بس يا سيدي العربية محترمة اصلاها معايا وانا معرفش ايه حكاية توقيف الانتاج ده المهم لو انت بتفكر تشتريها ابعد عن التقفيل المصري علشان زبالة بمعنى الكلمة
خليك في الروسي علشان التقفيل
لو انت بتشال عن عفشة اطمنك مية مية عفشة محترمة لو على الميكينه المكنه محترمة وبتاعت شد على الثبات العربية اثبت من الهيونداي بالف مرة وان بقرانها بثبات الفيرنا بس ابعد عن التقفيل المصري اولا لان العربية موش باور بيقولو عليه هاف باوررر علشان التقفيل المصري معايا هتغبك في حاجة واحدة قطع الغيار ليست متوفرة الا في التوكيل التقفيل المصري وحش من حيث الخامات يعني انا دلوقتي واقع في مصيبة عندي ماصورة بتوصل من كوع الحراة او الثرموستات الا الرديتار متكسرة والعربية واقفة علشان موش لاقي زيها بس نصيحة لو انت عندك المقدرة الماليه ان انت تجيب حاجة انضف زي الاوبترا يبقى هاته احسن الف مرة من الادا علىا الاقل التانية موش هتفتح بقها

**kind** · 11-06-2008 12:54 PM

بس يا سيدي العربية محترمة اصلاها معايا وانا معرفش ايه حكاية توقيف الانتاج ده المهم لو انت بتفكر تشتريها ابعد عن التقفيل المصري علشان زبالة بمعنى الكلمة
خليك في الروسي علشان التقفيل
لو انت بتشال عن عفشة اطمنك مية مية عفشة محترمة لو على الميكينه المكنه محترمة وبتاعت شد على الثبات العربية اثبت من الهيونداي بالف مرة وان بقرانها بثبات الفيرنا بس ابعد عن التقفيل المصري اولا لان العربية موش باور بيقولو عليه هاف باوررر علشان التقفيل المصري معايا هتغبك في حاجة واحدة قطع الغيار ليست متوفرة الا في التوكيل التقفيل المصري وحش من حيث الخامات يعني انا دلوقتي واقع في مصيبة عندي ماصورة بتوصل من كوع الحراة او الثرموستات الا الرديتار متكسرة والعربية واقفة علشان موش لاقي زيها بس نصيحة لو انت عندك المقدرة الماليه ان انت تجيب حاجة انضف زي الاوبترا يبقى هاته احسن الف مرة من الادا علىا الاقل التانية موش هتفتح بقها

للأسف ياباشا الانتاج بتاعها روسى ومصرى اتوقف ومعدتش موجوده وانا سالت فى التوكيل وخلاص حجزت فيفا وادعيلى استلمها بس انا كان نفسى فى لادا عشان بتستحمل الشوارع العظيمه بتاعتنا بس يللا الحمد لله.... وان شاء الله ربنا يقدرك وتطلع على التوكيل وتصلح عربيتك