الموضوع: اكشف فين على الميتسوبيشى الكولت ؟

أه صحيح , عايز أعرف الشكل بتاع الكولت اللى هو زى الكرستاله اللى هو من أول (96-2002) , هل ده نزل منه موتور استوك 1600؟ و لا موتور الشكل ده كله 1300 ؟

و أرجو من الخبراء يقولولى العربية دى تسوالها كام ؟ فى حدود كام يعنى اما تكون حالتها جيده ليست بالنادره ولا بالسيئه , شكرا

انا لسه شارى كولت من فترة بسيطة
بص من الاخر انت بتدفع فلوس مش بسيطة عشان تشترى عربية
روح توكيل ميتسوبشى اللى فى العجوزة و تقول عايز اعمل كشف كامل
ب200 جنيه و هيقولك كل حاجة فى العربية
موتور و عفشة و كهرباء و سمكرة و دهان
و اية محتاج يتعمل و اذا كانت الحاجات اللى فيها هى الاصلية و لا لا
بس للاسف مش هتلاقى فيه قطع غيار
قطع غيار الكولت موجودة فى التوكيل اللى فى قليوب و متتخضش هى مسافة 30 دقيقة من الدائرى
و هناك موجود المهندس طارق و بيعمل الواجب مع الناس كلها
و اى سؤال انا تحت امرك
انا لسه شاريها بقالى اقل من شهر بس لفيت لفه كويسه لحد ما فهمت كل حاجة فى الكولت :)
الكولت 1300
بالنسة للسعر لو مو2000 بس بتفرق عامله كام كم و اية متغير فيها و اية محتاج يتعمل فيها و كذا حاجة مش مقياس بس الرينج معاك من اول 38000 حالة تعبانة لحد 50000 حالة ممتازة

المشاركة الأصلية كتبت بواسطة rivo0

في مركز ميتسوبيشي اسمه a&s نزلة المعادي الاوتوستراد اول متنزل هتلاقيه على طول جمب معرض كيا بيعمل كشف ب 100 جنيه وعنده جهاز كمبيوتر متخصص بيطلعلك كل حاجة فالعربية انا كشفت عنده اما جبت عربيتي ودلوقتي بعمل صيانة عنده ومش محتاج حجز

طب ممكن رقمه بعد اذنك أو عنوانه بالضبط و مواعيده (لانى هيبقى معايا الراجل صاحب العربيه). , و هل هو بيكشف على الصاج و الموتور و كده و يقولى ده موتورها الاصلى ولا لا ؟ و هل بيرفعها ؟ معلش تاعبك معايا يا باشا .شكرا جدا لحضرتك

المشاركة الأصلية كتبت بواسطة feedodeedo

انا لسه شارى كولت من فترة بسيطة
بص من الاخر انت بتدفع فلوس مش بسيطة عشان تشترى عربية
روح توكيل ميتسوبشى اللى فى العجوزة و تقول عايز اعمل كشف كامل
ب200 جنيه و هيقولك كل حاجة فى العربية
موتور و عفشة و كهرباء و سمكرة و دهان
و اية محتاج يتعمل و اذا كانت الحاجات اللى فيها هى الاصلية و لا لا
بس للاسف مش هتلاقى فيه قطع غيار
قطع غيار الكولت موجودة فى التوكيل اللى فى قليوب و متتخضش هى مسافة 30 دقيقة من الدائرى
و هناك موجود المهندس طارق و بيعمل الواجب مع الناس كلها
و اى سؤال انا تحت امرك
انا لسه شاريها بقالى اقل من شهر بس لفيت لفه كويسه لحد ما فهمت كل حاجة فى الكولت :)
الكولت 1300
بالنسة للسعر لو مو2000 بس بتفرق عامله كام كم و اية متغير فيها و اية محتاج يتعمل فيها و كذا حاجة مش مقياس بس الرينج معاك من اول 38000 حالة تعبانة لحد 50000 حالة ممتازة

يعنى هو كداب اما بيقولى ان ال 1600 اللى فيها ده بتاعها (واللهى كنت حاسس) و شبه متأكد لان الفتيس نقلاته شورت شفت و قولتله ده مستحيل يكون فتيسها , طيب ممكن رقم المركز يا باشا أو عنوانه بالضبط عشان هى مرور الدقى فلو كده أقوله تعالى نكشف عليها هناك (مع ان 200 جنيه كتير بصراحه) ,, شكرا لحضرتك .

اولا 200 جنيه احسن لما تدفع 100 جنيه و تطلع العربية فيها مشاكل لا قدر الله و ترجع تقول يا ريتنى
بعدين انت برضه هتشترى عربية بمبلغ مش قليل مش هتيجى على اهم حاجة تعملها قبل ما تشترى

رقم التوكيل الرواس العجوزة: 5 شارع النيل - العجوزة رقم تليفون : 33475992
بس انت مش بتحجز ,, انت بتروح على طول و يفضل يكون بدرى عشان تنجز مواعيد العمل من 9 الى 5

خلى المهندس اللى هيكشف يشوفلك رقم الشاسيه و رقم الموتور عشان تتأكد برضه
و اسأله اية متعدل فيها و دا هيعمل مشاكل بعد كدا
عشان لو فى حاجة متغيرة او مش موتورها يبقى اى قطع غيار يبقى خرجت عن الكولت
عشان تبقى عارف هتدور فى اية
و انا تحت امرك فى اى سؤال
حتى لو تحب تاخد رقمى و تسأل على اى حاجة مفيش مشكلة