السلام عليكم
العربية عندى لاحظت انها بتعمل حاجة غريبة اوي الا وهى انها فجأه وانا ماشي اول ما اجى في حته زحمة شويه الاقيها بطلت ومترضاش تدور خالص المهم انا فسرت الموضوع على ان العربية بتسخن (مع ان المؤشر المنيل بنيله في مكانه مبيتحركش) عملت معايا الحركة ديه 4 مرات وبعدين انا اليومين دول في مأمورية تبع الشغل في سوهاج وواخد معايا العربية وكنت متابع مع محمد السيد ومحمد عبده عشان كان عندى مشكلع تسقيف في الموتور بس مش هقدر اروحلهم تاني غير اول الشهر لما ارجع القاهرة المهم انا قلت احاول ابص على المشكله بصيت لاقيت المروحتين الصغيره بتشتغل بسرعتها القصوى والكبيرة بتشتغل بطيئة قلت يمكن هيا ليها سرعتين بصيت على اسلاكها لقيتهم 2 بس يعني موتور سرعة واحده رحت فاكك الفيشة بتاعتها وجبت حتتين سلك وادتها كهربا من البطارية مباشرة لاقيتها اشتغلت زى الطياره بسرعه رهيبة وكمان لاحظت ان العربية بتبقى سخنه والمراوح مش شغاله واول ما اشغل التكييف المراوح تشتغل وتفضل شغاله على طول مع التكييف بس برضه الصغيرة سريعه والكبيره بطيئة اسف على اللوك للوك بس الأسئله بقى :-
1 - ليه المراوح كده يعنى واحده بطيئة مش بكامل سرعتها والتانيه كويسه ولا هما اصلاً كده
2- لما فصلت فيشة المروحه الصغيره الكبيره كمان فصلت ليه كده هما متوصلين مع بعض ولا ايه

3- ممكن يكون هو ده السبب الى بيسخن العربية
4- هى اللانوس لما بتسخن بتفصل كده ولا ديه ممكن تكون مشكله في حاجه تانيه
5- بس خلاص وشكرا للردود مقدماً