هى موجودة فى الجراند اكتر طبعا علشان الجراند موجودة من فترة كبيرة بعكس الايفو اللى لسه تعتبر جديدة نوعا ما وبالتالى لسه متعرضتش لخبطات زى الجراند .. عموما انت ممكن تردها بايدك فعلا .. بس مش من جوه العربية .. حضرتك تجيب شفاطة صغيرة زى اللى بتتباع عند بتوع الادوات المنزلية .. هى بتبقى اصلا شماعة او علاقة فوطة للحمام وبتلزق على السيراميك او الزجاج وبتشتغل بشفط الهواء .. سعرها حوالى 2 او 3 جنيه وحاول تجيب اكبر مقاس.
حضرتك تجيبها وتضغط الجزء الكاوتش بتاعها على جزء الصاج المطبق وبعدين تشد ايد الشفاطة البلاستيك .. هتلاقى الجزء المطبق رجع لبره .. ولو الجزء المطبق كبير شوية ممكن تستعمل شفاطتين (واحدة فى كل ايد) .. طبعا الطريقة دى بتنفع مع معظم العربيات الجديدة علشان الصاج بتاعها ضعيف حبتين .. لكن لو جربتها مع عربية صاجها ناشف مش هتنفع ... حاجة تانية .. لازم الجزء المطبق ميكونش على سوكة او فيه عصب علشان ميردش تانى لجوه بعد شوية ..
المفضلات