المحور وصحراوي
عرض للطباعة
المحور وصحراوي
المحور فيه واحد بس شغال بعد النفق وانت في اتجاه اكتوبر
الصحراوي مش عارف للاسف بس سمعت ان عليه رادارات متحركة رغم اني كنت لسة مسافر عليه قريب و مشفتش حاجة
هو الصحراوي بقى 120 كم/س ولا لسه 100؟
الصحراوي مش عارف ظروفه ايه بس انا كده كده بهدي
بس المره اللي قبل اللي فاتت كنت ماشي ورا ميكروباص وداخلين علي رادرار قلت يمكن مش ده وهووب لقيت الرادار قمت مفرمل لحد مانزلت ل 90 ولقيت الميكروباص مكمل عادي بسرعته اللي كانت حوالي 130 وكنت بالليل ومشوفتش اي فلاش من الرادار
مصر فاااااااااااااااااااااااا ااااااااااضية
انا ماشي محور 210
عند الرادار اللي بعد النفق يا أبو معاذ هديت ل 90 وطلعت تاني
لو لقيت مخالفات يبقي انت السبب بقي :)
أنا سمعت إن الدائري فيه إتنين راكبين بين الإتجاهين وشغالين على الإتجاهين ومكانهم بعد منزل طريق السويس وإنت متوجه للإسماعيلية الصحراوي .. وإتنين بين الإتجاهين ( واحد عند طلعة محور جامعة القاهرة .. والتاني بعد الوراق )
أما الباقي حمادة بالجنزبيل ... والله أعلم
انا لسه جاى حالا من طريق السويس قبل كوبرى الجيش ونش واقف وفجاه مليون فلاش ضرب ببص لقيت الرادار موجود ومشاء الله صور الكل ولمى فلوس ياحكومه
اللي علي الدائري ده انا لبسته اكيد كله قبل كده عشان كنت مستعجل ومكنتش اعرف
يبقي عالدنيا السلانكاتيه :)
ولا رادار شغال على المحور لحد هايبر وان بعد كدة معرفش انا ماشى 180 -220 ومافيش حاجة بتنور وقبل ماامشى بالسرعة دية مشيت 90 والعربيات الاخرى ماشية سريع معدية ال130 ومانورش ولا عمل اى منظر , قولت يمكن التانى ونفس الكلام قولت مابدهاش بقى روحت دايس ومافيش بردة حاجة نورت وانا راجع نفس الكلام
شوف الطريق تعرفة من الميكروباصات واغلب الاجرة ,لو لقيتهم مكملين عادى يبقى peace ya man
انا كده لبست ف اللى بعد منزل السويس مرتين .. شكرا ع العيديه الجميله اللى تدوخ دى:penguin4:
peace :cat34:
هو عامة وانا رايح كنت طاير ومش عارف اللي حواليا ممكن يبقي علي كام
انا طول ما مفيش حاجة جنبي كأني ماشي 80
أول ما بعدي من جنب حاجة بحس أني طاير بالنسبالها
وانا في أكتوبر قبل هايبر بشوية بعد جهينة ... ميكروباص باخد غرزة طلع منها معرفش يلم كان هيلبس في الرفرف القدماني عندي
بجد بهايم
انا لحقت نفسي بحتة يمين شوية وفرامل كان هو بقي قدامي
أستلمته لغاية محور وشوية عليه وبعدها فتحت
هو فين بالظبط الي علي طريق السويس الدائري ؟
عيب عليييييييييك
أنا معايا كاشف رادار محترم و بأكدلك إن على المحور مفيش غير رادار واحد بس اللي بيدي اشارة و حتى ده كمان عدسة الكاميرا بتاعته مكسورة
عيييييش بس خد بالك وربنا يستر طريقك
الدائري اتعمل عليه رادارين جداد بعد نفق السلام في اتجاه طريق السويس و اللي في الاتجاه بتاع طريق السويس دا شغال و بينور و حاجة زي الفل التاني بقى مفيهوش فلاش بس بردو شغال و ربنا يسترها معانا
i came from alex today and there is nooooooooo radars on the road.
