الكماليات
كعادة الفئة اس الفاخرة اللي تقدم دائما كل ما هو جديد في عالم السيارات
الموديلات زودت بفتيس اوتوماتك 4 غيار او 5 غيار او فتيس مانيوال بالطلب فقط و نادر جدا
بالاضافة الي كمالبات سابقتها الW126 الاساسية (الكراسي الكهربا الستاير الكهربا و الطاره الكهربا و التيلفون و ما الي كذلك)
تمتعت الw140 علي زجاج عازل للصوت مزدوج ..و تكون بذلك اول سيارة في العالم تحتوي علي هذه الزجاج
مرايات ضم كهربا (لاول مرة في المرسيدس -بنز ) بشبابير
نظام سونار لمساعدة علي ركن السيارة عبارة عن عمود صغير من طرف الشنطة لتسهيل الركن (بعد ما تحط الفتيس علي الR بثانية او 2 يتطلع عمود من الشنطة )ثم تتطور في عام 94 اليparktronic حساسات البركنج بشكلها المعروف الان
ابواب و شنطة شفط هواء ..يقفل الباب لوحده يتشفط في مكانة و كذلك الشنطة و يمكن تعديل سرعة فتح و غلق الشنطة
تكييف في 4 مناطق
نظام ESP و ايرباج في الابواب بعد عام 96
BAS barke assist نظام يحسب سرعة العربية و قوة الكبح المطلوبة ..في حالات ان اللي سايق داس فرامل اقل من المطلوبة العربية تفرمل اكتر تلقائيا و هكذا
نظام ADS بيعدل ارتفاع المساعدين علي حسب سرعة العربية استاندر في ال600 و اختياري في باقي الموديلات و عفشة هوا في اول الانتاج و لكن اتلغت و اكتفوا ب نظام هيدروليك لتعدل ارتفاع العربية من الخلف (في حال وجود شنط او وزن تقيل يخلي العربية مستوية )
حساسات للمطر بتقنية حساب السرعة بمعني اول ما الدنيا تمطر المساحات تشتغل لوحدها و لو المطر كتير سرعة المساحات تزيد ..اول ما توقف العربية المساحات لوحدها تنزل لااقل سرعة بمجرد انك تسوق تاني المساحات ترجع لسرعتها تلقائيا و نفس الحال في الكاسيت الصوت بيعلي و يوطي علي حسب السرعة و كعوامل امان الازاز الكهربا لو بيترفع حد مرر ايده عليه ينزل تلقائيا
نظام ملاحة GPS و ثلاجة في الكونصول و ريموت كنترول يمكن السائق من تشغيل المحرك او حتي التكييف (الموصفات الاوروبية فقط )
حقائق حول الW140
الW140 سيارة اثارت جدل كبير .اذا كنت مهتم بعالم السيارات لعلمت ان تتطور الموديلات يتكلف مبالغ طائلة فشركة مثل جاجوار الانجليزية كلفت مودبل 300 مليون في التمانينات
اما مرسيدس -بنز اخدت افضل سيارة فارهة في العالم انذاك الW126 و دفعت اكتر من مليار دولار لتطوير الW140 ....الناتج لا يحتاج عملية حسابية W140 افضل سيارة فارهه في اوائل التسعينات
بعد التكلفة العملاقة الوقائع ان الW140 لم تجني اي ارباح للشركة في اوائل التسعينات و تسببت في ازمة مالية للشركة لكن بعد عام 1994 تركز الfacelift علي تقليل جودة الw140 كمثال تقليل مكونات الابواب بنسبة 30% لتسهيل عملية التصنيع و تقليل التكلفة
في عام تلقت الW140 ضربة اخري اثرت بالسلب علي سمعة الشركة بعد الحادث الذي اودي بحياة الاميرة ديانا و دودي الفايد ...حيث ان سيارة الفايد S280 اصطدمت بعمود اسمنتي علي سرعة قدرت فيما بعد ما بين 90-120 كم\س
و بالرغم من الانتقادات للسيارة الW140 نجحت و يعتبر عشاق النجمة الفضية الW140 هي اخر مرسيدس-بنز بالجودة المعهودة في الموديلات السابقة the last overengineered Mercedes
قدمت العديد من الاخترعات و حيث بها اول محرك V12 من انتاج مرسيدس بسعة 6 لتر وللحفاظ علي البيئة المحرك مزود ب 7 لتر catalytic converter اول محرك V12 بحساسات للتصقيف للحفاظ علي مكونات المحرك في حال وضع بنزين اقل من المناسب
نفس المحرك من انتاج AMG تستخدمه شركة Pagani في سيارتها Zonda لكن بقدرة 750 حصان
يبلغ عدد الW140 406,710 سيارة... اقل من 10% بمحرك V12
في كوبيه C140 و ليميوزين
انا شخصيا بحترم العربية دي جدا والدي كان جاب 500 لفترة قليلة
عن تجربة العربية تحفة اول ما تفتح الباب و تقعد علي الكرسي تحس انك ملك و ركبت ال600 عربية لا غبار عليها اطلاقا ومختلفة الي حد ما عن باقي الموديلات سوقتها مثيره و ممتعه جدااااااااااااااااااااااا اااا لكن الصيانة مكلفة
الW140 معروفه باسم الشبح ..و الناس علق معهم الاسم و لحد الان اي موديل S بيقوله عليه الشبح و سبب فشل الW220 في مصر ان الw140 عجبت المصريين جدا ماقبلوش علي الموديل الاحدث .
كل سنة و انتم بخير و سعادة بمناسبة العيد الاضحي
المفضلات