هو فيه ايه؟ ماله الحجاب مش فاهمة؟

**OlaOsman** · 20-05-2008 06:27 AM

زي ما كتير منكوا عارف انا باشتغل في شركة Recruitment توظيف و عملائنا شركات في كتير منها مالتيوناشيونال و إنترناشيونال، طبعا احنا بنحاول على أد ما نقدر نجيب للعميل candidates مرشحين للوظيفة مطابقين للشروط اللي هو حاططها.

من فترة غير قصيرة انتشرت ظاهرة ان الشركة الفلانية المدير فيها عايز سكرتيرة غير محجبة أو موظفة إستقبال غير محجبة و ده بقاله كتير، اما الجديد بأه هو الشركات الكبيرة اللي الحجاب أصلا ما بقاش شئ مرحب بيه فيها و منها الشركات الخليجية الكبيرة اللي جاءت إلى مصر مؤخرا.. الأول كانوا بيقولوا لنا يفضل غير محجبة.. و طبعا احنا بنبعت الqaualified بغض النظر عن اللبس، بس لقينا انهم بيختاروا يقابلوا الغير محجبات و يرفضوا المحجبات

المشكلة دلوقتي فعلا ان فيه بعض الشركات دي يكاد يكون شرط عدم الحجاب ده مطبق على وظايف تانية مالهاش دعوة بالسكرتارية و لا الظهور قدام الناس، بس اهو مش عايزين محجبات في شركاتهم و خلاص

الملفت للنظر بأه هو ان الشركات اللي بتطلب كده بتبقى غالبا بيديرها عرب.. و مفروغ منه طبعا انهم بيكونوا مسلمين

طبعا شئ في منتهى السخافة ان الواحد بيبقى بيدور على حد كويس لوظيفة و ألاقيني مضطرة أقول للسكرتيرة اللي هاتكلم الناس اسأليها في التليفون انتي محجبة و لا لأ

**Chicco** · 20-05-2008 06:45 AM

اضطهاد ديني و تمييز على أساس المظهر ....لو في دولة محترمة يقدروا يرفعوا قضية على الشركة تعرفها إن الله حق
دولة المهلبية شأن أخر .....عجبت لك يا بلد

20-05-2008 06:54 AM

علا هانم ...اولا صباح الفل
ثانيا : خليكى كووووووووووووووووووول خالص !!!!

والله دى ماهى الا مجرد بشاير الانفتاح الاستثمارى.

.
..وعشان منلزقهاش فى الاجانب

طب ما احنا بنعمل نفس الكلام وباسفاف اكتر من كده كمان ومن زمان!!!!

والله يا علا باشا انا قرأت قبل كده عنوان كان نصه كما يلى
مطلوب لشركة ......
للعمل بالسكرتاريه..
.سيده
جميله
حسنة المظهر
مرحه
شيك
ممشوقة القوام
عصريه لا تتقيد با لعادات والتقاليد !!!!!!!!!!!!!!!!!!!!!!!!!!!!!!!!!!

واقسملك بالله كان الاعلان تقريبا كده بالنص !!!!!!!!!!!!!!!!!!!!!!!!

الناس خلاص اتجننت وتقوى الله اصبحت آخر حاجه ممكن يعملوا حسابها دا لو عملوا حساب لاى حاجه اصلا

كبرى دماغك...لانك هتشوفى وتقابلى الانقح من كده كمان...ولسه

ومحمد هنيدى قالها :"ماتركززش عشان ماتهايسش"

وصباحك زى العسل ....وبس

**HISHAM80** · 20-05-2008 06:58 AM

No comment, I work in big American company and we don't have this rules it is even un legal the candidates can sue the company

**alaa_dash** · 20-05-2008 07:14 AM

المشاركة الأصلية كتبت بواسطة FLYINGPEUGEOT

والله يا علا باشا انا قرأت قبل كده عنوان كان نصه كما يلى
مطلوب لشركة ......
للعمل بالسكرتاريه..
عصريه لا تتقيد با لعادات والتقاليد !!!!!!!!!!!!!!!!!!!!!!!!!!!!!!!!!!

