هو كل العضوات اللي هنا عارفين موقع الزيت والشحم منين ههههههه
اي حد غالبا معاة عربية اكيد بيكون شاف نايل موتورز اعتقد كدة ولا اية الموقع فية نسبة ماركة عالية ودة اللي خلاني اشترك واعمل الموضوع فية
عرض للطباعة
من الواضح انة انسان محترم الحل انة يسيبها عند اهلها ومايحاولش يرجعها
وهي هترجع لوحدها
للاسف اللي زي دول يا غمراوي بك الكبير مابيفوقهمش غير قلم الطلاق و ده بيبقى too late ساعتها
امتى الناس هتبطل تنشر احاديث ضعيفة و مكذوبة !!!!!
يسيبها عند اهلها
و يخلي المحامي يثبت حالة انها ناشز
و اللي زيها شرعا مالوش نفقة لان النفقة حق الاستمتاع و هي اصلا حارماه منها !!!
و لا يصرف عليها مليم
و لو ما رجعتش زي ال*&^%$% بعد شهر ........ يطلقها ........ بس يثبت الاول انها ناشز عشان ما تاخدش لا نفقة و لا متعة و لا مؤخر و لا اي نيلة ....... مالهاش غير نفقة العيال
لا حول ولا قوة الا بالله
البطران عيشته قطران
الدنيا ما بتديش محتاج
يبقى زوج كويس ومثالي يرزقه بواحدة مش اد المسئولية تعكنن عليه عيشته
او زوجة محترمة وقايدة صوابعها العشرة و زوج مش بيقدر النعمة
النوع دة من الستات بيحرق دمي
دي انسانة متدلعة ومش اد المسئولية
هيا عارفة انه طيب وفي ناس بتفتكر الطيبة ضعف وانها هتلي دراعه عشان الحمل
لكن يجمد قلبه ويطنشها وما يسألش فيها
ويربيها عشان تحرم تسيب بيتها
لازم حد عاقل يظهر في الصورة يرجعها عن اللي هيا فيه
حتى ولو صديقة ليها تكون عاقلة
بالنسبة للمستوي الاجتماعي مفيش فرق اجتماعيا خالص وعايشة معاة في مستوي كويس جدا لان راتبة كبير ومش مخليها عايزة حاجة ومش بيرفض ليها طلب , وهما الاثنين من نفس الطبقة بس هيا اهلها مدلعنها اووي فعلا
جوز اختها مع الزوج جدا ومغلطها جدا جدا وحال وبيحاول يصلح بينهم ولكن هو شايف,ان كلهم علية وقال لة بصراحة انت مجني عليك وهيا بتنكر العشير ,اظن دة من طرفها اهو المشكلة ان اهلها مقوينها وعايزينة يعمل اللي هما,عايزينة
خلاصة تجربتى الشخصية فى مشكلة من نفس النوع بالضبط مع مراتى
سابت البيت وانا حلفت على نفسى وقلت مفيش غير حلين يا اما ترجع لوحدها مهما طال الزمن انا نفسى طويل جدا يا تطلق وهيا الى تحتار انا قابل بأى وضع انا سايب وهيا الى مربوطه وعلى فكره عندى منها ولد وبنت واهلها عامو على عومها برضه لاكتر من شهرين وفى الاخر ساقو طوب الارض عشان اجى اخدها ونا حاسم امرى دون تردد وفى الاخر ابن عمى جه حلف عليا انه يروح يجبها بدون حضورى وفعلا جت زى البوبى وربنا يهدى ويصلخ الحال
خلاصة الكلام يطنش ويسيبها لحد ماتستوى على نار هاديه ......... والله المستعان
للأسف الشديد اللي بتبقى في بيت اهلها متدلعة وكل طلباتها مجابة ومتوفرلها كل ما هو غالي ونفيس بدون حساب اهلها بيتصوروا انهم كدة بيعززوها وبيرفعوا قيمتها طيب على ايه هيا قدمت ايه يرفع قيمتها
والراجل ما بيفرقش معاه حاجة لو انفصل بيتجوز غيرها هيا اللي بتبقى مطلقة واسهمها بتقل وبيبقى في رقبتها طفل
يعني م الاخر هيا الخسرانة
الا لو هيا شايقة ان زواجها هوااللي خسارة
اعرف ناس كتير خربوا على ولادهم اناث وذكور وقعدوهم جنبيهم مطلعين
دة طبعا غباء من الاهل
يووووووووووه دة الواحد ممكن يقول قوالة في الموضوع دة
ليا صديقة عزيزة
مستحملة من زوجها فوق مالا يحتمل بشر
ممكن نقول فيه كتب
لكن هيا عشان انسانة اصيلة
كل ما تتضايق منه تفتكر الحاجات الكويسة اللي عملها معاها عشان ما تكرهوش
وعمرها ما حكت حاجة لأهلها عشان عارفة انهم ممكن يبوظولها الدنيا
بتحط همها في نفسها وتحكي لي انا بس
والحمد لله باعمل اللي ربنا يقدرني عشان اهدي نفسيتها
لو واحدة زي بطلة قصتنا دي معاها واحد زي دة
كانت مشيت على عجين ما تلخبطوش وعرفت ان الله حق
لكن للأسف اللي معاها واحد كويس بتتبطرعليه
بكرة تندم