انا معايا عربية موسو

**amz2011** · 08-11-2011 12:15 AM

انا معايا عربية موسو 2008 المهم بقالها معايا فوق السنتين . من مميزاتها صاجها قوى جدا و واسعة جدا من جوه و شنطتها بتشيل حاجات كتير و ثباتها كويس بس من عيوبها مثلا انى لحد دلوقتى عملت بيها 100000 كيلو متر و غيرت الاتى 2 مساعدين خلفى و كمان عايز تغير جلب المقصات و محتاجة تغير كاوتش الطعمية و فتيس الغرز بيسرب و فيها عيب خطير ان كل ما ادخل الصحرا فى الصيف و اكون مشغل التكييف الاقى فلتر التكييف اتسد و اضطر اغيره
- مع العلم ان بدخل الصحرا كل شهر مره بيعمل فى المره 150 كيلو متر فا مش عارف هل قطع غيارها بتبوظ بسرعة ولا و هل الشيروكى قطع الغيار بتاعتها معمره و لا ايه نظامها؟

**فتح الباب** · 08-11-2011 12:27 AM

هى امريكى دى ولا ايه

**amz2011** · 08-11-2011 01:18 AM

المشاركة الأصلية كتبت بواسطة tjp

هى امريكى دى ولا ايه

بص ياباشا دى عربية مشكل يعنى الموتور و الفتيس المانى و العفشة كورى و البودى صينى

**M!NA** · 09-11-2011 11:08 AM

المشاركة الأصلية كتبت بواسطة amz2011

انا معايا عربية موسو 2008 المهم بقالها معايا فوق السنتين . من مميزاتها صاجها قوى جدا و واسعة جدا من جوه و شنطتها بتشيل حاجات كتير و ثباتها كويس بس من عيوبها مثلا انى لحد دلوقتى عملت بيها 100000 كيلو متر و غيرت الاتى 2 مساعدين خلفى و كمان عايز تغير جلب المقصات و محتاجة تغير كاوتش الطعمية و فتيس الغرز بيسرب و فيها عيب خطير ان كل ما ادخل الصحرا فى الصيف و اكون مشغل التكييف الاقى فلتر التكييف اتسد و اضطر اغيره
- مع العلم ان بدخل الصحرا كل شهر مره بيعمل فى المره 150 كيلو متر فا مش عارف هل قطع غيارها بتبوظ بسرعة ولا و هل الشيروكى قطع الغيار بتاعتها معمره و لا ايه نظامها؟

أولا مينفعش أبدا تكون مشغل التكييف في دخول الصحرا.... نهائيا.... و ده في أي عربية مش عربيتك بس
ثانيا.... موضوع فتيس الغرز... أكيد محتاج طقم اصلاح.... و دي بسيطة... أو ممكن يكون اتخبط فنتيجة الخبطة بقا يرشح زيت....
بالنسبة للمساعدين....دول زي الفرامل بالظبط.... حسب استهلاكك و تحميلك... و مش مشكلة أنهم يكونوا عايزين يتغيروا...

أما بالنسبة للجلب و كاوتشات الطعمية... حضرتك بتقول أن العربية موديل 2008 و ده كاوتش... يعني بينشف ... فمن الطبيعي أن يكون ده عمره الافتراضي....

كل اللي حضرتك بتتكلم فيه ديه حاجات بسيطة.....

لو نويت تغير عفشة كاملة بعفشة جديدة.... فكر في الOld Man Emu بما أنك بتخش off-road

و لو حبيت مساعدة في معرفة أماكن بيعها و أسعارها.... ابعتلي عالخاص و أنا أدلك على كذا حد....

الفور باي فور محتاج صيانة دائمة.... غسيل و تشحيم لصلايب الكردان و بلي العجل ... (كل شهر)
و تغيير زيوت و فلاتر و تنظيف فلتر الهواء بصفة مستمرة عشان العربية تكون فايقة دايما....
مراجعة زيوت الفتايس و الكرادين و تغييرها ان لزم الأمر (مش مجرد تزويدها بس)

**M!NA** · 09-11-2011 01:06 PM

المشاركة الأصلية كتبت بواسطة amz2011

متشكر على الاهتمام و ردك بس كنت عايز اسال سؤال هل العربية الديزل احسن فى الصحراء من العربية البنزين؟

لكل منهما عيوبه و مميزاته....

الديزل تقريبا عديم الأعطال.... و ده يعني اعتمادية كاملة (تقدر تعتمد على العربية تماما بدون قلق)

عشان كدا تلاقي رحلات بحر الرمال كلها باللاند كروزر التعلبة الديزل

يعيبه ضعف التجميع في المطالع (و ده محتاج تكنيك... يعني مش هيكون مشكلة لواحد متمرس)

العربية البنزين لما بتسخن في ممكن تعطل... كمان طرمبة البنزين كتير بتكون مشكلة في بعض العربيات خصوصا الشيروكي....

بس يميزه سرعة تجميعه.... و أنه بيطلع الغرود بكفاءة أحسن من غير ما يحتاج احترافية عالية للسائق.... (طبعا القيادة في الرمل محتاجة احتراف بس أقصد البنزين محتاج مجهود أقل من الديزل)

الكلام طبعا على المحركات ال6 سلندر في الاتنين....