المشاركة الأصلية كتبت بواسطة syd
شوف سعادتك
اولا البيجو 406 تحفة بجميع المقاييس ولكن ...
قطع غيار اغلي بكتير من الأوبل
لحد 2003 كانت فرنساوي يعني تركبها اوتوماتيك او مانيوال بعد 2003 بقت مصري ويستحسن تركبها مانيوال
توكيلها زبالة ومفيش مراكز خدمة معتمدة
لكن كلمة حق
فرامل وثبات ورفاهية وتكنولوجيا مفيش بعد كدة
ثانيا الأوكتافيا سيارة العمر الطويل ولكن...
قطع غيارها اغلي من الأوبل بكتير
اقل في الكماليات من الأوبل فيكترا b
لكن كلمة حق
ثبات اكتر مما توقع
قطع غيار معمرة جدا
ثالثا الليجنزا 2000cc عربية فخمة جدا ولكن...
كماليتها اقل بكتير من الفيكترا
وفيها حاجات مش في الفيكترا زي الكراسي الكهرباء والفرش الجلد
غوول بنزين بشكل هيستيري ولا تقارن البتة بالفيكترا
ثباتها علي الطريق مشابه للأوبل
فرامل abs
تجميعها اقل بكتير من الأوبل
الفتيس الأوتوماتيك بتاعها صيانته كتير
الصراحة
اللانسر والكورولا خارج نطاق المنافسة مع الأوبل وكدة هتنزل مش هتعلي
الأوبترا ينطبق عليها المثل (الي خادته القرعا تاخده ام الشعور)
الخلاصة
اصرف ال5000 او ال10,000 علي عربيتك الأوبل لأنها بصراحة افضل الحلول في الشريحة السعرية بتاعة ال60 وال70 والأفضل منها علي طوول بتتكلم في حدود 100,000
،