تكييف الكليو فصل

**nodey** · 05-11-2011 03:09 PM

السلام عليكم
تكييف الكليو 1.4 2004 فصل
مروحة المقصورة شغالة ومروحة الرديتر شغالة لكن الكمبرسور مش شغال
روحت لكهربائي شيك علي جميع الفيوزات اللي جنب بابا السواق مفيش اي واحد فاصل
مشي مع السلك الواصل للكمبورسور وجده مش واصله كهرباء 12v
رجع بص علي علبة الكتاوت ( الريلاهات )
وجد ان الريلاي المغذي للكمبرسور واصله كهرباء بص مبيكملش الدائرة
ايه الحل مع اعلم انه وصل للكبورسور 12 فولت من البطارية اشتغل
ممكن احد يكون قابله زي المشكلة دي وحلها كان ايه

**elmkaneeki** · 12-11-2011 01:40 PM

غير الريلاى

**superplanner** · 13-11-2011 02:51 AM

غير الريلاي و لو متحلتش
في تشوك فالف هتلاقية راكب في ماسورة التكييف و هو عبارة عن صمام و فية فيشة
نتيجة التراب و الغسيل ساعات الفيشة بتعمل ترسيبات ملحية
انصحك تنضفها باي منظف دوائر كهربائية وليكن video cleaner او sharp او akai
او منظف الرشاشات بس بلاش wd-40
و انشاء الله المشكلة تتحل

**nodey** · 13-11-2011 10:09 AM

شكرا ليكم اخواني
انا فعلا بدلت الريلاي بواحد تاني كان جنبهونفس التقسيمة والشكل نفس المشكلة
بالنسبة للتشك فالف ده هو موجود فين جنب الكمبرروسور وله في مكان تاني لان في واحد برضوا واصل في مشع الكمبروسور
افك انه فيهم وهل ممكن منظف من بتاع الكربريتور ينفع
شكرا

**superplanner** · 13-11-2011 10:14 AM

التشك فالف هتلاقية في ماسورة الفريون مش في الكومبرسور و في الغالب هتلاقية جنب السربنتينة ورا الاكصدام ذي الميجان
منظف الكاربراتير ينفع بس مش بكميان كبير اوي
و ابقي بلغنا بالنتيجة

**Amr_Moh** · 15-11-2011 05:40 PM

راجع شحن الفريون

**nodey** · 15-11-2011 08:13 PM

شكرا لحضراتكم اخواني
المشكلة للاسف مازالت موجودة نظفت التشك فالف وهو موصل به فيش بها ثلاثة اسلاك لكن للاسف الكمبورسور مشتغلش برضوا بعد التنظيف ولاحظت حاجة غريبة جدا وهو ان نور حزام الامان المفروض انه منور علي طول ويطفي لما اشبك الجزام
لكن لاحظت انه بدا يعمل نور فلاشر يعني يضئ ويطفي كأنه اشارة
وبقاله فترة ومش عراف ايه السبب ولقيت اليوم كمان النور الموجود بلوحة التحكم بتشغيل المكيف بتعمل فلاشر هي كمان ايه الموضوع
مع العلم ان العربية داخلة علي 118000 كم
مش عارف ممكن تكون الاشارات دي تحزير علي دخول العربية علي صيانة ل120000 كم
ارجو من يعرف حل للموضوع يقولنا يا جماعه حاسس اني راكب عربية الغاز ولحد دولقتي مش قادر افك معظم الغازها الله المستعان

**nodey** · 15-11-2011 08:51 PM

يا جماعة انا وجدت صورة التيشك فالف بتاع التكييف وراكبة في مواسير الفريون هل هي دي فعلا

**superplanner** · 15-11-2011 08:54 PM

هو دا التشك فالف بتاع الرينو و بيبقي راكب ع ماسورة الهاي بتاعت التكييف
بتفصل الفيشة و تنضفها كويس و تركبها تاني
او ممكن تروح لكهربائي كويس يتشك عليها

**nodey** · 15-11-2011 09:31 PM

طيب يا اخي معلشسؤال بدائي شوية
علي حسب ما فهمت انه التشيك فالف ده وظيفته يكمل دائرة الكمبرسور عشان يلقط ويشتغل طول مافي فريون بنسبة وضغط معين بالمواسير صح
طب للاسف بما انه مفيس ميكانيكية فاهمين في الرينو هنا بالسعودية بالمنطقة النائية جدا اللي انا بيها
من شهر كدا بلية سير الدينو انكسرر البلي بيها ووقع سير الدينو وكنت واخد معي اتنين احتياطي من مصر وانا بالاجازة
ورحت لميكانيكي بعد التحايل عليه واغرائه باني هعطيه ضعف الاجرة المتعارف عليها بالنسبة للعربيات الاخري وركبهم لكن للاسف حسيت بعد ما مشيت من عند ان في حاجة وحكه كدا علي مواسير المكيف كأن اتخبطوا بحاجة
المهم محطيت في دماغي وللاسف نسي الافندي من الاهمال ان يضغط الكبوت كويس وتاني يوم ونا رايح الشغل لقيت الكبوت لبس في الزجاج الامامي وربي نجاني الحمد لله وحلت مشكلة الزجاج بواحد مستعمل اتشحن من الرياض الي والحمد لله
في نفس الاسبوع المدام تعبت ودخلت المستشفي ووديته الساعه 2 بالليل
وكانت المفاجأة
صوت تنفيس كأن في ضغط او هواء بيسرب واحاول اسمه بودني منين التنفيس ده مفيش فايدة وانشغلت بالموقف بتاع المدام ونسيت
فضل الصوت ده اكثر من ثلاثة ايام او اكثر
بعده جيت اشغل المكيف لقيت انه مروحة الطرد اللي باطلبوه شغالو ومروحة الرديتر شغالة ده كله بمجرد الضغط علي زر التشغيل للمكيف لكن لم اسمع صوت لقط الكمبرسور اللي انا متعود عليه
ارجو التفسير
شكرا لحضراتكم