سلملي على صاحبك ده يا ميمو و وشوشه و قوللوا *",ع##$@*&!!S
عرض للطباعة
اكيد الشركات دى مش عايزة تشغلهم علشان كفائتهم طبعا انما حاجة من اتنين
ياما منظر ادام العملا
يا اما منظر ادام المدير
وطبعا دا مش شغل دا ------ولا بلاش
كنت اعرف واحد من عينتة من بعيد
وبعد ماتجوز عايز يلبس مراتة كم قصير وقلعها الحجاب وحاجات كتير من دي
وهيا ما سكتتش الا لما اتطلقت لانها كانت ملتزمة
ماهي يا دنيا يا اخرة
واللي عايز هو اللي هايختار
زوجتي سابت عملها الاصلي بمرتب محترم بعد شهرين من الزواج لان مديرها كان مانعها من الصلاة في الاوقات الرسمية
قولتلها يا دنيا يا اخرة
اختارت الاخرة وربنا فرجها والحمد لله
مستغربين ليه يا جماعه ...مهو التلفزيون المصري نفسه حاطط نفس الشرط ..كمان اغلب البنوك سواء الحكومية او الخاصه عامله نفس الشرط
فعلا التلفزيون المصرى حاطط نفس الشرط ان المذيعه متكونش محجبة , ومصر عليه اصرار غريب لدرجة ان فيه 3 مذيعات فى اسكندريةحصلن على حكم من فترة طويلة باعادتهم للعمل كمذيعات و التلفزيون مش راضى ينفذ للآن
أأكد التلفزيون المصرى
انا اللي مش فهمة ملهم المحجبات على علشان الشركات تعمل كل دة
ده نتاج طبيعي
لخط العلمانيه الي متباعاه مصر بقالها فتره
وطبعا ده نتاج لترويج مسئولي الدولة بشكل واضح
في السنين الاخيره
ومنهم المسئولين عن الثقافه والاعلام والخارجيه وغيرهم
وطبعا طالما الناس بيستثمروا في بلدنا وهما عارفين ان دي
توجهات البلد بتاعتنا
يبقي منعبش عليهم
نعيب علي بلدنا
وحسبي الله ونعم الوكيل
كل ده كلام جميل و لكن ما هو الوجه الآخر للعملة؟:3gears:
نلاحظ برضه على النقيض ان فيه بعض المؤسسات تشترط المحجبات...و ده اكيد برضه تفرقة و تمييز عنصري للمحجبة عن الغير محجبة او المسيحية ولا ايه؟
و مرة سألت مديري عن الموضوع ده "و شركتنا متبعة نفس الأسلوب" فأجاب بأن احنا شعوب مخها تعبان و ان احنا لو فتحنا المجال لأي حد يلبس اللي عايزه مش هتلاقي حد يحترم الحرية دي و هتلاقي الموضوع خرج عن نطاق السيطرة و مش بعيد تلاقي موظف جاى الصبح لابس جلابية و طاقية و مطول دقنه و يكلمه يقولك ده زي اسلامي..و اشمعنى المحجبات!!
فلجأوا مؤخرا الى ال"توحيد القياسي" لمظهر الموظفين بمعنى بدلة و كرافاتة للرجل و يكون حالق دقنه و الست او البنت بنطلون او جيبة مع بلوزة او تايير كامل ...و تم الاتفاق العرفي على هذه المعايير الDEFULT للموظف حتى لا يخرج احد عن المألوف او ان بتخذ احدهم الآخر مجال للسخرية ولا يكون هناك مظهر ديني قد يؤدي لى تمييز موظف عن آخر سواء بالسلب او الايجاب
و يذكر ايضا انه كان عنده موظف كفء فيما مضى طول دقنه و بدأ يقصر بنطلونات بدله زي مايكل جاكسون في الMOONWALKER مما كان مصدر للنظرات التعجبية من زملاؤه و العملاء على السواء فحاول اقناعه بأن هنا مكان اكل عيش و انك لو عايز تلبس كده يبقى برة براحتك, و هاج الموظف و ماج و معجبوش الكلام و دافع عن ده بأنه حريه و سنة مقدسة
و طبعا فضل مديري وراه بمذكرات و انذارات بالفصل للخروج عن قواعد ولائحة العمل مرات و مرات لغاية ما اتعمل لجنة و تحقيق معاه و فصله
و تجنبا لكل وجع الدماغ ده وجدوا ان توحيد المظهر بدون اي صبغات دينية سيريح الكثيرين و يجنبهم وجع القلب و الدماغ