طريقه التلين الصحيحه بعد العمره

**darsh_darsh** · 06-11-2011 02:07 AM

ما هى طريقه تلين السياره بعد عمل عمره كامله
وارجو الشرح بالتفصيل على مدار التلين وايه اقصى سرعه اصل السها فى او 200 كيلو وتانى 200 كيلو وهكذا لحد فتره التلين متنتهى

**zizo50001** · 06-11-2011 02:38 AM

بص التلين بيبقى 1000 كيلو تقريبا اهم حاجة فى الفترة دى متعديش ار بى ام 2500 ومتحرقش على العربية فى اى غيار نهائى ريح العربية على طول فى الغيار يعنى متخليش صوت الماتور يعلى جامد وخليلك اعلى حاجة سرعة 70 وبعد كدة غير الزيت

**darsh_darsh** · 06-11-2011 02:41 AM

شكرا لردك وياريت لو فى اى نصايح تانيه فى فتره التلين بالنسبه للحمل فى العربيه وطلوع الكبارى

**romieh** · 06-11-2011 09:33 AM

التليين بأنك تمشى هادى أغلب الوقت

يعنى الار بى أم مايزدش على 2.5

فى أول 200 كيلو ماتخليش أى أحمال فى العربية وماتطلعش كبارى

حاول انك تخلى مشاويرك كلها بالليل (علشان الجو يكون بارد شوية)

طول ما انت ماشى تخلى عينك على عداد الحرارة (أوعى العربية تسخن أبداً)

بعد 1000 كيلو تنزل الزيت وتغير فلتر الزيت وتظبط التاكيهات

بعديها تبدأ تقرص على العربية واحدة واحدة

وألف مبروك على العمرة

**darsh_darsh** · 06-11-2011 12:10 PM

الله يبارك فيك اخى انا ان شاء الله هبدا فى العمره بعد العيد وربنا يوفق فى التليسن وياريت اى نصايح تانيه وكمان انا هغير علبه الدركسيون العاده وهركب علبه باور 505 فهل الباور هيكون كويس ولا هياثر على الثبات والتحكم فى العربيه وهل بيفصصل بعد وقت معين ولا شغال على طول وكمان هغير الاسبراتير العادى ومحتار اجيبه برضه عادى ولا اجيبه الكترونى بالموبينه بتاعته 505 استيراد
ارجو منكم الرد بالتفصيل مع بيان العيوب والمميزات وكمان هل لو مشط الالكترونى ضرب هل تركيبه سهل بمعنى انى لو معايا مشط احتياطى هل لو فصل فى طريق سفر سهل اركبه بنفسى ولا لا

**darsh_darsh** · 09-11-2011 01:57 PM

المشاركة الأصلية كتبت بواسطة darsh_darsh

الله يبارك فيك اخى انا ان شاء الله هبدا فى العمره بعد العيد وربنا يوفق فى التليسن وياريت اى نصايح تانيه وكمان انا هغير علبه الدركسيون العاده وهركب علبه باور 505 فهل الباور هيكون كويس ولا هياثر على الثبات والتحكم فى العربيه وهل بيفصصل بعد وقت معين ولا شغال على طول وكمان هغير الاسبراتير العادى ومحتار اجيبه برضه عادى ولا اجيبه الكترونى بالموبينه بتاعته 505 استيراد
ارجو منكم الرد بالتفصيل مع بيان العيوب والمميزات وكمان هل لو مشط الالكترونى ضرب هل تركيبه سهل بمعنى انى لو معايا مشط احتياطى هل لو فصل فى طريق سفر سهل اركبه بنفسى ولا لا