عرض للطباعة
دلوقتى انتوا عارفين طبعا العيد كل سنة و انتم طيبين .. و فى زيارات عائلية بيكون المفروض تعملها .. و أحيانا .. أو كتير .. بيكون فى زيارات مش عاوز تروحها.
خصوصا التجمعات العائلية اللى بيكتر فيها الناس .. و كمان فى الظروف اللى البلد فيها دلوقتى هتلاقى الفتي على ودنه .. و كل واحد له وجهة نظر بيحاول يفرضها .. و أنا مش هستحمل بصراحه.
و الموضوع مش هيأثر على صلة الرحم على فكرة.
فأنا عاوز فكرة تخلينى ما رحش بس بشكل شيك .. يعنى دوا مثلا يعمل أعراض كأن الواحد عيان .. أو أى فكرة تانية.
فى أى اقتراحات؟
فى واحد صاحبى دايما ينضرب بسكينه فى شارع ضلمه بروح ازوره فى المستشفى
ههههههههههههههههههه:ma::ma::ma:اقتباس:
المشاركة الأصلية كتبت بواسطة KHALED AYMAN
لو حد عاوز اعرفه على صاحبى مفيش مانع ..و يبقى يروح يزوره بقى هههههههههههه
نفض و كبر والى مش عاجبه الحيطة عنده
يا اخى لحمة السنادى كلها شكلها مضروبة خرفان وبقر وجاموس وجمال ... الواحد ياكلها من هنا ومش عارف بطنه تقلب عليه ليه من هنا .. آآه يا بطنى .
ومتهيألى ان عندك القولون بتاعك تعبان شوية ومبيستحملش ... ده علشان محدش يقول اشمعنى انت اللى تعبت لوحدك من اكل اللحمة .
العربيه كانت بتنقط كهربا باستمرار ورحت صلحتها فى سينما الاسره امبارح
حاجه غريبه
يا اخي انا زهقت منك
انت دايما تنسى معادنا
انا متاسف المره ديه مش هقبل اعتذار
ههههههه
حلوه بتنقط كهربا دى .. يعنى أدخل الجراج الاقى فى كهربا واقعه تحتيها :ma:اقتباس:
المشاركة الأصلية كتبت بواسطة mazagngi2010
هههههههههه ... يا ريت.اقتباس:
المشاركة الأصلية كتبت بواسطة mohammadrashee
هههههههه .. طيب ما تعرفنى عليه :-)اقتباس:
المشاركة الأصلية كتبت بواسطة khaled ayman
اقتباس:
المشاركة الأصلية كتبت بواسطة elmkaneeki
للأسف .. الدبلوماسية مطلوبة.
ده على أساس ان أنا لوحدى اللى أكلت من اللحمه :-)اقتباس:
المشاركة الأصلية كتبت بواسطة no comment
أنا رحت و زى ما توقعت .. الحوارات السايدة فى البلد .. و للأسف اللى بيتكلم بياخد وجهة نظرة من برنامج شافه وخلاص.
الجيش وحش .. لأ الجيش حلو
البرادعى وحش .. لأ البرادعى كويس
الانتخابات مش هتتعمل .. لأ هتتعمل
الشيعة وحشين
بس الحمد لله الموضوع عدى على خير
في المواقف اللي زي دي بروح عادي ولو حد جاب سيرة الحاجات دي بقول قفلو علي السيره دي ياجماعه وبفتح موضوع في اي حاجه تانيه عشان الموضوع ميقلبش بخناقه لان كل واحد بتلاقيه عنده كلمتين وعايز يحسسك انه نخبه ونابغه وسابق عصره ولو صممو باخدهم علي قد عقلهم واقوله اه وماشي وصح وعندك حق واعدي الليله
فكرتونى بموقف حصلى من كام سنه كنا معزومين ع الفطار انا واخواتى وكل واحد ومعاه مراته وامى وكلنا تقريبا رايحين غصب عننا المهم انا سبقت واخويا كان ورايا على كوبرى اكتوبر وقولت اقفل التكييف يادوب قفلته وبافتح الشباك وبعدها الاقى دخاااان خارج من التبلوه اتارى الدفيره ولعت ولولا ستر ربنا الناس لحقتنى بطفايه حريق والعربيه والصالون بقا لونهم ابيض بالظبط فوق الكوبرى المعلق غمره الناس اللى كنا معزومين عندهم اتصلوا وحكيتلهم الموقف والعزومه اضربت .....من ساعتها اى حد بيعزمنى وانا مش عاوز اروح مابتكسفش واجيبها وش والله مش هاينفع
كويس انك رحت
شوف هي بتبقى زيارات تقيلة بس الواحد بيبصلها على انها صلة رحم سواء لي او لزوجتي وبسأل الله الاجر
وبستحمل الزيارة عشان كدة بس ولو الموضوع مش عاجبني بساير الامور لحد ما تعدي الساعتين بتوع العزومة وبنمشي وكله مرضي
أهم حاجة أخبار الفتة إيه ولا كانت زيارة ارديحي :-))
وكل سنة وانت طيب
و الله يا بشمهندس زى مانت قلت كده "صلة الرحم" .. الرسول صلى الله عليه و سلم بيقول "مَنْ سَرَّهُ أَنْ يُبْسَطَ لَهُ فِي رِزْقِهِ أَوْ يُنْسَأَ لَهُ فِي أَثَرِهِ فَلْيَصِلْ رَحِمَه" فالواحد بيجتهد عشان يحصل الثواب .. و الله المستعان.اقتباس:
المشاركة الأصلية كتبت بواسطة م.احمد زكريا
مكنش فى فتة للأسف .. كان فى كفتة و فراخ مشوية و جلاش باللحمة المفرومة :-)