كان المفروض يقول :
مطلوب للباشا الزير ..اقصد المدير
.سيده
جميله
حسنة المظهر
مرحه
شيك
ممشوقة القوام
و يزود ..
...غير متزوجة
و بعدين يقول
للعمل كفرجة

و بعدين كان ممكن يرفضوا المحجبات بدون ابداء اسباب ....اما يكون الاعلان متضمن انها تكون غير محجبة.....فديه ......بجاحة

**solycar** · 20-05-2008 07:16 AM

المشكلة مش اية السبب
خلاص هما حريين فى اللى عاوزينوا
المشكلة الكبيرة فى النتيجة اللى ممكن تحل ببناتنا لما متلقيش فرصة عمل لانها محجبة
تفتكروا ممكن تعمل اية
ممكن تتخلى عن جزء من عقيدتها بدعوى ان الضرورات تبيح المحظورات

ربنا يسترها علينا فى اللى جاى

بيناها العن

**Hossam.Hamdy** · 20-05-2008 07:36 AM

ياجماعه ده حاجه عاديه جدا....انا اتخرجت 2006 اعدت سنه و نص او اكثر مش لاقى شغل عشان كان عندى ذقن خفيفه و صغيره مش مربيها لحد بطنى يعنى...وكل ما اروح مقابله يقولولى ذقنك ذقنك و يدوب اول ما لقيت شغل فى مكتب نص كم كده جالى اصابه فى ركبتى الحمد لله و سيبت المكتب عشان الدكتور قالى متتحركش و ادينى لسه فى رحلة علاج ركبيتى و الحمد لله على كل شئ طبعا

**Mido80** · 20-05-2008 08:25 AM

علي فكرة يا علا الحكاية دي مش في مصر بس. يعني هنا في دول الخليج عامة (دولة قطر خاصة) لما تروحي اي شركة تلاقي كل الموظفات اللي فيها لبنانيات او مغربيات ******. كمان فية بعض الشركات بتتاعمل معانا في شغلنا (حكومة) لما يكون عاوزين يسجلوا نفسهم عندنا كموردين او شئ نبص نلاقي الشركة دي باعتة لنا *** مندوبة لبنانية ******* بحيث انها تاثر علي المدير ويوقع لها العقد. فالحكاية حكاية بزنس والشاطر منهم هو اللي يقدر يوصلل للغيرة ما قدرش يوصلة وباي وسيلة

تم حذف مقاطع بواسطة الإدارة لخروجها عن اطار اللياقة المتبع فى المنتدى

الإدارة 4

**ehabradwan** · 20-05-2008 09:37 AM

للاسف الكلام ده عندنا بس انا اشتغلت في شركتين multinational وشركة مصري في اختلاف فظيع في اسلوب الادارة والعقلية

المدير الاجنبي مابيتحشرش في اي تفاصيل حياتك الشخصية مربي دقنك حالق شعرك محجبة داقق عصافير مالوش دعوة هو ليه شغله و خلاص
المدير المصري غير ان هو بيتحشر في شغلك بيتحشر كمان في حياتك عايز اذن ليه ؟ عايز اجازة ليه ؟ !!!

**mido777** · 20-05-2008 09:40 AM

انا شغلى ليه علاقة شوية بشغلك يا علا وفعلا الكلام اللى بتقوليه ده صحيح
بس برضه على الجانب الأخر فيه العكس

اعرف صاحب مجموعة شركات لما بيطلب منى خريجات للعمل عنده بيطلبهن شرط اساسى محجبات

والشركة دى يها كمان فروع فى دول الخليج

الموضوع: هو فيه ايه؟ ماله الحجاب مش فاهمة؟

LinkBack

أدوات الموضوع

عرض

-

-

-

-

المواضيع المتشابهه

صوت غريب مش فاهمة

بجد ناس فاهمة و محترمة الصراحة

انا مش فاهمة حاجة.............الحقونى

حاسة العربية تقييييييييلة موش فاهمة ليه ؟

انا مش فاهمة؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة