والله يا احمد با شا بالنسبة للصيانة انا كنت حاجز الساعة 9 صباحا واتأخرت شوية على معرفت اروح للسبع المهم وصلت الساعة 10,15 اول ما وقفت قدام المركز لقيت واحد من الامن اللى واقفين بره قالى اركن يا باشا فى اى حته وهات معاك كتاب الضمان والرخصة وادخل هنا روحت راكن واول ما دخلت لقيت واحد واقف على الباب من جوه سألنى على ميعاد الحجز واتصلت بمين علشان تحجز والحجز بأسم مين وكده المهم ادانى بون فيه رقم قالى اتفضل هنا وهما هينادوا عليك مفيش قعدت 3 دقائق ونادوا على رقمى وروحت شباك رقم 1علشان تسجيل بيناتى وقالى انت مع مهندسة ( مش فاكر اسمها ) قاعدت معاها وشرحتلى ايه اللى هيتعمل فى الصيانة ديه وهل يوجد اى ملاحظات على العربية قولتلها على كل حاجة وطلعت معايا شافت العربية وسبتلها المفاتيح وقالتلى حضرتك اتفضل فى الكفتريا فوق ولما العربية تخلص هناديك روحت طلعت الكافتريا واحسن حاجة عجبتنى انك شايف كل حاجة بتتعمل فى العربياة من الكفتريا وكان موجود شاشة بتشرحلك كل مرحلة عربيتك فيها وبعدين لقيت واحد جه وبيدينى بون مجانى ب15جنيه للكفتيريا
المهم قعدت ساعتين الا ربع كنت مخلص كل حاجة وماشى بالعربية والحمد لله كل حاجة بقت تمام
ماعدا الدركسيون لسه زى ما هوا كل لما اكون طالع مطب او نازل الطارة بتتهز فمش عارف هيا الصنى كده ولا ايه ؟
واتصلوا بيا النهارده وسألونى على الخدمة وشكل المركز والنظام والعربية بعد الصيانة قولتلهم كل حاجة 100 100 ونسيت اقولهم ان الطارة زى مهيا اصلى كنت لسا صاحى من النوم :shyy:
والمجمل ان مركز السبع خلونى احب اعمل الصيانات كلها فى التوكيل علشان العربية وهى فى الورشة عندهم بتبقى شايف كل حاجة فده بيريح الواحد نفسيا لما بيستلم عربيته بعد الصيانة ، ويجبر العمال اللى فى الورشة انهم يشتغلوا صح علشان عرفين انك شايفهم وهم شغالين
وتوتا توتة خلصت الحدوته مملة ولا مظلوطة:44:
وتحياتى للجميع