محور لااااااا
طيب و ليه خايفين من الرادار
ما نمشي بالسرعة القانونية و اهلا بالرادار
أمال عايزين نشوف البلد فيها نظام ازاي و احنا كل يوم بنكسر القوانين ؟؟؟؟؟؟؟؟؟؟؟؟
عالدائري في 3 او 4 شغالين فل وشايف فلاشاتهم بتنور يوم الوقفة
فداك يا باشا
بس أحب أطمنك ممكن يكون فلاش فقط ...
يعني حظك ممكن يكون حلو لو كانت الكاميرا تحت التجربة
أنا حصل معايا كدة في العربية القديمة .. إتصورت وإتضرب عليا فلاش من عربية 4x4 في موقع قيادة الطريق الدائري إللي بعد مطلع طريق السويس وإنت قادم من الدائري القادم من طريق الإسماعيلية الصحراوي..
ولما جيت أبيع وأستخرج شهادة مخالفات للمشتري لم أجد هذه المخالفة ( لأن الكاميرا إللي صورتني كانت تحت التجارب ... وإللي بشرني بكدة أحد الأخوة في منتدانا العزيز ) ...
قبل العيد بأسبوعين كنت ذهبت إلى مدينة السادات من خلال طريق الأسكندرية الصحراوي ورأيت كاميراتين على الطريق ....
الأولى بعد ما عبرت بوابة القاهرة ب 7 كيلو متر ( وإللي موش عاجبه يوزن برة ).... ودي شكلي لبست فيها لأني ما كنتش مدي خوانة
الثانية على بعد 60 كيلو متر من البوابة ( وبردو إللي موش مصدق يوزن برة ) وعلى مقربة من مدخل الســادات ( سجن النطرون ) ودي هديت جامد عندها لأني لحظت ميكروباص هدى جامد عندها وهو إللي خلاني آخد بالي منها...
الله يكرمك انا يوميا بمشي علي طريق الاتوستراد ايه الاخبار هناك في اتجاه مدينه 15 مايو
انا عارف ده غلط
بس انا في الطريق لوحدي مفيش عربية
أمشي 90 !
انا جوة البلد ... كنت ببقي ماشي هادي جداااااااااااااااااااا
الطبيعي يعني
يمكن حد ناوي يعدي الشارع أو أي حاجة ... غير ان الطريق جوة البلد معفن أساسا
انما أطلع محور وصحراوي ويبقي في علي الطريق كله 6 عربيات يبقي لما أمشي 90 وانا مستعجل حرام
غير ان 90 قليلة
لازم تعلي شوية
الصحراوي دلوقتي بصراحه المفروض يبقي حد ادني 100 وحد اقصي 140
وانا جاي اسكندرية امبارح بليل رادرات الصحراوي شغالة وبتنور
السلام عليكم
يا جماعه ضرورى جدا .. هل يوجد على المحور رادار ؟ لانى امبارح كنا انا والشباب رايحين عاملين حفله شواء ف فيلا بتاعت واحد صحبى ف 6 اكتوبر والمفروض ارجع البيت بدرى عشان نازل مشوار دلوقتى المهم رحنا بليل عقبال ما الراجل فى مترو ماركت تبل اللحمه والفراخ كانت الساعه 3 ونص بليل !! وطبعا انا عندى مشوار الصبح ضرورى جدا ف اضطريت اخد الطريق كله وانا رايح على 160 - 180 .. كانت الساعه ساعتها 3:40 - 4 كده ف الفتره دى بس وكل شويه الاقى كلمه هدى رادار بس صاحبى قالى مفيش حاجه وخليتها على الله
حد يطمنى
ولو فيه المخالفه كام ؟ وكده لو عديت على 5 رادارات يبقى كل رادار مخالفه ولا ايه ؟
ربنا يستر بجد .. ومحدش يقولى انت بتخالف السرعه .. بجد والله حرام امشى الساعه 3 - 4 بليل لوحدى او معايه كام عربيه قليلين على المحور بسرعه 90 !!! ده طريق مش اقل من طريق السخنه - القاهره