رحت امبارح jeans car

**acceleration** · 07-11-2011 05:34 PM

انا جربت الفرش بتاعهم فى العربيتين بتوعى وبجد شغلهم اكتر من رائع ونضيف جدا على الاقل ملقتش مثلا خياطة فكت مثلا او جلد مقطوع لغاية دلوقتى مفيش ديفوه واحد حتى (الفرش راكب ليه سنتين تقريبا )

**mahmoud_afifi** · 07-11-2011 06:04 PM

انا ركبت عندهم واخويا كمان. هو اه السعر غالي حبه بس ثمنه فيه والتقفيل جميل. وبالنسبه لسخونية الجلد هو بيسخن أكيد بس مش بيسخن زي اي جلد تاني ومش بيلسع يعني ممكن تقعد عليه عادي.
وبلاش تعمل كسوه عشان الكسوه بتبوظ وتكرمش الفرش الاصلي وتقول ياريته كان اتوسخ ارحم.
نصيحتي توكل على الله بس اعمل حسابك ان العربيه بتقعد عندهم حوالي 4ساعات ونص او ازيد شوية وبالتوفيق

**Ahmed_Ezz** · 07-11-2011 09:26 PM

انا مركب عندهم الفرش بقاله اكتر من سنة اللى يشوفة يفتكرو راكب امبارح بجد ناس محترمين جداااااااااااااا و شغلهم نضيف و عندهم ضمير و امانة بجد

**Amr_650** · 10-11-2011 02:11 AM

طيب انا عايز اسأل سوال ,,لما بيقولك العربية كلها ,,اصدو 2 كرسى + الكنبة بس ,,و لا ال 2 كرسى + الكنبة + الابواب ؟؟

و لو منغير الابواب ,,حد جرب يعمل الابواب عندو جلد ؟؟؟ ,, وحد جرب ينجد الفرش الاول ؟

**yoko** · 10-11-2011 02:20 AM

من غير الابواب
ولو الأبواب عندك كويسه حرام تعملها لإنه هيتضر يحط لزق عليهم فلو حبيت تفكهم هيتبهدلوا (ده كلام أ.أحمد مش كلامي لما سألته)
وأنا فارش عندهم من اكتر من سنه ونص محدش شافه غير لما إفتكره فبريكة العربيه والحمد لله ولا خياطة فكت ولا جلد إتمزق ولا أي حاجة يستاهل كل جنيه إدفع فيه