دنا بخاف ملكلب..يطلعلي تعلب؟؟؟تعلب!!!!!!!!!!!!

**Donzi** · 05-11-2011 11:55 PM

المشاركة الأصلية كتبت بواسطة mtak

الصورة الى فى الموضوع مش صورة ثعلب خالص
دى صورة ذئب او كلب من البلطجيه و واخد ضربة سكينه كمان

انما الثعلب ده حاجه صغنونه كيوتى خالص و لا بتسمعيله صوت و تحسى انه لما بيجرى اكنه بيطير
استمتع جدا و انا براقبه من غير ما يحس بى لانه لو احس بحد
على رأى دورا
سنقر زوغاااااااااااان
----
انما الذئب ده حاجه تانيه
انا مرة فى المصنع و كان لسه ما اشتغلش و كنا بنبقىى فيه حوالى 7 انفار طول الليل
و طبعا مفتوح من كل جهه على الصحرا
المهم باتمشى بالليل وصلت لاخر المصنع حيث متعودين نرمى القمامه
لقيت حاجه زى الكلب بس على اضخمممممم
انا افتكرته كلب و عملت انى باجيب طوبه من الارض و هش على خبطه من رجلى فى الارض و جرى
عاااااااااادى جدا بس مستغرب من حجمه
يا دوب داخل لربع المصنع و لقيت الكل بيجرى و بتاع الامن وشه جايب الوان و بيحضر سلاحه
بقول في ايه
قالولى فى ذئب بيلف حوالين المصنع
وصفتلهم شكله قالولى
هو بعينه
مش عاوز اقولكم انا حصلى ايه وقتها

بقى انا كنت بهش ذئب
-------------:))))))))))))

هههههههههههههههه
انا لو منك اعمل شجيع السيما و اقولهم اه اه ما انا اللي هشيتو من شوية

**heshamzaky** · 06-11-2011 12:24 AM

المشاركة الأصلية كتبت بواسطة sayed911

حضرتك ده ذئب مش ثعلب وعلى فكرة فيه فصائل كتير في الكلاب شبه الذئاب زي السايبيريان هاسكي والبلاك جاك ولازم محترف بس هوة اللي يبفرق بينهم بيتعرف من جريته وطريقة نباحه لأنه الذئاب بتعوي مش بتنبح :d

+++++++++1111111111
بالظبط كدة
و التعلب الى فى الغيطان و المزارع بيبقى أقصر شوية من الصورة الى الزميل منزلها

أغلب الظن دة كلب مخلط لآن الديب بيبقى شعرة خشن مش ناعم
الذئب الى شعرة ناعم مش بيبقى فى المناطق الصحراوية
الذئب الى بشعر ناعم بيبقى فى الدول الاوربية
الذئب المصرى رفيع و رجلية طويلة نسبيا بالنسبة لجسمة و بيبقى رفيع شوية

**heshamzaky** · 06-11-2011 12:35 AM

المشاركة الأصلية كتبت بواسطة zago

في مواقف ....
الجري فيها بيبقى الجدعنه كلها
:))

هههههههههههههه عرفت اخوفك باية يا باشا لما اشوفك ههههههه
بص دى صورة التعلب المصرى يا باشا

**zago** · 06-11-2011 12:43 AM

المشاركة الأصلية كتبت بواسطة icehearted girl

..بس كان أمور بجد

بتدوريلو على عروسه ولا ايه ؟
:)

**zago** · 06-11-2011 12:44 AM

المشاركة الأصلية كتبت بواسطة heshamzaky

هههههههههههههه عرفت اخوفك باية يا باشا لما اشوفك ههههههه
بص دى صورة التعلب المصرى يا باشا

لا مبخافش انا من الحاجات دي
انا اقل من ديناصور مقلقش خالص
والله ممكن تمساح
فيل بزلومه
غير كده ممكن مخدش بالي اصلا :)

**zago** · 06-11-2011 12:49 AM

المشاركة الأصلية كتبت بواسطة abogogo

وده الثعلب
اللى شوفتيه ذئب وليس ثعلب

دي صوره تعلب في 5 ابتدائي ؟؟؟

**heshamzaky** · 06-11-2011 12:50 AM

المشاركة الأصلية كتبت بواسطة zago

دي صوره تعلب في 5 ابتدائي ؟؟؟

دة تعلب ممكن تشوفة فى أماكن صحراوية
التعلب المصرى المعروف بيبقى اقل طولا من التعلب الى فى الصورة
قزعة شوية عن الى فى الصورة ههههههههههه

**zago** · 06-11-2011 01:01 AM

انا مبشوفش غير كلاب مهجنه وتعالب على كلاب على سلعوه
شق التعبان مافيهوش غير كده
تلاقي كلب ماشاء الله طول بعرض تتف عليه بس يطلع يجري :)
حتى الكلاب في البلد دي بقت مغشوشه
:))

**M!NA** · 06-11-2011 01:24 AM

التعلب دا كائن جميل جدا.... و خصوصا الفنك.... كائن في منتهى الجمال....
بشوفه كتير في الصحرا.... خصوصا وادي الريان....

مش مؤذي على الاطلاق.... هو بيحب يستكشف مين دول اللي جم ضيوف عنده.... و معاهم حاجة تتاكل؟ ولا العملية ناشفة؟ و مفيش مانع لو أخد فردة شبشب أو جزمة و احنا نايمين باليل.... هو بيحب يجمع الحاجات ديه في جحره.... عشان كدا بيقولوا التعلب فات فات... و ف ديله 7 لفات... :)

التعلب لو حس بالخطر بيتنفخ و يصدر ريحة كريهة .... أكنه ميت بقاله 3-4 أيام....
عشان كدا بيقولوا عليه مكار.... :)

لو تم أسره.... و حد أخده عشان يربيه في مكان أو يحبسة.... مش بيعيش أكتر من شهر.... بيكتئب و يموت.....

و ديه صورة لتعلب الفنك .... الأجمل على الإطلاق.....

http://www.touregypt.net/images/tour...ic06302006.jpg

بالمناسبة.... البدو بيقولوا عليه (الحسين) و بيحبوه جدا و يتفائلوا برؤيته... :-)

ها؟؟ حبيتوه ولا لسة؟؟ :-))